Ўзбекистон Журналистлари уюшмасига янги раҳбар келади

Икки йилдан (2023 йил январ) буён Ўзбекистон журналистлар уюшмаси биринчи раҳбарсиз ишлаб келмоқда. Маълумотларга кўра, тез орада Журналистлар уюшмасига янги раҳбар сайланади.

Ҳозирги вақтгача уюшма бошқарувини раис вазифасини бажарувчи сифатида Холмурод Салимов бошқариб келаётган эди.

P/S: Журналистларнинг янги раиси ким бўлиши ҳақида тахминий маълумотлар бор.

@kasprouz

Айтиб қўяй, рўйхатларни бирида янги раҳбар номи аниқ бор😁

Сўровномалар:

https://t.iss.one/jurnalistikauzbek/3014

https://t.iss.one/jurnalistikauzbek/3015

https://t.iss.one/jurnalistikauzbek/3016

“Web factor media” МЧЖ нинг Мирсаид Хайдаровга қарши киритган даъво аризаси бўйича бугун соат 10:30 да белгиланган суд қолдирилди. Чунки жавобгар томон бўлган блогер «Муфасса» Миробод туманлараро судига келмади.

Навбатдаги суд 27 март соат 12:30 га белгиланди.

@jurnalistikauzbek

Тажрибали журналист ва матбуот котиби Максим Носов вафот этди

У 2010-2015 йилларда МТРК тизимида «Ахборот» кўрсатувида ишлаган. Кейинроқ Россия каналларида, Москва вилояти Котелники округида матбуот котиби сифатида фаолиятини давом эттирган. Ўзбекистон Прокуратурасининг медия марказида, Eriel Group спичрайтери каби лавозимларда ҳам маҳорат билан ишлаганини ҳамкасблари эслашмоқда. У кейинги йилларда «Асакабанк»да матбуот котиби сифатида ишлаб келаётганди. Соғлигидаги муаммолар сабаб бу ердаги фаолиятига якун ясаган.

Ҳамкасбимизнинг оиласи, яқинларига ҳамдардлигимизни билдирамиз.

@jurnalistikauzbek

Сўз эркинлиги семинарида сўз бўғилди!

Ўзбекистонда суд ва ОАВ ўртасида очиқ мулоқот жуда кам кузатилади. Судялар кўпинча журналистларнинг суд жараёнига киришига йўл бермаслиги, баъзан эса уларни "ҳалал берувчи" куч сифатида кўриши сир эмас. Яъни, икки томоннинг ҳам бир-бирига айтадиган гапи бор.

Шу шароитда Ҳуқуқни муҳофаза қилиш академияси ва Судялар олий мактаби кўмагида ЮНЕСКО ва Швейцария тараққиёт ва ҳамкорлик агентлиги (SDC) томонидан "Сўз эркинлиги, ахборотдан фойдаланиш ҳуқуқи ва журналистлар хавфсизлиги" мавзуида семинар ўтказилди.

Семинар халқаро экспертлар – ҳуқуқшунос ва олим Жоан Барата ҳамда собиқ прокурор Сабин Оуэллет раҳбарлигида ташкил этилди. Унда йигирма чоғлик самарқандлик судялар ва икки нафар журналист иштирок этди.

Судяларнинг деярли барчаси ёш эди, бу эса улар учун бундай тренинглар айни муддао эканини кўрсатади.

Чунки судялар ва журналистлар ўртасида тушунмовчиликлар кундан-кунга ортмоқда. Биз суд жараёнлари шаффоф эмаслигини, ОАВ сунъий тўсиқларга дуч келаётганини айтсак, судялар эса “Журналистлар бизга халал беради, контекстдан юлиб олади” дея шикоят қилади.

Тушунмовчиликнинг илдизи қаерда?

Халқаро экспертлар журналист ва судя манфаатларини ўзаро тушуниш учун очиқ мулоқот қилишни тавсия қилди. Шу билан бирга, жаҳон тажрибасидан мисоллар келтирилди.

Судялар журналистлардан ҳиссиётга берилмаслик, провокация қилмаслик, бир томонлама позицияда турмаслик ва объективликни таъминлашни кутишини таъкидлади.

Семинарда ОАВ вакилларига нисбатан жазо муаммосини кўтардим:

- Бугун ҳар бир жамиятда товламачи ва фирибгарлар бор. Ўзбекистонда ҳам бир неча журналист товламачилик, пора олиш ва фирибгарлик каби жиноятлар билан қамалди. Судлар эса уларга жазонинг энг оғир турини қўлламоқда. Лекин шу жиноятни бошқа касб вакиллари қилса, улар енгилроқ жазоланмоқда. Журналистлар душман эмас, улар ҳам хато қилади, аммо уларнинг мутлақ кўпчилиги соғлом фикрлайди ва адолат тарафдори. ОАВ вакилларига қонунчиликдаги энг оғир жазони қўлламаслик керак, деб ҳисоблайман.

Жоан Барата халқаро тажрибада ОАВ вакилларига нисбатан маъмурий жазоларни қўллаш амалиёти борлигини тасдиқлади.

Менинг бу фикримга эътирозлар бўлди. Ўзини журналист деб таништирган, лекин суд тизимида узоқ йиллик тажрибага эга Арслон Эшмуродов қамалган блогер-журналистларнинг асл жинояти моҳиятини тушунмаслигимни таъкидлади.
Мен унинг фикрига қарши чиқмадим, балки қўшимча саволлар бердим. Бу унинг позицияси эди.

Семинар тугагач, Арслон Эшмуродов мен билан яна гаплашди. У Судьялар олий мактаби муассислигида чоп этиладиган “Одиллик мезони” журнали бош муҳаррири сифатида бундай семинарларда юқоридаги каби фикрларни билдирмаслигимни маслаҳат берди.

Мен эса буни цензура деб қабул қилдим. Чунки кимнингдир фикрини қолипга солишга уриниш ҳам чеклов ҳисобланади. Энг қизиғи, биз шу мавзудаги семинарни эндигина тугатиб чиққандик...

***
Шундай семинарлар кўпроқ ўтказилиши керак. Ёш судяларда ҳам ишонч уйғотувчи муносабатни кўргандай бўлдим. Агар бундай тадбирларга журналистлар кенгроқ жалб қилинса ва фикрий тенглик сақланса, натижа янада ижобий бўлади.

Самарқандда шу каби семинар прокурорлар билан ҳам ўтказилди.

Исомиддин Пўлатов

Трамп интервю бераётган вақтда тасодифан унинг юзига микрофон тегиб кетди.

АҚШ президенти бунга жавобан журналист “катта тарихга кирди”, деб хазиллашиб қўйди.

Бизда шундай бўлса борми, камида тўрт киши ишдан кетарди😁

@jurnalistikauzbek

"Озод Европа/Озодлик радиоси" фаолияти тўхтатилиши мумкин

Дональд Трамп фармон имзолади, унга кўра еттита федерал агентлик тугатилади. Улар орасида "Озод Европа/Озодлик радиоси" фаолияти ва молиялаштиришини назорат қилувчи АҚШ Глобал медиа агентлиги (USAGM) ҳам бор.

Ҳужжатда бу "қонун талаб қиладиган энг минимал вазифаларгача қисқартириш" деб номланган. Бир ҳафтада агентликлар ўз мавжудлиги фойдасини асослаши керак. Буни текширувчи амалдор агентликларни қисқартириш ёки сақлаб қолиш ҳақида қарор қабул қилади.

Insiderнинг хабар беришича, етакчи халқаро ОАВлар USAGM хатини эълон қилди. Унда Конгресс тасдиқлаган ва "Озод Европа/Озодлик радиоси"ни молиялаштирувчи грант тўхтатилгани айтилган. Хатга имзо чеккан Кэри Лейк ўз лавозимини "USAGM бош директорининг ваколатлари берилган катта маслаҳатчиси" деган.

Трамп Лейкни "Америка овози" радиостанцияси раҳбари лавозимига номзод қилиб кўрсатган, буни Халқаро телерадио кенгаши тасдиқлаши керак.

Telegram |Instagram |  You Tube | Facebook | X

Ҳурматли ОАВ вакиллари ва блогерлар!

16-20 март кунлари “Canon Young People Programme” доирасида Тошкент шаҳрида эшитиш қобилияти заиф болаларнинг ижодий қобилиятларини ривожлантиришга қаратилган фотография бўйича маҳорат дарслари ўтказилади.

Таниқли фотограф Кахабер Мшвидобадзе қўл остида иштирокчилар суратга олиш асосларини ўзлаштириб, фотоҳикоя яратиш ва суратлар орқали ўз қарашларини ифода этишни ўрганадилар.
Сизни ўзингиз учун қулай кунда маҳорат дарсларига ташриф буюришга ва болалар ўз ғояларини фотография орқали қандай ифода этаётганини кўришга таклиф қиламиз.

✅Асосий саналар ва жойлар:

📍 18-март – Кўча фотосуратга олиш. Манзил: Япон боғи;
📍 19-март – Сторителлинг санъати. Манзил: Республика болалар кутубхонаси;
📍 20-март – Видео суратга олиш ва якуний кўргазма. Манзил: Hyatt Regency Tashkent.

