«Муғаллимлер ҳәм устазлар күни» мүнәсибети менен байрам салтанаты болып өтти

Бүгин Бердақ атындағы Қарақалпақ мәмлекетлик академиялық музыкалы театрында «1-октябрь - Муғаллимлер ҳәм устазлар күни» мүнәсибети менен байрам салтанаты болып өтти.

Онда Қарақалпақстан Республикасы Жоқарғы Кеңесиниң Баслығы Аманбай Орынбаев жыйналғанларды кәсиплик байрамы менен қутлықлады ҳәм Өзбекстан Республикасының Президенти Ш.Мирзиёевтиң Өзбекстан муғаллимлери ҳәм устазларына жоллаған байрам қутлықлаўын оқып еситтирди.

Атап өтилгениндей, соңғы жыллары ҳүрметли Президентимиздиң басшылығындағы реформалар нәтийжесинде мектепке шекемги билимлендириўге қамтып алыў дәрежеси 27 проценттен 72 процентке, жоқары билимлендириўде болса 9 проценттен 42 процентке, жоқары оқыў орынларының санын 77 ден 212 ге жеткериўге ерисилди.

Усы ийгиликли жумыслардың даўамы сыпатында соңғы бес жыл ишинде Қарақалпақстанда да мектепке шекемги билимлендириў шөлкемлериниң саны 318 ден 1654 ке, балаларды бақшаларға қамтып алыў дәрежеси 27,6 проценттен 80 процентке жеткерилди, мектеплердиң саны 706 дан 722 ге, жоқары оқыў орынларының саны 6 дан 12 ге кѳбейди. Мектеп питкериўшилериниң жоқары оқыў орынларына кириў көрсеткиши 14,2 проценттен 41,8 процентке ѳсти. Қәбилетли жасларымызды оқытыў системасын жəне де жетилистириў мақсетинде қала ҳəм районларымызда 18 қәнигелестирилген мектеп ҳәм мектеп-интернатлары ашылды. Барлық билим ҳәм тәрбия мәсканларының материаллық-техникалық базасы беккемленип атыр.

Буннан соң Президентимиз тəрепинен сыйлықланғанларға орден-медаллар, Жоқарғы Кеңес тəрепинен берилип атырған ҳүрметли атақлар менен көкирек белгилери, «Миннетдаршылық» ҳəм хошаметлеў сыйлықлары өз ийелерине салтанатлы түрде тапсырылды.
Байрам салтанаты көркем өнер ҳәм мәденият хызметкерлери атқарыўындағы концерт бағдарламасы менен даўам етти.

Толық мағлыўмат


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Қанлыкөл районындағы атыз майданларында пахта машиналары «ақ мамық» теримин баслап жиберди

Президентимиздиң арнаўлы қарарына тийкар 2023–2026-жылларда мәмлекетимиздиң барлық аймақларында пахта өнимин жыйнап алыўды механизациялаўды жеделлестириў бойынша ўазыйпалар белгиленген еди.

Усыған тийкар республикамызға пахта териў машиналары алып келинип, атызларда жумыс баслап жиберилди.

Хазирги ўақытта Қанлыкөл районы аймағында да «CE-220» маркасындағы пахта машинасы теримди баслады.

Айтып өтиў керек, жаңадан алып келинген техникалардың жәрдеминде жумыс өнимдарлығы артып, бир неше жүз қол мийнети менен исленетуғын жумыс бир техника жәрдеминде әмелге асыралады.

Пахта териў машиналарының сатып алыныўы теримде қол мийнетин кемейтиў ҳәм нәтийжелиликти арттырыўға жәрдем береди.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter