Yurtimizda shunday insonlar ko’payaversin.

Ayniqsa yoshlardan, farzandlardan…

P.s: @TsAngular kanali haqida gap ketyapti.

#thoughts

@Umar_shares

Networking - jamiyatimizda yaxshi e'tibor berilmaydigan, ammo juda kuchli narsa.

Yaxshi insonlar jamlangan yerlarga boring, tanish orttiring. Kontakt almashing. Afsuslanmaysiz.

#thoughts

@umar_shares kanalidan olindi.

Menimcha AI orqali bir nima startup’lar qilib olish uchun ajoyib vaqt bu — hozir.

#thoughts

@JoshDeveloper

"Ortda qolyapman" demang.

Juda foydali post yozibdi Linkedin'da bir inson. Shunga o'z izohimni yozmoqchiman.

Barchaning o'z "timezone"i bor. Barchada vaqt har xil. Bu xuddi, hozir Yaponiyada soat 19:08 bo'lsa, bizda hali 15:08. Bu degani biz 4 soat ortda qolayotganimizni bildirmaydi. Balki, biz o'z vaqtimizdamiz. Ular o'zinikida.

Siz ham o'z vaqtingizni yashayapsiz. Boshqalar o'zinikini. O'z vaqtingizni birovnikiga solishtirmang. Kimdir 20 yoshida erishgan narsaga, siz endi 25 yoshingizda erishgandirsiz, ammo siz kech qolgansiz deyilmaydi. Siz o'zingizga berilgan vaqtdan foydalanyapsiz, ular o'zinikidan. Kimniki qancha ? Alloh biladi.
Chunki, qancha yutuqlarga erishib, erta o'lganlar talaygina. Boshqa tomonda esa qariganda muvaffaqiyatlarga erishganlar ham yo'q emas.

Shunday ekan, boshqalar bilan o'zingizni solishtirmasdan, o'z hayotingizda, o'z vaqtingizda yashang. Ularga hasad qilmang. Balki, o'z vaqtingizni mehnatga, ilm olishga sarflang. Ustingizda ishlang. Siz qo'lingizdan kelgan harakat ila erishganingiz, o'z vaqtida erishganingizdir. Na kech va na erta.

"Arxiv"dan ;)

#thoughts

@JoshDeveloper

Pullar kimniki?

Oxirgi paytlardagi mavzulardan biri byudjet pullari haqida bo'layotgan ekan. Nihoyat qiziqroq mavzu. Shu joyda bir fikrimni siz azizlarga bildirsam degandim.

Shu paytgacha dasturlash bo'yicha ishlagan pullarim 93 000$ atrofida ekan(Xudoga shukur).
Ko'pincha IT Park rezidentligi ostidagi kompaniyalar bilan ishlaganimni hisobga olsak, oddiy oylik daromad solig'im 7.5% bo'ladi.

Endi ozgina matematika: 93 000 * 0.075 = 6 975

Demak shu paytgacha jonajon davlatimizga tahminan 6 975$ daromad solig'i to'laganman.

Iya ha? Byudjet pullari qayerdan kelayapti ekan? Juda katta qismi siz va bizni soliqlarimizdan, biznesmenlarni soliqlaridan va hokazo. Bu barcha davlatdagi kabi bizda ham shunday. Bu normal.

Shu sabab byudjet sarfi haqida gaplashar ekanmiz, o'zimizni pulimiz haqida gaplashamiz.
Kimgadir sportchilarga shuncha milliard so'mlab berilishi yoqmasa, bu uning haqqi. Chunki o'sha pullar ichida uning ham haqqi bor.

Ha aytgancha, internetda "naushnikcha"larni taqib olib, "podkastcha"larda o'zini aqllidek ko'rsatadigan hammani ham eshitavermanglar.

#thoughts #byudjet

@umar_shares

Qanday jonli kurs qilsam ham, ko’pchilik oxirigacha bormagan, yengilgan yoki boshqa, kamchilik oxirigacha borgan. Bu hamma kurslarda bor holat.

Bundan juda ko’p ma’no olsak bo’ladi.

1. Dasturchilar ko’p, sifatlilari kam.
2. Ishga topshiruvchilar ko’p, loyiqlari kam.
3. “Dasturchilarga ish yo’q, meni aldashdi” deydiganlar ko’p, sabr va qunt bilan oxirigacha boradiganlar kam.
4. Yiqiladiganlar ko’p, qayta turadiganlari kam.
5. Ozgina yutuqqa "rozi" bo’ladiganlar ko’p(nimadirga erishib darrov oyoq cho'zib oladiganlar), davomiy yangi marralarni ko’zlaydiganlar kam.

Va hokazo...

#thoughts

@JoshDeveloper

Yurish — muhimroq!

Istalgan sohada hamma darrov natijaga erishishni(yugurib ketishni) xohlaydi.
Ammo, kamchilik bir qoidani biladi.

Consistency is key.

Yugurishni qo'ying, asosiysi siz shu yo'lda yuring. Bir kun yugurganlardan ham o'tib ketasiz. Davomiy bir yo'lda yurgan inson, shu yo'lda yugurib, charchab qolgan insondan yoki harxil yo'lda yurib ko'rayotgan insondan yaxshiroq.

Muhimi — yurish!

#thoughts

(Bir e'lonni reklama qilishni iltimos qilishgan edi, shuni post kommentidan topib olasiz 😉)

@JoshDeveloper

"Dasturlashni tez va oson o'rganishni istaysizmi?"

Shunday so'zlar bilan kurs sotayotgan birisi Instagram reklamamda chiqib qoldi.

"Tez va oson" 🙂

Dasturlash – sekin va qiyin o'rganiladigan kasb. "Tez va oson" deganlarning katta qismi qallob bo'ladi. Buni unutmang.

Qachon kurs qiladigan bo'lsam, darslarni boshida bu haqida aytganman. Xatto, achchiq bo'lsa ham kursni o'zida katta qismi yiqilishlarini aytganman.

Odamlarga yolg'on umid berishdanda jirkanchroq marketing bo'lmasa kerak.

Bu gaplarimni dasturlash o'rganayotgan tanishlaringizga yetkazing:
"Hech qayerda tez va oson muvaffaqiyat yo'q. Dasturlash ham – sekin va qiyin. Maqsadga sabr va intizom bilan yetasan!"

#thoughts

@JoshDeveloper

To'g'risin aytsam, Unicon Soft'dan ketgim kelmayapti ham.

Eng ko'p offline ishlagan ishxonam shu joy. Komanda - TOP 🔥. Hammasini sog'insam kerak.
Loyihalarimiz ham juda katta va mas'uliyatli.

Lekin "Comfort zone kills your dreams!" degan ekan bir O'zbek dasturchi.
Erishishim kerak bo'lgan rejalar ko'p. Tanlov qiyin bo'ldi, ammo shunday bo'lishi kerak ekan.

Ko'ramiz endi, bu yo'l qayerga olib borar ekan 🙂

#thoughts

@JoshDeveloper

Soft skill’lar borgan sari kuchli talab ostida qolyapti.
Hard skill’lar Sun’iy intellektda ham bor. Soft skill’larni ko’proq rivojlantiring.

#thoughts

@JoshDeveloper

Ushbu kompaniya juda "mashxur" bo'lib ketgan ko'rinadi.

https://t.iss.one/r_kusherbayev/9840

Ishonasizmi? Pulimizni zo'rg'a olganmiz, olishimizdan salgina o'tib shunday xabarlar tarqalib ketdi. Yuzlagan odamlar pulini ololmay yuribdi.

Azizlar, ehtiyot bo'linglar. Ayniqsa katta summali masalalarda.

#thoughts

@JoshDeveloper

Biror kattaroq ommaviy axborot vositasi “AyTi mutaxassisi bo’lishda biz bilmagan qiyinchiliklar” yoki umuman Xalqqa to’g’ri ma’lumot berish bo’yicha maqola yozsa jon deb yordamlashar edim.

Shu sabab qanchadan-qancha yoshlar AyTidan ko’ngli sovimas edi.

Biz blogimizda ming yozsak ham oddiy xalqqa bormaydi, dasturchilar orasida aylanadi xolos.

#thoughts

@JoshDeveloper

Github Copilot'ni Premium versiyasini ishlatib ko'ryapman, VS Code'da.

