#kadastr #komplayens_nazorati
КОМПЛАЕНС ХИЗМАТИ

❓Комплаенс-назорат хизматининг кадастр соҳасини ривожлантиришдаги ўрни нимадан иборат?

❓ Фаолиятида аҳамиятли жиҳатлар нималардан иборат?

✅ Ушбу саволларга Кадастр агентлиги Тошкент шаҳар бошқармасининг Комплаенс-назорат хизмати бош мутахассиси Ҳасан Носиров жавоб берди.

Ижтимоий тармоқлар орқали кузатиб боринг👇🏼
Telegram | Facebook | Instagram | YouTube

▫️Rasmiy munosabat▫️

⚡️IJTIMOIY TARMOQLARDA AYLANAYOTGAN "10400 AQSH DOLLARI" HAQIDA ANIQROQ

Bugun kunning ikkinchi yarmida deyarli barcha ijtimoiy tarmoq kanallarida "Kadastr muhandisi 10.400 AQSh dollari bilan ushlandi" degan mazmundagi xabarlar tarqaldi.

Aslida 10400 Aqsh dollarini kim olgan?

Demak, joriy yil 21 oktabr kuni fuqaro Sh.Ya. Toshkent viloyat IIBB boshlig‘i nomiga ariza bilan murojaat qilib, o‘z arizasida "Ibroxim" ismli shaxs Yangiyo‘l tumani Xalqobod maxallasi hududidagi “U.Yusupov” nomli agrofirmaga qarashli 32 sotix yer maydonini jami 29.000 AQSh dollariga sotishligini va ushbu yer maydonini Yangiyo‘l tuman kadastr bo‘limida ishlovchi tanishi orqali hujjatlarni rasmiylashtirib berishi evaziga 2.400 AQSh dollari berish kerakligini, shundan "avans" sifatida oldindan kadastr xodimi 400 AQSh dollari va yer maydoni egasi "Ibroxim" ismli shaxs 10.000 AQSh dollari talab qilishayotganligini bayon qilib, ularga nisbatan qonuniy chora ko‘rishni so‘ragan.

Arizaga asosan o‘tkazilgan tezkor tadbir davomida "Ibroxim" deya aytilayoigan fuqaro I.A kelishilgan summadan "avans" sifatida 10.000 AQSh dollarini olayotgan vaqtida, kadastr muhandisi esa 400 AQSh dollari olayotgan vaqtida ashyoviy dalillar bilan ushlangan.

Lekin, ijtimoiy tarmoq sahifalar sarlavhalarida esa "kadastr muhandisi" iborasi birinchi planga qo‘yilib, 10.400 AQSh dollari olganligiga urg‘u berilmoqda.

Ijtimoiy tarmoq egalaridan har bir ma’lumotni yaxshi o‘rgangan holda omma e’tiboriga havola etishlarini so‘rardik, zero birgina yuzaki o‘rganilgan xabar ortidan nafaqat bir insonning balki butun bir tashkilotning nomi qoralanayotganini anglash lozim.

📌 Biz bu rasmiy munosabat orqali xodim tomonidan qilingan noqonuniy harakatni oqlamoqchi emasmiz, aksincha qonun ustuvorligi ta’minlanishi tarafdorimiz. OAVlar va blogerlardan esa ma’lumotni noto‘g‘ri tarqatmasliklarini so‘raymiz.

#DavKadastrPalata #rasmiy_munosabat

Ijtimoiy tarmoqlardagi sahifalarimiz:
Telegram |Facebook|Instagram|YouTube

#kadastr #qurilish
ШАҲРИМИЗДА ҚУРИЛИШ ИШЛАРИ

🏗 Тошкент шаҳрида 2022- йилнинг январ-сентябр ойларида жами 23 251,3 млрд. сўмлик қурилиш ишлари бажарилиб, ўсиш суръати 2021- йилнинг январ-сентябр ойларига нисбатан 104,9 % ни ташкил этди.

Ижтимоий тармоқлар орқали кузатиб боринг👇🏼
Telegram | Facebook | Instagram | YouTube

#kadastr #rasmiy_munosabat
РАСМИЙ МУНОСАБАТ

Жорий йилнинг 23 октябрь санасида Kun.uz сайтида эълон қилинган “Номсиз ёхуд эгизак кўчалар: бугунги Тошкентнинг ечилмаётган азалий муаммоси ҳақида” номли мақола юзасидан Давлат кадастрлари палатаси Тошкент шаҳар бошқармаси қуйидагиларни маълум қилади:

Ўзбекистон Республикаси Президентининг 2020 йил 17 мартдаги “Тошкент шахрида рақамли технологияларни кенг жорий этиш чора-тадбирлари тўғрисида”ги ПҚ-4642 – сонли қарори ижросини таъминлаш мақсадида, шаҳар ҳудудидаги 935 та номсиз кўчани номлаш бўйича Давлат кадастрлари палатасининг Тошкент шаҳар бошқармаси томонидан “Географик объектларни номлаш ва қайта номлаш масалалари бўйича Тошкент шаҳар комиссияси”га, шунингдек 12 та туман хокимликларига хат орқали мурожаат этилган.

Тошкент шаҳар ҳокимлиги маҳкамаси томонидан Кадастр агентлигига 15.08.2022 йилда юборилган хатга кўра Бектемир туманида 5 та ва Сергели туманида 25 та номсиз кўчаларга ном берилгани ҳамда Кадастр агентлигига Давлат реестрига киритиш учун тақдим қилингани, шунингдек, шаҳар ва туман ҳокимликлари ҳузуридаги тегишли топонимика комиссиялари томонидан Тошкент шаҳрида мавжуд бўлган 905 та номсиз кўчаларни номлаш ишларини амалга ошириш ва якунлаш бўйича амалий чора-тадбирлар кўрилаётганлиги маълум қилинган.

Маълумот учун, номсиз кўчаларга ном бериш жараёнида Кадастр органининг ўрни қуйидагича: дастлаб тизим мутахассислари номсиз кўчаларни аниқлайди, шундан сўнг бу ҳақда “Географик объектларни номлаш ва қайта номлаш масалалари бўйича Тошкент шаҳар комиссияси”га маълумот берилади. Кейин комиссия томонидан берилган таклифни Халқ депутатлари туман кенгаши кўриб чиқади. Ушбу жараёнда кадастр ходими хам иштирок этади.

Ижтимоий тармоқлар орқали кузатиб боринг👇🏼
Telegram | Facebook | Instagram | YouTube