Муўапықластырыўшы кеӊес мәжилиси

Қанлыкөл районы ҳуқық қорғаў уйымларыныӊ муўапықластырыўшы кеӊес мәжилисине РИИБ, МСИ, Департаменттиӊ районлық бөлими, Мәжбүрий орынлаў бросы районлық бөлими хызметкерлери ҳәм басқада тийисли тараў басшылары қатнасты.
Мәжилисте район аймағында нызамлылықты беккемлеў, пуқаралардыӊ ҳуқық ҳәм еркинликлерин қорғаў, жанаятшылық ҳәм ҳуқықбузарлықлардыӊ алдын алыў бойынша 2024-жылдыӊ 12 айы даўамында әмелге асырылған жумыслар ҳәм алдағы ўазыйпалар бойынша район прокуроры М.Т.Тилеумуратов мәлимлемеси тыӊланды.
Бул бойынша район ҳәкими Б.Султанов, РИИБ ҳәм басқалар ислениўи тийис ўазыйпаларға кеӊ түрде тоқталды.
Атап өтилгениндей район аймағында нызамлылықты беккемлеў, пуқаралардыӊ ҳуқық ҳәм еркинликлерин қорғаў, жанаятшылық ҳәм ҳуқықбузарлықлардыӊ алдын алыў бойынша жақсы жетискенликлерге ерисилгени менен айрым тараўларда кемшиликлер қатаӊ сынға алынды.
Мәжилисте ислениўи тийис илажлар бойынша тийисли қарар қабыл етилди.

Kanalǵa aǵza bolıw: https://t.iss.one/kanlikulnews

Қанлыкөл дийқан базары бүгин

Ҳүрметли журт басшымыз тәрепинен халықты арзан ҳәм сыпатлы өнимлер менен тәмийнлеў, ишки базарларымызды жергиликли өнимлер менен толтырыў, буның ушын сатыўшы ҳәм қарыйдар ушын қолай шараятлар жаратыўға итибар қаратылмақта.
«Қанлыкөл дийқан базары» АЖ район халқының бирден-бир саўда орны саналады. Районда халық саны ҳәм базарға болған талаптың артыўы менен саўда орынлары қолай мүмкиншиликлерге ийе болды.
Район ҳәкими Б.Султанов бүгин базар жумыслары менен танысты. Күнделикли «Аўыл хожалығы өнимлери», тутыныў буйымлары, дән азық-аўқат базары жумысларында жаратылған шараятлар менен танысып, еледе қолай шараят жаратыў бойынша илажлар белгиледи.
Базар халықтын мәденияты, күн-көрис турмысы ҳәм халықтың айнасы. Саўда мәдениятын жетилистириўге сатыўшы ҳәм қарыйдар бирдей жуўапкер саналады.

Qanlıkól rayonı hákimliginiń Málimleme xızmeti
Kanalǵa aǵza bolıw: https://t.iss.one/kanlikulnews