📸 Батафсил маълумот

Иштирок этиш ва интервью ташкил қилиш учун қуйидаги манзилга мурожаат қилинг:
📧 [email protected]

@jurnalistikauzbek

Xalqaro matbuot darajasi Oʻzbekistondagidan keskin farq qiladi, ular har qanaqa odamni yerga tiqishi mumkin. Ayniqsa, Gʻarbning katta mamlakatlarida matbuot bilan hazillashib boʻlmaydi. Jamoatchilik eʼtiboridagi shaxslar oʻzini tutishida, bayonotlarida, kim bilan birga ekanligida juda ehtiyotkor boʻlishi kerak.

Boʻlmasa, asosiy ish qolib ketib, fokus matbuotga ketadi. OAV bemalol bir kishining karyerasini dabdala qilishi mumkin. Angliyada futbol olamida ham bunaqasi juda koʻp.

Shu uchun ham Manchesterdan propiska olgan futbolchimiz Oʻzbekistonda kimlar bilan aloqa qilayotganidan, gaplaridan, oʻzini tutishidan ehtiyot boʻlgani, fokusini futbolga qaratgani yaxshiroq. Bu borada klubning piar boʻlimidan koʻproq tavsiya olish, hatto oʻziga piar menejer jalb qilish ham halaqit bermaydi.

Shov-shuvga oʻch ingliz matbuoti birorta deylik millatparast bloger bilan futbolchimiz uchrashganini katta xayp qilib olib chiqishi, xaypda ana u blogerning biror qovun tushirgan videosini ilova qilishi butunlay boʻlishi mumkin boʻlgan voqea.

Bu yogʻiga sovuqqonlik, OAVdan va xayplardan uzoq boʻlish, yulduzlik kasalligiga chalinmaslik, fokusni toʻliq oʻz ishiga qaratish uni yanada buyuk qiladi. Qimmat mashina, likelar yoki blogerlar emas.

U oʻzini eng zoʻr koʻrsatadigan joy maydon boʻlishi kerak.

Umid qilaman, kechagi videodan keyin atrofdagilar xavflardan ogohlantirishdi.

#piar
@allaevuzb

Гулноза Алимова Бандлик вазирлиги ахборот хизмати раҳбари этиб тайинланди

"Халқ банки" Бошқарув Раисининг ахборот сиёсати масалалари бўйича собиқ маслаҳатчиси, матбуот котиби лавозимида ишлаган Алимова Гулноза Бахшиллоевна Камбағалликни қисқартириш ва бандлик вазирлиги Ахборот хизмати бошлиғи — матбуот котиби лавозимига тайинланди.

Бунгача бу лавозимда айни вақтда Миграция агентлиги матбуот котиби вазифасида ишлаётган Жамолиддин Қаландаров фаолият юритган эди.

Манба

@jurnalistikauzbek

Тележурналист Ўғилой Болтабова Қишлоқ хўжалиги вазирлиги ҳузуридаги Агросаноатни ривожлантириш агентлиги раҳбарининг матбуот котиби бўлди

Болтабоева тайинловга қадар:
- МТРК “Ўзбекистон” телеканали “Ахборот” информацион дастурида муҳаррир,

- Наманган вилояти ҳокимлигида ахборот хизмати раҳбари,

- МТРК “Ўзбекистон 24” телеканалида муҳаррир,
Ўзбекистон маҳаллалари уюшмаси “Медиа маркази” раҳбари лавозимларида фаолият юритган.

Тайинлов Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги хулосасига кўра амалга оширилган.

@jurnalistikauzbek

Jurnalist taʼqibga uchramoqda

Demokrat.uz internet nashri jurnalisti Nilufar Hamroyeva Ichki ishlar taqibiga uchradi. N.Hamroyeva qonunchilikda nazarda tutilmagan tarzda ichki ishlar boʻlimiga chaqirilgan. Katta ehtimol bilan yosh jurnalist nashrning YouTube sahifasida joylangan xitoyliklar haqidagi chiqishlari tufayli organ xodimlari taʼqibiga uchragan. Jurnalistga telefon qoʻngʻiroqlari orqali bosim uyushtirilmoqda.

Demokratik davlatda soʻz erkinligi, jurnalistlar xavfsizligi taʼminlanishidan umidvormiz.

Demokrat.uz internet nashri rahbari F.Mehmonov va IIB xodimi oʻrtasidagi audio yozuvlar asosida jurnalistik surishtiruv oʻtkazadi hamda voqea tafsilotlarini batafsil kuzatuvchilarga maʼlum qilib boradi.

Eslatma: Jurnalist faoliyatini himoya qilish toʻgʻrisida"gi qonunning 8-moddada
Jurnalist jurnalistlik faoliyatini amalga oshirish chog‘ida shaxs daxlsizligi kafolatidan foydalanadi.
Tanqidiy materiallar e’lon qilganligi uchun jurnalistni ta’qib qilishga yo‘l qo‘yilmaydi.

Kanalga ulaning 👉 @demokrat_uz

Италияда сунъий интеллект ёзган биринчи газета нашр этилди

Италиянинг Il Foglio газетаси нейрон тармоғи томонидан тўлиқ ёзилган биринчи сонини чиқарди. Сунъий интеллект мақолалар, сарлавҳалар ва шарҳларни ўзи тайёрлаган.

18 март куни газетанинг илк сони тўрт саҳифадан иборат ва босма ҳамда онлайн шаклда чоп этилган.

Биринчи саҳифада АҚШ президенти Дональд Трамп ва "италиялик трампчилар парадокси", шунингдек, "Путин, 10 та хиёнат" сарлавҳали колонка берилган. Умуман олганда, мақолалар содда, тушунарли, грамматик хатоларсиз ёзилган.

Маълумот, учун, бошқа йирик нашрлар ҳам вазифаларни автоматлаштириш ва мақолалар тайёрлаш учун нейрон тармоқлардан фойдаланишади. Масалан, Associated Press. Лекин СИ муҳаррирларга мақолалар учун сарлавҳалар ёки ғоялар яратишда ёрдам бериши мумкин, шунингдек, сунъий интеллект интервью учун саволлар ўйлаб топиши ва янгиликларни грамматик ҳамда имловий хатолар бўйича таҳрирлаши мумкин. Лекин, материални тўлиқ шаклда СИ ёрдамида нашр этиш тақиқланади.

@jurnalistikauzbek

Бу хабарни ўқиб, ChatGPTдан журналистикага СИ ривожи қандай таъсир қилиши мумкинлигини сўрадим. Унинг жавоби, олдин ижобийларни санаб ўтган бўлсада барибир ҳавотир уйғотди. Журналистика йўналишларини битираётган минглаб ёшларни бизда қандай иш билан таъминлашади?

СИнинг жавоби:

Сунъий интеллект ва журналистика: имкониятлар ва хавфлар

Сунъий интеллект (СИ)нинг журналистикага кириб келиши соҳага катта таъсир кўрсатмоқда. Бу жараённинг ижобий ва салбий томонлари бор.

Ижобий таъсирлар:
✅ Материал тайёрлаш тезлашади – СИ хабарлар, сарлавҳалар ва таҳлилий мақолаларни тез ёзиб, журналистларга мураккаб таҳлил ва изланишлар учун кўпроқ вақт беради.

✅ Ресурсларни тежайди – Нашрлар харажатларни қисқартириб, журнал ва газеталарнинг самарадорлигини ошириши мумкин.

✅ Маълумотни қайта ишлаш – СИ катта ҳажмдаги маълумотларни тез таҳлил қилиб, муҳим тенденцияларни аниқлайди.

Салбий таъсирлар:

⚠️ Журналистлар иш ўринларининг қисқариши – СИ кўп вазифаларни бажариши журналистларнинг анъанавий ролини камайтириши мумкин.

⚠️ Янгиликларнинг ҳаққонийлигига ишонч пасайиши – СИ яратган материаллар нотўғри ёки манипулятив бўлиши мумкин.

⚠️ Бир хил услубдаги мақолалар – Машина томонидан яратилган контент стандартлаштирилган ва ижодийликдан узоқ бўлиши мумкин.

❗️Ёш журналистлар учун иш ўринлари қандай таъминланади?

Сунъий интеллектнинг тараққиёти ёш журналистлар учун янги имкониятлар яратади:

✔ Таҳлилчи ва факт чекер (Fact-checker) – СИ яратган контент ҳаққонийлигини текширувчи мутахассисларга талаб бўлади.

✔ Таҳрирчи ва контент стратегиячиси – Журналистлар янгиликларнинг концепциясини ишлаб чиқиш, муҳим мавзуларни танлаш ва СИ материалларини инсон услубига мослаштиришда иштирок этади.

✔ Медиа-технолог ва СИ бўйича мутахассис – Журналистлар СИни самарали ишлатиш, унинг алгоритмларини тушуниш ва таҳлил қилиш соҳаларида ривожланиши мумкин.

✔ Фриланс ва шахсий медиа – СИ автоматлаштирилган контент ишлаб чиқариш билан шуғулланса, ижодий журналистика, блоглар ва шахсий медиа платформалар янада қадрли бўлади.

Хулоса:

Сунъий интеллект журналистикани ўзгартирмоқда, аммо инсон ролини бутунлай алмаштира олмайди. Ёш журналистлар технологик трендларга мослашиб, таҳлил, таҳрир ва креатив йўналишларда ўз ўринларини топиши керак. Журналистика фақат маълумот етказиш эмас, балки инсон тафаккури, таҳлил ва ижодкорликка асосланган касб бўлиб қолади.

@jurnalistikauzbek