Cursor yaxshiroq ekan.

#thoughts

@JoshDeveloper

Tajriba yoki startup?

Linkedin'da bir postni o'qib qoldim.
Ma'nosi:
"19 yoshimda ishimni tashlab, boshqalarni emas, o'zimni orzuyimni qurishni tanladim."
(startup quraman deyapti post muallifi, tushunmaganlarga)

Shuni o'qib post yozgim keldi. O'zim bu borada qanday fikrdaman?

Bunday yosh paytdan startup qurishga qiziqish yaxshi, lekin fikrimcha birinchi boshqa joylarda ishlab, tajriba orttirish eng muhimi. Uyerdagi boshqaruv, kamchiliklar, biznes yechimlar, moliyaviy tomonlarini bir o'rganib, o'z yo'nalishida mutaxassis bo'lgan yaxshimi deb o'ylayman.

Lekin maqsad startup bo'lsa, juda ko'p ishlab yuborish ham bo'lmaydi. Chunki, yosh o'tgan sari tavakkal qilish qobiliyati kamayib boradi.

Demak, me'yorni bilish kerak. Tajribasiz holatda startup quraman deb chiranishlik biroz xato. Eng kamida bozordagi raqobatchilar yeb qo'yishadi.

Yosh dasturchilarga tavsiyam tajribani birinchi resurs deb baholang. Eng qimmatli resurs.

P.s: Ish topilmasa, tajriba uchun ham startup qilsangiz bo'ladi. Postda yosh dasturchilarga birinchi biror yo'nalishda tajriba olishni o'rniga startup quraman deyish haqida gap ketyapti.

#thoughts

@JoshDeveloper

“Centrum Air” orqali har qanaqasiga bilet olmoqchi bo’lib ko’rdim, Visa, Uzcard… ishlamadi.

Tizimlari bir muddatga ishlamasligi qanchalik kompaniya va insonlarga katta zarar yetkazishi mumkin a?

Dasturlaringizni mas’uliyat bilan yozing, kamida qarg’ishga qolmaysiz.

#thoughts

@JoshDeveloper

Qachon to’xtashni bilish ham mahorat.

Nimadir xato ketyaptimi? To’xtashdan qo’rqmang.

#thoughts

@JoshDeveloper

9/9/6

Ko'p joyda 9 dan 9 gacha, 6 kun ishlash haqida gap ketyapti shekilli.

Qisqagina o'z fikrimni bildiray 🙂

— O'zim birovga shunday ishlarmidim?
— Yo'q, aslo. Oilam va hayotim ustunroq.

— 3-4x to'lashsachi?
— Bunisi boshqa masala 😉. Qisqa muddat uchun o'ylab ko'rardim.

— Boshqalarga tavsiya beramanmi?
— Yo'q, faqatgina o'zi shuni xohlab, chiday olishiga ko'zi yetsa o'z xohishi albatta, aralasha olmayman. "Burnout is real." Faqatgina kompaniya ishchi olishda bu narsalarni ochiq aytishi kerak deb o'ylayman. 5 kunlik ish kuni deb olib, 6-7 kunlab ishlatishni maqsad qiladiganlardan bo'lishmasa bo'ldi.

— Bunday ish tartibi ommalashishi yomonmi?
— Menimcha ha. Bunday tartibda bo'ydoqlar bemalol ishlar, lekin oilalilar ishlashi juda qiyin. Inson bo'lib yashashdan chekkaga chiqib boriladi bu ketishda. Sohamizga bunday tartiblarni joriy qilishga qarshiman. Umid qilamanki keng yoyilmaydi. Buni o'rniga samadorlikni oshirish bo'yicha o'ylash yaxshiroq. Ko'p kompaniyada hali to'g'ri kommunikatsiya usuli yo'q masalan.

Yashash uchun ishlash kerak, ishlash uchun yashash emas.

#thoughts

@JoshDeveloper

Uyda ishlash(remote)ni bir yomon tomonini aytaymi?
Ko'p hollarda borgan sari ish vaqtingiz kechasiga cho'zilib ketaveradi.

Hozir kelaman.

git commit -m "Fix...."
git push

#thoughts #remote

@JoshDeveloper