Қарақалпақстан Республикасы Жоқарғы Кеңесиниӊ қырқ сегизинши сессиясы басланды

Сессияға Өзбекстан Республикасы Олий Мажлиси Сенаты ҳәм Ҳүкимет ағзалары, Республика сектор ҳәм тараў басшылары, ғалаба хабар қураллары ўәкиллери, сондай-ақ, Жоқарғы Кеңестиң депутатлары қатнасып атыр.

Сессияны Қарақалпақстан Республикасы Жоқарғы Кеңесиниң Баслығы Аманбай Орынбаев кирис сөз бенен ашты ҳәм басқарып бармақта.

Сессия Жоқарғы Кеңестиң facebook каналы ҳәм «Қарақалпақстан» телеканалы арқалы туўрыдан-туўры эфирде жарытып барылады.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Сессияныӊ күн тәртибиндеги дәслепки мәселе Қарақалпақстан Республикасында мәмлекетлик медициналық қамсызландырыў механизмлерин енгизиў бойынша әмелге асырылып атырған илажлар ҳаққында Денсаўлықты сақлаў министриниң есабаты ҳаққында болып, бул мәселе бойынша Денсаўлықты сақлаў министри М.Қурбанов баянат жасады.

Мәмлекетлик медицина қамсызландырыўы - бул мәмлекет бюджети есабынан кепилленген медициналық жәрдем менен халықтың барлық қатламларын өз ишине алатуғын, профилактика, скрининг ҳәм патронаж хызметлери үстемлигин тәмийинлейтуғын система болып табылады.
 
Бизде Мәмлекетлик медицина қамсызландырыўы механизмлери тѳмендегише енгизиледи.

Бунда мәмлекет тәрепинен кепилленген медициналық хызметлер ҳәм дәри-дармақлар пакети тийкарында халыққа бийпул хызмет көрсетиледи, стационарларда жатып емлениўи ушын шаңарақ шыпакери жолламасы арқалы әмелге асырылады ҳәм жеңилликлерге ийе шахсларға медицина хызметиниң барлық түри бийпул көрсетиледи.

Мәмлекетлик медицина қамсызландырыўы механизмлери енгизилиўи нәтийжесинде денсаўлықты сақлаў тараўында қаржыландырыўдың жаңа механизмлери енгизиледи.

Бунда емлеўханаларда ҳәр бир емленген жағдайы бойынша кепилленген медициналық пакетке киргизилген хызметлерге Қамсызландырыў фонды тәрепинен қаржы ажыратылады ҳәм басқа да бир қатар илажлар әмелге асырылады.

Буның нәтийжесинде халқымызға көрсетилетуғын медициналық хызмет сапасы арттырылады, ажыратылған бюджет қаржыларынан үнемли пайдаланыўға ерисиледи.

Күн тәртибиндеги дәслепки мәселе толық қарап шығылды ҳәм депутатлар тәрепинен қарар қабыл етилди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Күн тәртибиндеги кейинги мәселе Пуқаралардың ҳуқықларын қорғаў, жынаятшылықтың алдын алыў ҳәм жынаятшылыққа қарсы гүресиў бағдарында 2023-жылда әмелге асырылған жумыслар ҳаққында болып, бул мәселе бойынша Қарақалпақстан Республикасы Прокурорының биринши орынбасары Ерполат Каипбергенов баянат жасады.

Бул мәселе бойынша да депутатлар тәрепинен арнаўлы қарар қабыл етилди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Күн тәртибиндеги кейинги мәселе Өзбекстан Республикасы Президентиниң 2021-жылы 16-июньдағы «Мәмлекетлик уйымлар ҳәм шөлкемлердиң жумысының ашықлығын тәмийинлеў, сондай-ақ, жәмийетлик қадағалаўды нәтийжели әмелге асырыўға байланыслы қосымша илажлар ҳаққында»ғы ПП-6247-санлы Пәрманы талапларының орынланыў барысы бойынша болып, бул мәселе бойынша Қарақалпақстан Республикасы Мектепке шекемги ҳәм мектеп билимлендириў министри Г.Кожабаева баянат жасады.

