📚📚📚📚

RASMIY MUNOSABAT

⬜️ Ijtimoiy tarmoqlarda Olmazor tumani, Sebzor dahasida joylashgan ko‘p qavatli uylar oldidagi qurilmalar haqida e’lon qilingan murojaat yuzasidan ⭐️Kadastr agentligining Toshkent shahar boshqarmasi quyidagilarni ma’lum qiladi.

⬜️ Boshqarmaning Olmazor tumani bo‘limi inspektorlari “Yuqori Sebzor” MFY hududida o‘tkazgan yer nazorati tadbirlarida Sebzor M17/18 dahasi, 2a-uy oldida fuqaro tomonidan o‘zboshimchalik bilan egallangan 36 kv.m yer maydonida noqonuniy qurilma (do‘kon) qurilganligi aniqlangan.

⬜️ Shundan so‘ng tegishli tartibda dalolatnoma rasmiylashtirilib, o‘zboshimchalik bilan egallab olingan yer maydoni hamda noqonuniy qurilmani belgilangan muddatda ixtiyoriy ravishda bartaraf etish yuzasidan ko‘rsatma xati berilgan.

⬜️ Biroq fuqaro davlat organining qonuniy talablarini bajarmaganligi sababli unga nisbatan ma’muriy ta’sir chorasi (jarima) qo‘llanilib, noqonuniy qurilmani buzish hamda o‘zboshimchalik bilan egallab olingan yer maydonini bo‘shatish yuzasidan belgilangan tartibda sudga da’vo arizasi bilan murojaat etilgan.

⬜️ Natijada bugungi kunda sudning hal qiluv qarori bilan tegishli idoralar tomonidan noqonuniy qurilmani bartaraf etish hamda o‘zboshimchalik bilan egallangan yer maydonini davlat zaxirasiga qaytarish choralari ko‘rilayotganligi bildiriladi.

⚖️ Unutmang! Yerlarni o‘zboshimchalik bilan egallash, noqonuniy qurilmalar qurib olish ma’muriy yoki jinoiy javobgarlikka sabab bo‘ladi.

#Kadastr #rasmiy_munosabat

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

🇺🇿🇺🇿🇺🇿🇺🇿

RASMIY MUNOSABAT

▪️Ijtimoiy tarmoqlardan birida Mirzo Ulugʻbek tumani, “Turon” MFY hududida yashayotgan bir guruh fuqarolarning kelajakda amalga oshirilishi mumkin boʻlgan qurilish ishlaridan norozi boʻlib yoʻllagan murojaati yuzasidan🌟Davlat kadastrlari palatasi Toshkent shahar boshqarmasi quyidagilarni ma’lum qiladi.

▪️Boshqarmaning arxiv hujjatlariga muvofiq, Toshkent shahar, Mirzo Ulugʻbek tumani, “Turon” MFY, Buzbozor koʻchasi, 23A uyda joylashgan koʻchmas mulk obyekti, 01.07.2020-yildagi oldi-sotdi shartnomasiga asosan, “C.P.B.” MCHJ nomiga mulk huquqida davlat roʻyxatidan oʻtkazilgan.

▪️Mazkur obyekt 975.0 kv.m ga teng yer maydonida joylashgan boʻlib, bino va inshootlarning umumiy maydoni 269,00 kv.m, foydalanish maydoni 241,78 kv.m ni tashkil etadi.

▪️Shuningdek, boshqarmada ushbu obyekt buzilib, qayta qurilishi toʻgʻrisida maʼlumot mavjud emasligi maʼlum qilinadi.

❕Ma'lumot uchun: qurilishga ruxsat berish, shuningdek, mahalliy davlat hokimiyati organlarining qarorlariga huquqiy baho berish yoki ularni bekor qilish Kadastr idoralarining vakolatiga kirmasligi bildiriladi.

#Kadastr #rasmiy_munosabat

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

📚📚📚📚

RASMIY MUNOSABAT

◾️“Milliy” telekanalining “Millar” dasturi orqali Toshkent shahar, Yashnobod tumani “Yashnobod” mahallasida qurilgan ko‘p qavatli xonadonlardan uy sotib olgan fuqarolarning kadastr hujjatlarini rasmiylashtirolmayotgani haqida efirga uzatilgan lavha yuzasidan🌟Davlat kadastrlari palatasi Toshkent shahar boshqarmasi quyidagilarni ma’lum qiladi.

◾️Boshqarmaning arxiv hujjatlariga muvofiq, Yashnobod tumani, “Yashnobod” MFY Aviasozlar 5-tor ko‘chasi, 47-uy manzilida joylashgan ko‘p qavatli turar joy binolariga kadastr pasportini shakllantirish yuzasidan ariza va murojaatlar kelib tushmagan bo‘lib, mazkur obyekt 2020-yil 20-martdagi oldi-sotdi shartnomasiga asosan “M.T.S.” MCHJ nomiga mulk huquqida davlat ro‘yxatidan o‘tgan. Ushbu ko‘chmas mulk obyekti 7300.00 kv.m ga teng yer maydonida joylashgan bo‘lib, mulk huquqida davlat ro‘yxatidan o‘tgan binolar umumiy maydoni 177.00 kv.m ni tashkil etadi.

◾️Bunda, quruvchi tashkiloti tomonidan, bugungi kunga qadar ushbu ko‘p qavatli turar joy binolariga tegishli davlat qurilish tashkilotlari tomonidan foydalanishga ruxsat berilganligi to‘g‘risida murojaat etilmaganligi munosabati bilan ko‘p qavatli turar joy binolari davlat ro‘yxatidan o‘tmagan.

◾️Yuqorida bayon etilganlarga asosan, murojaatnomada qayd etilgan, “fuqarolarga kadastr hujjatlari taqdim etilmayotganligi” vajlari, ushbu ko‘p qavatli turar joy binolarining mulkdori bo‘lmish "M.T.S." MCHJ tomonidan mazkur turar joy binolaridagi xonadonlarni o‘rnatilgan tartibda notarial idora orqali tegishli shartnomalar (oldi-sotdi va x.k.) rasmiylashtirib berilmayotganligini anglatishi, mulkdor yuqorida qayd etilgan ko‘p qavatli turar joy binolariga tegishli qurilish tashkilotlari tomonidan qurilishi tugallangan binolardan foydalanish uchun ruxsatnomalar berilib, notarial shartnomalar rasmiylashtirilganidan so‘ng, sotib oluvchilar (fuqarolar) huquqlarni vujudga keltiruvchi hujjatlar (oldi-sotdi va x.k.) bilan murojaat etishgandan so‘ng davlat ro‘yxatidan o‘tkazilishi va kadastr hujjatlari shakllantirilishi ma’lum qilinadi.

#Kadastr #rasmiy_munosabat

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

📚📚📚📚

RASMIY MUNOSABAT

◾️Ijtimoiy tarmoqlarda e’lon qilingan Yakkasaroy tumani Bobur ko‘chasida joylashgan "Do‘stlik" bog‘i hududining noqonuniy tarzda egallab olinganligi haqidagi murojaat yuzasidan⭐️Kadastr agentligi va 🌟Davlat kadastrlari palatasi Toshkent shahar boshqarmalari quyidagilarni ma’lum qiladi.

◾️Mavjud arxiv hujjatlariga muvofiq, Toshkent shahar, Yakkasaroy tumani, Bratislava koʻchasi, 2a-uy manzilidagi (qurilishi tugallanmagan) noturar joy obyekti Loyiha tashkilotining 14.09.2023-yil va 10.11.2023-yildagi Maʼlumotnomasiga asosan 04.04.2024-yilda "VINERA TOWER" MCHJ nomiga mulk huquqida davlat roʻyxatidan oʻtkazilgan.

◾️Obyektning yer maydoni 5273 kv.m, qurilish osti maydoni 4654 kv.m, bino va inshootlari umumiy maydoni 58 091 kv.m, huquqiy hujjatlarga asosan davlat roʻyxatidan oʻtkazilgan bino va inshootlari maydoni 23 183 kv.m, huquqiy hujjat taqdim etilmagan bino va inshootlari maydoni 34 908 kv.m ni tashkil etadi.

◾️2023-yilning iyun oyida MCHJ tomonidan olib borilayotgan qurilish ishlari va noqonuniy egallab olingan yer maydonini joyiga chiqib o‘rganishlar olib borib, nazoratdagi o‘lchov ishlari o‘tkazilganda quyidagilar ma’lum bo‘lgan.

◾️Xususan, MCHJ tomonidan o‘ziga tegishli 5273 kv.m yer maydonidan tashqari 2451 kv.m yer uchastkasi o‘zboshimcha egallab olinganligi va temirsimon to‘siq (profnastil) bilan o‘rab qo‘yilganligi aniqlangan.

◾️Shu bilan birga, MCHJ tomonidan o‘zboshimcha o‘rab olingan 2451 kv.m yer uchastkasining 606 kv.m yer maydoni “Do‘stlik bog‘i” hududidan egallab olinib, ayrim qismida kotlovan qazilganligi qo‘shimcha aniqlangan.

◾️Mazkur holat yuzasidan 2023-yilning 5-iyun kuni Kadastr agentligi Toshkent shahar boshqarmasi Yakkasaroy tuman bo‘limi inspektorlari tomonidan joyiga chiqib, Vazirlar Mahkamasining 183-sonli Qarori bilan tasdiqlangan nizom talablariga asosan o‘rnatilgan tartibda davlat yer nazorati tadbiri olib borilgan va yerga oid huquqbuzarlik sodir etgan “VINERA TOWER” MCHJga nisbatan tegishli hujjatlar rasmiylashtirilgan.

◾️Ushbu holat yuzasidan “VINERA TOWER” MCHJ rahbariga nisbatan O‘zbekiston Respublikasi MJtKning 266-modda 1-qismiga muvofiq, Kadastr agentligi Toshkent shahar boshqarmasiga berilgan vakolatga asoslanib, O‘zbekiston Respublikasi MJtKning 60-moddasida belgilab o‘tilgan ma’muriy javobgarlik holati bo‘yicha ta’sir choralari qo‘llanilganligi ma’lum qilinadi.

#Kadastr #rasmiy_munosabat

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

📚📚📚📚

RASMIY MUNOSABAT

◾️Kuni kecha ijtimoiy tarmoqda Toshkent shahridagi kadastr bazasida muammolar kuzatilayotgani haqida post joylandi. Ushbu masala yuzasidan🌟Davlat kadastrlari palatasi Toshkent shahar boshqarmasi quyidagilarni ma’lum qiladi.

◾️Oldin xabar berilganidek, joriy yilning 18-iyun kunida Kadastr agentligi Toshkent shahar boshqarmasining ma’lumotlar bazasida rejali grafik asosida texnik ishlar olib borilishi munosabati bilan Toshkent shahri hududidagi obyektlar bo‘yicha Kadastr Agentligi tomonidan ko‘rsatiladigan davlat xizmatlarida vaqtinchalik uzilishlar kuzatilishi ma‘lum qilingan edi.

◾️Bugungi kunga kelib Toshkent shahrida joylashgan serverlarda texnik ishlar yakuniga yetkazilib, barcha kamchiliklar bartaraf etilgani hamda tizim to‘liq faoliyat yuritayotganini ma’lum qilamiz!

◾️Hurmatli fuqarolar va tadbirkorlar! Kadastr xizmatlaridan onlayn foydalanishingiz mumkin.

◾️Kuzatilgan texnik uzilishlar uchun yana bir bor yurtdoshlarimizdan uzr so‘raymiz.

#Kadastr #rasmiy_munosabat

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

🇺🇿🇺🇿🇺🇿🇺🇿🇺🇿

Rasmiy munosabat

⚡️Kecha va bugun ijtimoiy tarmoqlarda tarqalgan “Uyingizni kadastr hujjatlarini yo‘qotib qo‘yib arxivdan ham topa olmayotgan bo‘lsangiz siz uchun foydali tavsiya” mazmunidagi postda ayrim ma'lumotlar noto‘g‘ri ekanligi bo‘yicha Kadastr agentligining Davlat kadastrlari palatasi ogohlantirib, mazkur video orqali batafsil ma'lumotlarni taqdim etadi.

❕Shu o'rinda, ijtimoiy tarmoq foydalanuvchilari va faollaridan ommaga taqdim etayotgan ma’lumotlar huquqiy jihatdan to‘g‘ri bo‘lishini, davriy o‘zgarish va yangilanishlarga mosligini tekshirib olishlarini so'rab qolamiz!

#DavKadastrPalata #rasmiy_munosabat

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

📚📚📚📚

RASMIY MUNOSABAT

◾️Ijtimoiy tarmoqlarda Yakkasaroy tumani “Do‘stlik bog‘i” hududining noqonuniy tarzda egallab olinganligi holati bo‘yicha ko‘rilgan ta’sir chorasi haqida e’tirozli postlar (1, 2) e’lon qilindi. Mazkur murojaat yuzasidan ⭐️Kadastr agentligining Toshkent shahar boshqarmasi quyidagilarni ma’lum qiladi.

◾️Avval xabar berilganidek, Toshkent shahar, Yakkasaroy tumani, Bratislava ko‘chasi, 2a-uy manzilida joylashgan noturar-joy hududi bo‘yicha 2023-yil 27-yanvarda “VINERA TOWER” MCHJ nomiga kadastr pasporti shakllantirilgan.

◾️2023-yilning iyun oyida MCHJ tomonidan olib borilayotgan qurilish ishlari va noqonuniy egallab olingan yer maydonini o‘rganish maqsadida o‘lchov ishlari o‘tkazilgan vaqtda MCHJ tomonidan o‘ziga tegishli 5273 kv.m yer maydonidan tashqari 2451 kv.m yer maydoni o‘zboshimcha egallab olinib, temirsimon to‘siq (profnastil) bilan o‘rab qo‘yilganligi, shundan, 606 kv.m bog‘ hududidan qo‘shib o‘ralganligi aniqlangan.

◾️Holat yuzasidan 2023-yilning 5-iyun kuni Kadastr agentligining Toshkent shahar boshqarmasi Yakkasaroy tuman bo‘limi mas’ul xodimlari Vazirlar Mahkamasining 183-sonli Qarori bilan tasdiqlangan nizom talablariga asosan belgilangan tartibda davlat yer nazorati tadbirlari olib borgan va yerga oid huquqbuzarlik sodir etgan “VINERA TOWER” MCHJga nisbatan tegishli hujjatlar rasmiylashtirilib, O‘zbekiston Respublikasi MJtKning 60-modda 2-qismi (Yer uchastkalarini oʻzboshimchalik bilan egallab olish, shu jumladan ushbu yer uchastkalariga nisbatan qonuniy huquqlari mavjud boʻlmagan holda ulardan foydalanish) bilan jarima qo‘llanilgan.

◾️Bugungi kunda o‘tkazilgan nazorat tadbirlari natijasida o‘zboshimchalik bilan egallangan 500 kv.m yer maydonining o‘z holiga qaytarilishiga erishildi.

◾️Shuningdek, belgilangan tartibda yer qonunbuzilishini to‘liq bartaraf etish, o‘zboshimchalik bilan egallab olingan yer maydonini MCHJ hisobidan o‘z holiga qaytarish yuzasidan Toshkent tumanlararo Iqtisodiy sudiga da’vo arizasi kiritilgan. Mazkur o‘zboshimchalik bilan egallangan yer maydonini o‘z holatiga qaytarilishi Sudning tegishli qarori bilan ta’minlanadi.

◾️Qo‘shimcha ravishda, “VINERA TOWER” MCHJ tomonidan sodir etilgan holatlar yuzasidan to‘plangan barcha hujjatlar huquqiy baho berishlik uchun Prokuratura organlariga yuborilganligi ma’lum qilinadi.

#Kadastr #rasmiy_munosabat

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

📚📚📚📚

RASMIY MUNOSABAT

◾️“Xalq nazorati” telegram kanalida e’lon qilingan murojaat yuzasidan⭐️Kadastr agentligining Toshkent shahar boshqarmasi quyidagilarni ma’lum qiladi.

◾️Mavjud arxiv hujjatlariga muvofiq, Yunusobod tumani hokimining 2013-yil 16-avgustdagi farmoyishi bilan Yunusobod tumani, 3-mavzesida joylashgan 3873 kv.m yer maydoni MCHJga obodonlashtirish va ko‘kalamzorlashtirish maqsadida biriktirilgan.

◾️2024-yil 16-may kuni boshqarmaning Yunusobod tuman bo‘limi mas’ul xodimlari tomonidan Vazirlar Mahkamasining 183-sonli Qarori bilan tasdiqlangan nizom talablariga asosan belgilangan tartibda olib borilgan davlat yer nazorati tadbiri natijasida, MCHJga yer maydoni faqatgina obodonlashtirish va ko‘kalamzorlashtirish maqsadida biriktirilgan bo‘lishiga qaramasdan ushbu yer maydonida o‘zboshimchalik bilan o‘rab olish, unda noqonuniy qurilmalar (stadion, avtoturargoh, qorovulxona hamda tadbirkorlik maqsadida binolar) qurib, ushbu yer maydonidan shu kunga qadar maqsadsiz foydalanib kelayotganligi aniqlangan.

◾️Mazkur holat yuzasidan ma’muriy bayonnoma rasmiylashtirilib, ogohlantirish xati berilganiga qaramay holat MCHJ rahbari tomonidan ixtiyoriy ravishda bartaraf etilmagan.

◾️Shundan so‘ng aniqlangan yer qonunbuzilishini bartaraf etish, o‘zboshimchalik bilan egallab olingan yer maydonini MCHJ hisobidan o‘z holiga qaytarish yuzasidan Toshkent tumanlararo Iqtisodiy sudiga da’vo arizasi kiritilgan. Bugungi kunda kiritilgan da’vo arizasi sud tomonidan belgilangan tartibda ko‘rib chiqilmoqda.

◾️Bundan tashqari, “Xalq nazorati” telegram kanalida e’lon qilingan yuqoridagi murojaatda “Toshkentni qoq markazidagi manavi bino esa yarimtayam ruxsatsiz yaqinlarda qurildi” deya izohlangan qurilmaga ham to‘xtalib o‘tamiz.

◾️Mavjud arxiv hujjatlariga muvofiq, Mirzo Ulug‘bek tumani, O‘zbekiston ovozi ko‘chasida joylashgan 2-sonli noturar joy obyekti MCHJga 15.08.2023 yildagi Elektron-onlayn auksion natijalari to‘g‘risidagi bayonnomasiga asosan auksion g‘olibi sifatida 180.00 kv.m yer maydoni 15.08.2023 yildagi Qishloq xo‘jaligiga mo‘ljallanmagan bo‘sh turgan yer uchastkasini ijaraga olish to‘g‘risidagi shartnomaga ko‘ra mulk huquqida davlat ro‘yxatidan o‘tkazilgan.

◾️O‘zbekiston Respublikasi Qurilish va uy-joy kommunal xo‘jaligi vazirligining 06.09.2023 yildagi Arxitektura-rejalashtirish topshirig‘iga ko‘ra O‘zbekiston Respublikasi Qurilish Vazirligi, Toshkent shahar Qurilish bosh boshqarmasi, Loyiha-smeta hujjatlarni kelishish bo‘yicha Arxitektura va shaharsozlik kengashi ishchi organlari tomonidan 26.09.2023 yildagi loyiha tasdiqlangan.

◾️Tasdiqlangan loyiha-smetasiga asosan 23.11.2023 yildagi O‘zbekiston Respublikasi Qurilish vazirligi huzuridagi Qurilish sohasida nazorat inspeksiyasi tomonidan qurilishi (rekonstruksiya) tugallangan obyektdan foydalanish uchun Ruxsatnomasiga ko‘ra umumiy foydalanish maydoni (tashqi) 152.00 kv.m., foydalanish maydoni 131.59 kv.m., qurilish osti maydoni 152.00 kv.m ga nisbatan MCHJ nomiga mulk huquqida davlat ro‘yxatidan o‘tkazilgani ma’lum qilinadi.

#Kadastr #rasmiy_munosabat

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

🇺🇿🇺🇿🇺🇿🇺🇿

RASMIY MUNOSABAT

◾️Ijtimoiy tarmoqlardan birida e’lon qilingan “Toshkent shahar yer resurslari va davlat kadastri boshqarmasining ishonch raqamlari” bilan bogʻliq shikoyat yuzasidan🌟Davlat kadastrlari palatasi Toshkent shahar boshqarmasi quyidagilarni ma’lum qiladi.

◾️Boshqarma rahbariyati tomonidan murojaatda bayon qilingan holat tanqidiy-tahliliy ruhda koʻrib chiqilib, boshqarma va uning tuman filiallaridagi bevosita murojaatlarga mas’ul xodimlarga o‘ziga yuklatilgan vazifalar ijrosida talabchan va mas'uliyatli bo‘lish, murojaatlarni o‘z muddatida sifatli ko‘rib chiqish, fuqarolar bilan muloqot davomida odob-axloq qoidalari, muomala madaniyati, kasb etikasiga rioya qilish toʻgʻrisida tegishli koʻrsatma va tavsiyalar berildi. Ayni yo‘nalishdagi nazorat ishlarini yanada kuchaytirish choralari ko‘rilishi belgilab olindi.

◾️Bundan tashqari bir necha bor urinishlarga qaramay afsuski murojaat muallifi bilan bog‘lanishning imkoni bo‘lmadi.

◾️Shu o‘rinda Davlat kadastrlari palatasi Toshkent shahar boshqarmasi tomonidan jismoniy va yuridik shaxslarning kadastrga oid murojaatlarini qonun doirasida ijobiy hal qilish, kadastr yo‘nalishida aholi manfaatlari ustuvorligini ta’minlashga qaratilgan chora-tadbirlarga to‘xtalib o‘tamiz.

◾️Bugungi kunda boshqarmaning (+99871) 231-68-51 (ichki 212 murojaatlar uchun hamda 250 ishonch raqamlari) dushanbadan-jumagacha, soat 9:00 dan 18:00 gacha ish faoliyatida boʻlib, mutaxassislar tomonidan fuqarolar murojaatiga javob berib kelinmoqda.

◾️Shuningdek, boshqarma hamda uning tuman filiallari binolarida sohaga oid u yoki bu masalasiga aniqlik kiritmoqchi boʻlgan poytaxtimiz aholisi hamda tadbirkorlari uchun fuqarolar qabuli, bundan tashqari, murojaat yoʻllash uchun @kadastruzb_bot yoʻlga qoʻyilgan.

◾️Qolaversa “Kadastr-xalq xizmatida” tamoyili asosida “Mahallabay”, “Xonadonbay” o‘rganishlar olib borilib, aholi murojaatlari yuzasidan tegishli huquqiy tushunchalar berib kelinayotganligi ma’lum qilinadi.

#Kadastr #rasmiy_munosabat

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

📚📚📚📚

RASMIY MUNOSABAT

◾️“Zoʻr TV” telekanalining “Bu kun” dasturi orqali Toshkent shahri Yangihayot tumani, “Choshtepa” mahallasida joylashgan avtobus bekati yonidagi noqonuniy koʻchma qurilma haqida efirga uzatilgan lavha yuzasidan⭐️Kadastr agentligi Toshkent shahar boshqarmasi quyidagilarni ma’lum qiladi.

◾️Mavjud arxiv hujjatlariga muvofiq, Toshkent shahar, Yangihayot tumani “Choshtepa” MFY, Choshtepa ko‘chasi, 180-uy manzilida qurilgan noturar joy obyekti Aksiyadorlik jamiyatiga tegishli yer maydonida bo‘lib, ushbu yer maydoni 14.05.2024 yilda davlat ro‘yxatidan o‘tkazilgan, umumiy yer maydoni 1783 kv.m.
Toshkent shahar hokimining 14.12.2020 yildagi qarori bilan doimiy foydalanish huquq turida ajratilgan.

◾️2024-yilning 15-iyul kuni mazkur maydondagi qurilish ishlarini joyiga chiqib o‘rganishlar olib borib, nazoratdagi o‘lchov ishlari o‘tkazilganda quyidagilar ma’lum bo‘lgan:

◾️Xususan, aksiyadorlik jamiyati tomonidan o‘ziga tegishli 1783 kv.m yer maydonida O‘zbekiston Respublikasi Ma’muriy javobgarlik to‘g‘risidagi kodeksning 68-moddasida ko‘rsatib o‘tilgan yer tuzish loyiha hujjatlardan tegishli ruxsat bo‘lmay turib chetga chiqish, xuddi shunday tegishli organlar bilan kelishmay turib obyektlarni joylashtirish, loyihalashtirish, qurish va ularni foydalanishga topshirish holati aniqlangan.

◾️Mazkur holat yuzasidan Kadastr agentligi Toshkent shahar boshqarmasi Yangihayot tuman bo‘limi inspektorlari tomonidan joyiga chiqib, Vazirlar Mahkamasining 183-sonli Qarori bilan tasdiqlangan nizom talablariga asosan o‘rnatilgan tartibda davlat yer nazorati tadbiri olib borilgan va yerga oid huquqbuzarlik sodir etgan AJ rahbariga nisbatan tegishli hujjatlar rasmiylashtirilgan.

◾️O‘zbekiston Respublikasi MJtKning 266-modda 1-qismiga muvofiq, Kadastr agentligi Toshkent shahar boshqarmasiga berilgan vakolatga asoslanib, MJtKning 68-moddasida belgilab o‘tilgan ma’muriy javobgarlik holati bo‘yicha ta’sir choralari qo‘llanilganligi ma’lum qilinadi.

#Kadastr #rasmiy_munosabat

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

📚📚📚📚
RASMIY MUNOSABAT

◾️Ijtimoiy tarmoqda Toshkent shahar, Mirzo Ulug‘bek tumanida qurilgan ko‘p qavatli xonadonlardan uy sotib olgan fuqarolarning kadastr hujjatlarini rasmiylashtirolmayotgani haqida e’lon qilingan murojaat yuzasidan 🌟Davlat kadastrlari palatasi Toshkent shahar boshqarmasi quyidagilarni ma’lum qiladi.

◾️Boshqarmaning arxiv hujjatlariga muvofiq, Mirzo Ulugʻbek tumani, Sayram koʻchasi, 20-uy manzilida joylashgan, pastki qavatida savdo va maishiy xizmat koʻrsatish majmuasi joylashgan koʻp qavatli turar joy binosi obyekti “F.P.H.” MCHJga Toshkent shahar hokimining 30.11.2018-yildagi, Oʻzbekiston Respublikasi Vazirlar Mahkamasining 04.01.2024-yildagi hamda Toshkent shahar hokimining 15.01.2024-yildagi qarorlariga asosan yer maydoni ajratib berilgan. Noturar qismi boʻyicha kadastr pasporti shakllantirilgan, davlat roʻyxatidan oʻtkazilmagan.

◾️Turar joy qismi boʻyicha kadastr pasporti shakllantirilgan, unga koʻra umumiy foydalanish maydoni 8088,63 kv.m., yashash maydoni 4091,42 kv.m. ni tashkil etadi.

◾️Binoni foydalanishga qabul qilish yuzasidan berilgan buyurtma O‘zbekiston Respublikasi Qurilish vazirligi huzuridagi Qurilish sohasida nazorat inspeksiyasi tomonidan Vazirlar Mahkamasining 2022-yil 20-apreldagi 200-son qarori 6-ilovasi – “Qurilish-montaj ishlari tugallangan obyektdan foydalanish uchun ruxsatnoma berish bo‘yicha davlat xizmatlari ko‘rsatishning Ma’muriy reglamenti” 2-bob, 19-bandi, 17-xatboshiga asosan rad etilgan.

◾️Bugungi kunga qadar ushbu ko‘p qavatli turar joy binolariga tegishli davlat qurilish tashkilotlari tomonidan foydalanishga ruxsat berilmaganligi sababli ko‘p qavatli turar joy binolari davlat ro‘yxatidan o‘tkazilmagan.

◾️Qo‘shimcha ravishda, yuqorida qayd etilgan ko‘p qavatli turar joy binolariga tegishli qurilish tashkilotlari tomonidan qurilishi tugallangan binolardan foydalanish uchun ruxsatnomalar berilib, notarial shartnomalar rasmiylashtirilganidan so‘ng, sotib oluvchilar (fuqarolar) huquqlarni vujudga keltiruvchi hujjatlar (oldi-sotdi va x.k.) bilan murojaat etishgandan so‘ng davlat ro‘yxatidan o‘tkazilishi va kadastr hujjatlari shakllantirilishi ma’lum qilinadi.

#Kadastr #rasmiy_munosabat

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

📚📚📚📚

RASMIY MUNOSABAT

◾️Ijtimoiy tarmoqda e’lon qilingan Olmazor tumanida yashovchi fuqaroning kadastrga oid murojaati yuzasidan 🌟Davlat kadastrlari palatasi Toshkent shahar boshqarmasi quyidagilarni ma’lum qiladi.

◾️O‘rganish natijasida fuqaro Muratov I. tomonidan Toshkent shahar, Olmazor tumani, Qorasaroy, Sariq-suv tor koʻchasi, 60 uy-joyning yer maydonini xususiylashtirish to‘g‘risida 2024-yil 23-may hamda 15-iyulda berilgan arizalari ko‘rib chiqilib, yerga bo‘lgan huquqni belgilovchi hujjatdagi ya’ni Olmazor tumani hokimining 30.07.2018-yildagi qaroridagi yer maydoni (302 kv.m.) chegaralari hamda haqiqatdan foydalanayotgan yer maydoni (297 kv.m.) chegaralari mos kelmaganligi sababli Vazirlar Mahkamasining 2022-yil 14-fevraldagi 71-sonli qarori bilan tasdiqlangan O‘zbekiston Respublikasi fuqarolari va yuridik shaxslariga doimiy foydalanish (egalik qilish), ijara va meros qilib qoldiriladigan umrbod egalik qilish huquqi asosida tegishli bo‘lgan yer uchastkalarini xususiylashtirish bo‘yicha davlat xizmatlari ko‘rsatishga doir Ma’muriy reglamentning 2-bob, 14-band, 5-xatboshisiga asosan rad etilgan.

◾️Murojaatdan keyin boshqarmaning Olmazor tumani filiali xodimlari tomonidan yuqorida ko‘rsatilgan manzilda takroran o‘lchov ishlari o‘tkazildi. Natijada yana huquqiy hujjatdagi hamda amalda foydalanayotgan yer maydoni chegaralarida tafovut aniqlandi. Shundan so‘ng fuqaro Muratov I. hamda uning qonuniy vakili X.Qilichevga Olmazor tumani hokimining 30.07.2018-yildagi qaroriga o‘zgartirish kiritish uchun tuman hokimligiga murojaat qilishi mumkinligi tushuntirildi.

◾️Shunga qaramay bugungi kunda fuqaroning qonuniy vakili yuqoridagi masalaga yechim topish maqsadida Sudga murojaat qilganligi bildiriladi.

#Kadastr #rasmiy_munosabat

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

📚📚📚📚

RASMIY MUNOSABAT

◼️Ijtimoiy tarmoqlarning birida eʼlon qilingan Sergeli tumanidagi qabriston hududiga oid murojaat yuzasidan Davlat kadastrlari palatasi Toshkent shahar boshqarmasi quyidagilarni maʼlum qiladi.

◼️Toshkent shahar hokimining 10.10.2018 yildagi qaroriga asosan Sergeli tumani, Choshtepa, 1-tor ko‘chasi manzilida joylashgan 5 564 kv.m ga teng qabriston hududi “Fuqarolarga xizmat ko‘satish boshqarmasi” Davlat muassasasiga tegishli.

◼️Videomurojaatda ko‘rsatilgan mazkur qabriston yonidagi bolalar maydonchasi joylashgan yer maydoni yuzasidan boshqarmada ma’lumot mavjud emas hamda kadastr pasportini shakllantirish yuzasidan buyurtma kelib tushmagan.

◼️Sergeli tumani filiali xodimi tomonidan qayd etilgan yer maydoni joylashgan joyga chiqib o‘tkazilgan o‘rganish ishlari natijasida bugungi kunda ushbu yer maydonidan bolalar maydonchasi sifatida foydalanib kelinayotganligi, ko‘chadan kirish tomoniga devor va eshik qurilganligi hamda ushbu yer maydoni qabriston hududiga qarashli emasligi ma’lum bo‘lgan.

◼️Shuningdek, boshqarmaning maʼlumotlar bazasiga muvofiq, Sergeli tumani, Choshtepa, 1-tor ko‘chasi manzilida joylashgan qabriston hududiga nisbatan kadastr pasportini rasmiylashtirish yuzasidan kelib tushgan buyurtmaga asosan 2022- yil 21-aprelda kadastr pasporti rasmiylashtirib berilganligi ma’lum qilinadi.

#Kadastr #rasmiy_munosabat

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

🇺🇿🇺🇿🇺🇿🇺🇿

RASMIY MUNOSABAT

◼️Ijtimoiy tarmoqlarda e’lon qilingan Toshkent shahri, Yangihayot tumani Yo‘ldosh-6 mavzesidagi fuqarolarning kadastr hujjatlarini rasmiylashtirolmayotgani haqidagi murojaati (1, 2) yuzasidan Davlat kadastrlari palatasi Toshkent shahar boshqarmasi quyidagilarni ma’lum qiladi.

◼️Toshkent shahar hokimining 12.06.2018 yildagi qarori bilan, Toshkent shahar hokimligining “Yagona buyurtmachi xizmati” injiniring kompaniyasiga Yangihayot tumani (avvalgi Sergeli tumani) Yo‘ldosh-6 va 9-mavzelarini Chinor, Davlatobod, Polvonyor, Do‘stlik va Birodarlik ko‘chalari oralig‘ida (“TOSHISSIQQUVVATI” DUKning hududi olinishi hisobiga) ko‘p qavatli turar-joy binolari qurish uchun 2,4 gektar yer maydoni doimiy foydalanishga ajratib berilgan.

◼️“Eram Qurilish” MCHJ tomonidan ijtimoiy va investitsiya majburiyatlari bajarilmaganligi, tegishli tashkilotlardan loyiha hujjatlari tasdiqlanmaganligi, qurilish ishlari belgilangan muddatda yakunlanmaganligi va bugungi kunga qadar kadastr hujjatlarini rasmiylashtirish yuzasidan murojaat etmaganligi bildiriladi.

◼️Qo‘shimcha ravishda, qurilishi tugallangan bino-inshootni foydalanishga topshirish yuzasidan tegishli dalolatnoma tasdiqlangandan so‘ng, o‘rnatilgan tartibda quruvchi tashkilot nomiga davlat ro‘yxatidan o‘tkazilishi mumkin.

◼️Bunda fuqarolar tomonidan sarmoya kiritish va ko‘p qavatli turar joy qurilishiga ulushli ishtirok etish to‘g‘risidagi shartnomalar mulkka bo‘lgan huquqlarni davlat ro‘yxatidan o‘tkazish uchun asos bo‘la olmasligi, huquq turining vujudga kelishini tasdiqlovchi hujjatlardan biri (quruvchi tashkilot tomonidan notarial idora orqali rasmiylashtirilgan oldi-sotdi shartnomasi va x.k.) taqdim etilib, Davlat xizmatlari markazi yoki my.gov.uz orqali murojaat etilgan taqdirda, vujudga kelgan huquq davlat ro‘yxatidan o‘tkazilishi va kadastr hujjatlari rasmiylashtirilishi bildiriladi.

#Kadastr #rasmiy_munosabat

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

📚📚📚📚

RASMIY MUNOSABAT

💠 Ijtimoiy tarmoqlarda e’lon qilingan Yunusobod tumani, 18-mavze, 54-ko‘p qavatli uyning tutash hududida avtomobillarni vaqtincha saqlash uchun o‘rnatilgan soyabonlar (avtoturargoh) haqidagi murojaat yuzasidan ⭐️Kadastr agentligi va 🌟Davlat kadastrlari palatasi Toshkent shahar boshqarmalari quyidagilarni ma’lum qiladi.

◼️Boshqarmaning arxiv hujjatlariga muvofiq, Toshkent shahar hokimining 2014-yil 8-iyuldagi qarori bilan, “B.Q.” xususiy korxonasiga ko‘p qavatli turar joy, ma’muriy bino, aholiga xizmat ko‘rsatish markazi va avtoturargoh qurish uchun 0.48 gektar yer maydoni doimiy foydalanishga ajratib berilishi belgilangan.

◼️2020-yil 9-yanvardagi Qurilishi (rekonstruksiyasi) tugallangan bino-inshootlarning foydalanishga qabul qilish dalolatnomasi bilan umumiy foydalanishdagi 4 800 kv.m. yer maydonida Yunusobod tumani, 18-mavze, 54-ko‘p qavatli uy binosi foydalanishga qabul qilingan.

◼️Ko‘p xonadonli uy-joy fondini, uning atrof hududini saqlash va undan foydalanish
qoidalariga rioya qilishni nazorat qilish va qonunbuzilish holatlari aniqlangan taqdirda, ularga qonuniy chora ko‘rish O‘zbekiston Respublikasi Prezidentining 2017-yil 18-apreldagi 5017-sonli Farmoniga asosan Uy-joy kommunal xizmat ko‘rsatish vazirligi huzuridagi Ko‘p xonadonli uy-joy fondidan foydalanishni nazorat qilish inspeksiyasining asosiy vazifalari etib belgilangan.

◼️Shundan kelib chiqib, Yunusobod tumani, 18-mavze, 54-ko‘p qavatli uyning umumiy foydalanish hududida fuqarolar tomonidan avtomobillarni vaqtincha saqlash uchun o‘rnatilgan soyabonlar masalasini o‘rganish Kadastr idoralarining vakolatiga kirmasligi ma’lum qilinadi.

◼️Qo‘shimcha ravishda, yuqoridagi manzilda joylashgan bostirma inshootlari (avtoturargoh) biror yuridik yoki jismoniy shaxs nomiga kadastr hujjatlari rasmiylashtirilmagani, boshqarmaning elektron bazasida ushbu qurilma to‘g‘risida ma’lumot mavjud emasligi bildiriladi.

#Kadastr #rasmiy_munosabat

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

🇺🇿🇺🇿🇺🇿🇺🇿

RASMIY MUNOSABAT

◼️Ijtimoiy tarmoqlarda e’lon qilingan Toshkent shahri, Yangihayot tumani Yo‘ldosh-6 mavzesidagi fuqarolarning kadastr hujjatlarini rasmiylashtirolmayotgani sababli issiqlik energiyasidan foydalana olmayotganlari haqidagi murojaatlari yuzasidan 🌟Davlat kadastrlari palatasi Toshkent shahar boshqarmasi quyidagilarni ma’lum qiladi.

◼️Kecha tunda Toshkent shahar hokimligi va Davlat kadastrlari palatasi Toshkent shahar boshqarmasi mutasaddilari joyiga chiqib o'rgandilar. Ayni vaziyatda mas’ul tashkilotlar tomonidan muammoni hal etish maqsadida zaruriy choralar ko‘rilayotganligini ma’lum qilamiz.

◼️Biroq e’tibor qaratish muhimki, bu vaziyat bir necha yillardan beri davom etayotgan bo‘lib, Toshkent shahar hokimining 12.06.2018 yildagi qarori bilan, ko‘p qavatli turar-joy binolari qurish uchun 2,4 gektar yer maydoni doimiy foydalanishga ajratib berilgan.
“Eram Qurilish” MCHJ tomonidan ijtimoiy va investitsiya majburiyatlari bajarilmaganligi, tegishli tashkilotlardan loyiha hujjatlari tasdiqlanmaganligi, qurilish ishlari belgilangan muddatda yakunlanmaganligi va bugungi kunga qadar kadastr hujjatlarini rasmiylashtirish yuzasidan murojaat etmaganligi bildiriladi.

❗️QAYD ETISH MUHIM, qurilishi tugallangan bino-inshootni foydalanishga topshirish yuzasidan tegishli dalolatnoma tasdiqlangandan so‘ng, o‘rnatilgan tartibda quruvchi tashkilot nomiga davlat ro‘yxatidan o‘tkazilishi mumkin. Bunda fuqarolar tomonidan sarmoya kiritish va ko‘p qavatli turar joy qurilishiga ulushli ishtirok etish to‘g‘risidagi shartnomalar mulkka bo‘lgan huquqlarni davlat ro‘yxatidan o‘tkazish uchun asos bo‘la olmasligi, huquq turining vujudga kelishini tasdiqlovchi hujjatlardan biri (quruvchi tashkilot tomonidan notarial idora orqali rasmiylashtirilgan oldi-sotdi shartnomasi va x.k.) taqdim etilib, Davlat xizmatlari markazi yoki my.gov.uz orqali murojaat etilgan taqdirda, vujudga kelgan huquq davlat ro‘yxatidan o‘tkazilishi va kadastr hujjatlari rasmiylashtirilishi bildiriladi.

#Kadastr #rasmiy_munosabat

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #rasmiy_munosabat RASMIY MUNOSABAT

◼️Ijtimoiy tarmoqda eʼlon qilingan Toshkent shahar Olmazor tumanidagi fuqarolarning kadastr hujjatlarini rasmiylashtirolmayotgani haqidagi murojaati yuzasidan 🌟Davlat kadastrlari palatasi Toshkent shahar boshqarmasi quyidagilarni maʼlum qiladi.

◼️Boshqarmaning arxiv hujjatlariga muvofiq, Toshkent shahar, Olmazor tumani, Chustiy MFY 30-uy manzilida joylashgan 5 000 kv.m. yer maydoni Toshkent shahar hokimining 2007-yil 10-avgust hamda 2009-yil 30-noyabrdagi qarorlariga asosan ijara huquqida “IQSIR” MCHJ nomiga davlat roʻyxatidan oʻtkazilgan.

◼️Bugungi kunga qadar MCHJ tomonidan qurilgan mazkur ko‘p qavatli turar joyga Vazirlar Mahkamasining 2022-yil 20-apreldagi 200-sonli qarorining Qurilish-montaj ishlari tugallangan obyektdan foydalanish uchun ruxsatnoma berish bo‘yicha davlat xizmatlari ko‘rsatishning ma’muriy reglamentiga muvofiq tegishli davlat qurilish tashkilotlari tomonidan foydalanishga ruxsat berilmaganligi sababli ko‘p qavatli turar joy binolari davlat ro‘yxatidan o‘tkazilmaganligi bildiriladi.

◼️Qo‘shimcha ravishda, qurilishi tugallangan bino-inshootni foydalanishga topshirish yuzasidan tegishli dalolatnoma tasdiqlangach o‘rnatilgan tartibda quruvchi tashkilot nomiga davlat ro‘yxatidan o‘tkazilishi mumkin. Bunda fuqarolar tomonidan sarmoya kiritish va ko‘p qavatli turar joy qurilishiga ulushli ishtirok etish to‘g‘risidagi shartnomalar mulkka bo‘lgan huquqlarni davlat ro‘yxatidan o‘tkazish uchun asos bo‘la olmasligi, huquq turining vujudga kelishini tasdiqlovchi hujjatlardan biri (quruvchi tashkilot tomonidan notarial idora orqali rasmiylashtirilgan oldi-sotdi shartnomasi va h.k.) taqdim etilib, Davlat xizmatlari markazi yoki my.gov.uz orqali murojaat etilgan taqdirda, vujudga kelgan huquq davlat ro‘yxatidan o‘tkazilishi va kadastr hujjatlari rasmiylashtirilishi bildiriladi.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #rasmiy_munosabat
RASMIY MUNOSABAT

◼️Effect.uz Rasmiy kanalida yoritilgan Toshkent shahri, Sergeli tumanidagi ko‘p qavatli xonadonlarda yashovchi fuqarolarning murojaati yuzasidan 🌟Davlat kadastrlari palatasi Toshkent shahar boshqarmasi quyidagilarni ma’lum qiladi.

◼️Boshqarmaning arxiv hujjatlariga muvofiq 2021-yilning 26-mart kuni rasmiylashtirilgan garov shartnomasiga asosan Sergeli tumani “Bunyodobod” MFY hududidagi 8 500 kv.m. yer maydoni va umumiy maydoni 19 271 kv.m. bo‘lgan qurilishi tugallanmagan ko‘p qavatli turar-joy hamda noturar joy bino-inshootlarga nisbatan cheklov (ipoteka taqiqi) mavjudligi tufayli Vazirlar Mahkamasining 535-sonli qarori bilan tasdiqlangan Maʼmuriy reglamenti talablariga muvofiq ko‘chmas mulk obyektiga nisbatan kadastr pasporti rasmiylashtirilmagan.

◼️Shuningdek, Toshkent shahar tumanlararo ma’muriy sudining 14.09.2022 yildagi ma’muriy sudida ushbu ko‘p qavatli turar-joy hamda noturar joy bino-inshootlariga nisbatan Toshkent viloyati Qurilish bosh boshqarmasining 2019-yil 11-noyabrdagi xulosasi hamda tasdiqlangan loyihasi haqiqiy emas deb topilgan.

◼️Videomurojaatda qayd etilgan holat bugungi kunda nizoli bo‘lgani sababli yuqoridagi masalaga yechim topish uchun amaldagi qonunchilik talablariga ko‘ra Sudga murojaat qilish tavsiya etiladi.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #rasmiy_munosabat
RASMIY MUNOSABAT

◼️Ijtimoiy tarmoqda eʼlon qilingan Toshkent shahri Sergeli tumani, Habibiy mahallasida qurilgan ko‘p qavatli uylardagi xonadon egalarining videomurojaati yuzasidan 🌟Davlat kadastrlari palatasi Toshkent shahar boshqarmasi quyidagilarni ma’lum qiladi.

◼️Toshkent shahar hokimining 2017-yil 20-dekabrdagi qaroriga asosan, Sergeli tumani, Sergeli-5 mavzesida ko‘p qavatli turar-joy binolari qurish uchun doimiy foydalanish huquqi bilan “M.F.” MCHJ ga 12 000 kv.m. yer maydoni ajratib berilgan. 2020-yilning 22-iyunda “M.F.” MCHJ va “S.T.” MCHJ o‘rtasida o‘zaro tuzilgan mulkni topshirish shartnomasi va topshirish-qabul qilish dalolatnomasiga asosan “S.T.” MCHJ nomiga davlat ro‘yxatidan o‘tkazilgan.

◼️Mazkur obyekt joyiga chiqib o‘rganilganda, Sergeli tumani qurilish bo‘limining 2020-yil 16-iyuldagi ruxsatnomasi, Toshkent shahar qurilish bosh boshqarmasi Loyiha-smeta hujjatlarini kelishish bo‘yicha Arxitektura va shaharsozlik kengashi ishchi organining 2021-yil 5-noyabr hamda 2023-yil 6-iyundagi xulosalariga asosan bitta 5 qavatli va uchta 9 qavatli turar-joy qurilib, undagi kvartiralar o‘zaro shartnoma asosida fuqarolarga sotib yuborilganligi aniqlandi.

◼️Ushbu ko‘p qavatli turar joy binolarga tegishli vakolatli tashkilotlar tomonidan qurilishi (rekonstruksiya qilinishi) tugallangan bino va inshootlarni foydalanish uchun ruxsatnoma berilgandan so‘ng, notarial shartnomalar rasmiylashtirilgach, sotib oluvchilar (fuqarolar) huquqlarini vujudga keltiruvchi hujjatlar (oldi sotdi va h.k.) bilan Davlat xizmatlari markazi yoki my.gov.uz orqali murojat etilgan taqdirda kadastr hujjatlari rasmiylashtirilib, davlat ro‘yxatidan o‘tkazib beriladi.

◼️Qo‘shimcha ravishda, ko‘p qavatli uyni kommunal (gaz, suv, elektr) xizmat ta’minotiga ulash masalasi bo‘yicha tegishli mas’ul tashkilotlarga murojaat qilish maqsadga muvofiqligi bildiriladi.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #rasmiy_munosabat RASMIY MUNOSABAT

◼️“Milliy” telekanalining “Millar” dasturi orqali "Kadastr hujjati qachon beriladi?" sarlavhasi ostida efirga uzatilgan lavha yuzasidan 🌟Davlat kadastrlari palatasi Toshkent shahar boshqarmasi quyidagilarni maʼlum qiladi.

◼️19.01.2001 yilda berilgan yerdan foydalanish huquqini beruvchi davlat akti, 27.08.2020 yilda o‘zaro tuzilgan topshirish (berish) shartnomasi va qabul qilish topshirish dalolatnomasiga asosan “T.B.C.” MCHJ nomiga davlat ro‘yxatidan o‘tgan Mirobod tumani, Qo‘yliq ota ko‘chasi manzilida joylashgan umumiy maydoni 20 552 kv.m.dan iborat bo‘lgan yer uchastkasida jami 6 ta 5 va 7 qavatdan iborat bo‘lgan ko‘p qavatli turar joy binolari qurilgan.

◼️Vazirlar Mahkamasining 535-sonli qarori bilan tasdiqlangan Maʼmuriy reglamenti talablariga muvofiq, ushbu ko‘p qavatli turar joy binolariga nisbatan 03.12.2024 yilda kadastr pasportlari shakllantirilgan hamda Vazirlar Mahkamasining 1010-sonli qaroriga asosan 3, 5, 7, 9, 11 va 13-uy raqamlari berilgan.

◼️Vazirlar Mahkamasining 20.04.2022 yildagi “Qurilish sohasiga oid yagona ma’muriy qurilish reglamentlarini tasdiqlash to‘g‘risida”gi 200-sonli qarori bilan tasdiqlangan ma’muriy reglamentga muvofiq, binoni foydalanishga qabul qilish yuzasidan berilgan buyurtma Toshkent shahar Qurilish va uy-joy kommunal xo‘jaligi sohasida hududiy nazorat qilish inspeksiyasi tomonidan rad etilgan.

◼️Bugungi kunga qadar ushbu ko‘p qavatli turar joy binolariga tegishli vakolatli tashkilotlar tomonidan foydalanishga ruxsat berilmaganligi sababli davlat ro‘yxatidan o‘tkazilmagan.
Yuqoridagilarni inobatga olib, ushbu ko‘p qavatli turar joy binolari foydalanishga topshirish dalolatnomasi tasdiqlanganidan so‘ng notarial shartnomalar rasmiylashtirilgach, sotib oluvchilar (fuqarolar) huquqlarini vujudga keltiruvchi hujjatlar (oldi sotdi va h.k.) bilan Davlat xizmatlari markazi yoki my.gov.uz orqali murojat etilgan taqdirda kadastr hujjatlari rasmiylashtirilib, davlat ro‘yxatidan o‘tkazilishi ma’lum qilinadi.

▶️ Avvalroq, boshqarma Axborot xizmati tomonidan yangi qurilgan ko‘p qavatli uylardan xonadon xarid qilishdagi muhim jihatlar, hujjatlarni rasmiylashtirish jarayonida kadastr idoralarining vazifalari haqida foydali videolavha e'lon qilingan edi.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube