#Kadastr #yer_nazorati #Sergeli
SUG‘ORILADIGAN YER MAYDONIDA NOQONUNIY QURILISH ANIQLANDI

🏢 Kadastr agentligining Toshkent shahar boshqarmasi Sergeli tumani bo‘limi mas’ul xodimlari tomonidan “Eshonbuloq” MFY hududidagi qishloq xo‘jaligiga mo‘ljallangan sug‘oriladigan yer maydonining foydalanish ahvoli joyiga chiqib o‘rganilganida, noqonuniy qurilish ishlari amalga oshirilayotgani aniqlangan.

📝 Holat yuzasidan qonunchilikka asosan O‘zbekiston Respublikasi Bosh prokuraturasi va Kadastr agentligining “Yerlardan maqsadli foydalanish va davlat kadastrlarini yuritish sohasida qonuniylikni ta’minlash bo‘yicha hamkorlik to‘g‘risida”gi tartib asosida to‘plangan hujjatlar prokuratura organlariga taqdim qilingan.

📌 Sug‘oriladigan yer uchastkalarini ularda qurilish ishlarini amalga oshirgan holda o‘zboshimchalik bilan egallab olish, — BHMning 400 baravaridan 600 baravarigacha miqdorda jarima yoki 2 yildan 3 yilgacha ozodlikni cheklash yoxud 2 yildan 3 yilgacha ozodlikdan mahrum qilish bilan jazolanadi.

#Kadastr #namunali_arxiv #Sergeli
SERGELI TUMANIDAGI “NAMUNALI ARXIV”

🔷 Davlat kadastrlari palatasi Toshkent shahar boshqarmasining Sergeli tumani filiali arxivi “Namunali arxiv” loyihasi asosida zamonaviy arxivga aylantirildi.

🔷 Jumladan, arxiv binosi ta’mirdan chiqarildi, mobil stellajlar, yong‘indan xabarlash uchun tutunga ishlaydigan signalizatorlar, o‘t o‘chirish, haroratni elektron o‘lchash vositalari, videokuzatuv kameralari, maxsus ventilyatsiya tizimi o‘rnatildi.

🔷 Ushbu namunali arxiv bugungi kunda nafaqat hujjatlarni xavfsiz saqlash, balki fuqarolarning uy-joy va yer mulklariga doir ma’lumotlarini ishonchli himoya qilishga ham xizmat qilmoqda.

Ijtimoiy tarmoqlar orqali kuzatib boring👇🏼
Telegram | Facebook | Instagram | YouTube

#Kadastr #aholi_manfaatlari_yo_lida #Sergeli
MAHALLABAY O‘RGANISHLAR DAVOM ETMOQDA

🏢 Davlat kadastrlari palatasi Toshkent shahar boshqarmasi va uning hududiy filiallari xodimlari tomonidan “Kadastr – aholi manfaatlari yo‘lida” tamoyili asosida “Mahallabay”, “Xonadonbay” o‘rganish ishlari olib borilmoqda.

🔷 Jumladan, boshqarmaning Sergeli tumani filiali mutaxassislari “Oltin vodiy” hamda “Yuqori Darxon” mahallalarida bo‘lib, aholi va tadbirkorlarning sohaga oid masalalarini o‘rgandilar.

🔷 Murojaatlar yuzasidan tegishli huquqiy tushunchalar berildi.

Ijtimoiy tarmoqlar orqali kuzatib boring👇🏼
Telegram | Facebook | Instagram | YouTube

#Kadastr #yer_nazorati #dron #Sergeli
YER NAZORATI TADBIRLARIDA DRONLARDAN FOYDALANILYAPTI

🏢 Kadastr agentligining Toshkent shahar boshqarmasi tomonidan zamonaviy texnologiyalar, kosmik suratlar va dronlar yordamida yerlarni o‘zboshimchalik bilan egallab olish, noqonuniy qurilishlarni aniqlash va bartaraf qilish ishlari davom etmoqda.

🔷 Jumladan, Sergeli tumanining “Kengmakon” hamda “Nomdanak” MFY hududida oʻtkazilgan navbatdagi yer nazorati tadbirlarida yer qonunbuzilish holatlari dronlar yordamida aniqlandi.

◻️ Mazkur tadbir tafsilotlari haqida yana batafsil maʼlumot beriladi.

🔶 Hurmatli poytaxtimiz fuqarolari va tadbirkorlari!

⚠️ Siz yerga oid qonunchilik talablariga qat’iy rioya qilish orqali o‘zingizni turli asabbuzarlik, ovoragarchilik, ortiqcha xarajat, ma’muriy yoki jinoiy javobgarlikdan asraysiz.

Ijtimoiy tarmoqlar orqali kuzatib boring👇🏼
Telegram | Facebook | Instagram | YouTube