Күн тәртибиндеги бул мәселе де депутатлар тәрепинен толық қарап шығылды ҳәм арнаўлы қарар қабыл етилди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Күн тәртибиндеги кейинги мәселе Өзбекстан Республикасы Орайлық банки Қарақалпақстан Республикасы Бас басқармасы тәрепинен 2023-жыл даўамында әмелге асырылған жумыслар ҳаққында болып, бул мәселе бойынша Бас басқармасы баслығы А.Тилеумуратов баянат жасады.

Банклердиң турақлы ресурс базасын беккемлеў илажлары нәтийжесинде 2024-жыл 1-январь жағдайына халықтың ҳәм де хожалық жүргизиўши субъектлердиң банклердеги депозитлер көлеми өткен жылдың усы дәўирине салыстырғанда 26,8 процентке көбейди. Банклердиң ресурс базасы қурамында узақ мүддетли ҳәм турақлы ишки депозит ҳәм аманатлардың үлеси жылдан-жылға асып бармақта.

2023-жыл январь-декабрь айларында коммерциялық банклердиң кредит қойылмаларының улыўма көлеми жыл басына салыстырғанда 22,1 процентке асты. Коммерциялық банклер тәрепинен киши бизнес ҳәм жеке исбилерменлик субъектлерин финанслық қоллап-қуўатлаў бойынша 2023-жылда ажыратылған кредитлер көлеми 2022-жылға салыстырғанда 1,2 есеге көбейди.

Ҳүрметли Президентимиздиң пәрман ҳәм қарарлары тийкарында халқымыздың абадан турмысын тәмийинлеў мақсетинде 53 мың 186 физикалық ҳәм юридакылық шахсларға жәми 829,6 млрд. сумлық кредит қаржылары ажыратылған.

Гезектеги мәселе бойынша депутатлар тәрепинен қарар қабыл етилди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Қашқадәрьяда билим алып атырған қарақалпақстанлы студент қызлар менен ушырасыў шөлкемлестирилди

Ҳүрметли Президентимиздиң 213-санлы пәрманы менен қарақалпақстанлы жаслар ушын қосымша квоталар ажыратылған еди. Усы жеңиллик нәтийжесинде бир ғана Қашқадәрья ўәлаятының өзинде 200 ден аслам қарақалпақстанлы жаслар билим алып атыр.

Өзбекстан Республикасы Бас прокурорының орынбасары Светлана Артикова, ўәлаят ҳәкими орынбасары – шаңарақ ҳәм ҳаял-қызлар басқармасы баслығы К.Каромова, Қарши мәмлекетлик университети, Қарши инженерлик-экономика институти ҳәм ТИТУ Қарши филиалында билим алып атырған қарақалпақстанлы студент-қызлар менен ушырасты.

Илажда мийманлар тәрепинен қызлардың оқыўы, кәсип-өнер ийелеўи, олардың белсендилигин арттырыў, өмир мектебине таярлаў, усы бағдардағы жумысларды жәнеде жоқары басқышқа көтериў ҳаққында пикирлесилди.

Студентлер жаратылған шараятлар ушын Президентимизге шексиз миннетдаршылығын билдирди.
—
Қашқадарёда таҳсил олаётган қорақалпоғистонлик талаба қизлар билан учрашув ташкил этилди

Ҳурматли Президентимизнинг 213-сон фармони билан қорақалпоғистонлик ёшлар учун қўшимча квоталар ажратилган эди. Ана шу имтиёз натижасида биргина Қашқадарё вилоятининг ўзида 200 нафардан ортиқ қорақалпоғистонлик ёшлар билим олишмоқда.

Ўзбекистон Республикаси Бош прокурори ўринбосари Светлана Артикова, вилоят ҳокими ўринбосари - оила ва хотин-қизлар бошқармаси бошлиғи К.Каромова, Қарши давлат университети, Қарши мухандислик-иқтисодиёт институти ва ТАТУ Қарши филиалида таҳсил олаётган қорақалпоғистонлик талаба-қизлар билан учрашди.

Тадбирда меҳмонлар томонидан қизларнинг ўқиши, касб-ҳунар эгаллаши, уларнинг фаоллигини ошириш, ҳаёт мактабига тайёрлаш, мазкур йўналишдаги ишларни янада юқори босқичга кўтариш ҳақида фикрлашилди.

Талабалар яратилган шароитлар учун Президентимизга чексиз миннатдорликларини изҳор этишди.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter