#Kadastr #ochiq_muloqot #Yangihayot #huquqiy_savodxonlik

FUQAROLAR VA TADBIRKORLAR BILAN OCHIQ MULOQOT

🔹Bugun Davlat kadastrlari palatasi Toshkent shahar boshqarmasi Yangihayot tumani filiali bosh mutaxassisi A.Mahkamov ishtirokida tumanning “Yangi gulzor” MFY binosida fuqaro hamda tadbirkorlar bilan ochiq muloqot bo‘lib o‘tdi.

🔹Yig‘ilganlarga “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni eʼtirof etish to‘g‘risida”gi O‘RQ-937-sonli Qonunning mazmun-mohiyati, tartibi hamda talablari haqida to‘liq ma’lumot berilib, uning ijrosi yuzasidan amalga oshirilishi rejalashtirilgan vazifalarga toʻxtalib oʻtildi.

🔹Rasmiyatchilikdan holi, savol-javob tarzida o‘tgan ochiq muloqot davomida fuqarolar yangi Qonun yuzasidan o‘zlarini qiziqtirgan savollarga javob oldilar. Shuningdek, ularning ko‘chmas mulkni ro‘yxatdan o‘tkazish, kadastr pasportini rasmiylashtirish, mulkka egalik huquqini olish, meros hamda yerni xususiylashtirishga doir savol va muammolari tinglanib, tegishli yechim, huquqiy tushunchalar berildi.

✅ Bu kabi ochiq muloqotlar poytaxtimizning barcha tumanlarida o‘tkazilishi rejalashtirilgan.

Ijtimoiy tarmoqlar orqali kuzatib boring👇🏼
Telegram | Facebook | Instagram | YouTube

#Kadastr #radio #huquqiy_savodxonlik
QONUN MOHIYATI HAQIDA RADIOSUHBAT TASHKIL ETILDI

❇️ Davlat kadastrlari palatasi Toshkent shahar boshqarmasi Koʻchmas mulkka boʻlgan huquqlarni davlat roʻyxatidan oʻtkazish boʻlimi boshligʻi B.Abdumalikov hamda Bino va inshootlar davlat kadastrini yuritish bo‘limi yetakchi mutaxassisi X.To‘rayev ishtirokida “Grand” radiosida intervyu tashkil etildi.

🎙Mas’ullar tomonidan “Oʻzboshimchalik bilan egallab olingan yer uchastkalariga hamda ularda qurilgan binolar va inshootlarga boʻlgan huquqlarni eʼtirof etish toʻgʻrisida”gi Qonunning mazmun-mohiyati, jumladan, Qonunning kuchga kirish sanasi va holatlarni ko‘rib chiqish tartibiga to‘xtalib o‘tildi.

⚜️ Shuningdek, muloqot davomida bugungi kunda aholini qiziqtirayotgan ko‘plab savollarga ham javob berildi.

🔹 Mazkur radiosuhbat tez orada efirga uzatilishi rejalashtirilgan.

Ijtimoiy tarmoqlar orqali kuzatib boring👇🏼
Telegram | Facebook | Instagram | YouTube