Мектепке шекемги жастағы балалар арасында IV веломарафон жарысы өткерилди


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Регби бойынша Қарақалпақстан қызлар сайланды командасы Өзбекстан кубоги жеңимпазы болды

Усы жылдың 20-22-октябрь күнлери Ташкент қаласында регби-7 бойынша 2005-2007-жылларда туўылған ерлер ҳәм қызлар сайланды командалары арасында U-18 Өзбекстан кубоги, сондай-ақ, 2003-2005-жылларда туўылған ерлер ҳәм қызлар сайланды командалары арасында U-20 Өзбекстан кубоги жарыслары болып өтти.

Оған Ташкент қаласы, ўәлаятлар ҳәм Қарақалпақстан Республикасынан сайланды командалар қатнасты.

Жарыста 2005-2007-жылларда туўылған қызлар сайланды командамыз барлық қарсыласларын жеңип шығып, U-18 Өзбекстан кубоги жеңимпазы болған болса, 2003-2005-жылларда туўылған қызлар сайланды командамыз U-20 Өзбекстан кубоги жарысында сыйлы 2-орынды ийеледи.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

#Дыққат_вакансия

⚡️Президент жанындағы Мәмлекетлик хызметин раўажландырыў агентлиги Қарақалпақстан Республикасы филиалы мәмлекетлик уйым ҳәм шөлкемлер, ҳәкимликлер менен биргеликте төмендеги вакант лаўазымларға ашық таңлаў жәриялайды.

🔹Хожели районы ҳәкимлиги:

▫️Санлы экономиканы енгизиў бойынша жойбарлар менежери;

▫️ Шаңарақ ҳәм ҳаял-қызлар бөлими бас қәниеси;

▫️ Экономика ҳәм кәмбағаллықты қысқартыў мәселелери бойынша бас қәниге.

🔹Қанлыкөл районы ҳәкимлиги:

▫️Санлы экономиканы енгизиў бойынша жойбарлар менежери.

🔷Социаллық қорғаў миллий агентлиги Қарақалпақстан Республикасы басқармасы:

Беруний районы “Инсан” социаллық хызметлер орайы:

▫️5-аймақ 1-участкада (“Тинчлик” АПЖ-I) комплекс социаллық хызмет көрсетиўши хызметкер;

▫️8-аймақ 1-участкада (“У.Жуманиязов” МПЖ) комплекс социаллық хызмет көрсетиўши хызметкер;

▫️8-аймақ 2-участкада (“Ибн-Сино” МПЖ) комплекс социаллық хызмет көрсетиўши хызметкер;

▫️13-аймақ 1-участкада (“Бўстон” МПЖ, “Бунёдкор” МПЖ-I) комплекс социаллық хызмет көрсетиўши хызметкер.

🔷 Аўыл хожалығы министрлиги:

▫️ Қоңырат районы аўыл хожалығы бөлими: баслықтың жер, суў, аўыл хожалығында экономикалық реформалар, азық-аўқат қәўипсизлиги ҳәм агротехнология мәселелери бойынша орынбасары;

▫️ Кегейли районы аўыл хожалығы бөлими: жер дүзиў ҳәм мониторинг секторы баслығы;

▫️ Қараөзек районы аўыл хожалығы бөлими: бөлим баслық.

🔷 Ҳайўанлар кеселликлери диагностикасы ҳәм азық-аўқат өнимлери қәўипсизлиги мәмлекетлик орайы:

▫️ Төрткүл районы Ҳайўанлар кеселликлери диагностикасы ҳәм азық-аўқат өнимлери қәўипсизлиги мәмлекетлик орайы директоры.

❗️Aрзалар 28.10.2023-жыл саат 23:59 ға шекем қабыл етиледи.

➖ Ҳүжжетлерди электрон жибериў тәртиби бойынша видеоқолланба.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Президентимиздиң тапсырмасы менен республикамыз аймағындағы мүтәж шаңарақлардың турақ жайларын оңлаў жумыслары даўам етпекте

Ҳүрметли Президентимиздиң тиккелей басламасы менен Өзбекстан Республикасы Министрлер Кабинетиниң 2023-жыл 2-февральдағы 52-санлы Қарақалпақстан ушын айрықша қарар қабыл етилди.

Усы тийкарда жәрдемге мүтәж шаңарақларға тийисли үй-жайлардың төбесин шиферлап бериў, зәрүрлерин қайтадан қурыў белгилеп алынып, бул бойынша республикамыздың барлық орынларында әмелий жумыслар даўам етпекте.

Бүгинги күнде Төрткүл районындағы «Түркистан» мәҳәлле пуқаралар жыйынында жасаўшы Гулбаҳор Ташлиеваның турақ жайы да қарар тийкарында жаңадан қурып берилди.

Ең баслысы, Гулбаҳор бүгин Президентимизден миннетдар.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Лаўазымнан азат етилди

Беруний районы ҳәкими А.Сапарбаев, Нөкис қаласы салық инспекциясы баслығы С.Уснатдинов ийелеп турған лаўазымынан азат етилди.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Мәҳәллелердеги машқалалар өз шешимин таўып атыр

Пуқараларға мүнәсип турмыс шараятын жаратыў, аймақларда ушырасып атырған машқалаларға шешим таўып, оларды шешиў илажларын көриў бүгинги күнде мәмлекетимиз сиясатының баслы бағдарларының бирине айланған.

Бул бағдарда мәҳәллелердеги машқалаларға шешим табыў бойынша қабыл етилген ҳүрметли Президентимиздиң 408-санлы пәрманы үлкен әҳмийетке ийе есапланады. Себеби, мәҳәллелердеги бир қатар мәселелер өз шешимин таўып атыр.

Президент қарары тийкарында Қоңырат районында жәми 61, 324 км ишки жолларды оңлаў, 5,6 км пиядалар жолын қурыў, 245 дана түнги жақтыландырыў системасын орнатыў, 1 мәҳәлле имаратын қурыў, 2 дана трансформатор, 25 електр бағаналарын орнатыў ҳәм 2,4 км ишимлик суў тармағын тартыў белгиленген болып, бүгинги күнде бул жумыслардың барлығы жуўмағына жеткерилди.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Президент қарары нәтийжесинде Шымбай районындағы мәҳәллелер жаңаша көриниске ийе болып атыр

Мәмлекетлик бағдарламалар, қабыл етилип атырған Президент қарарлары тийкарында мәҳәллелерде, ҳәттеки, алыс аймақларда да инфраструктура менен байланыслы кең көлемли қурылыс-оңлаў жумыслары алып барылып, бул пуқараларымыздың реал турмысында өзиниң әмелий нәтийжесин берип атыр.

Шымбай районының көпшилик мәҳәллелеринде, усылар қатарында шетки аўыл пуқаралар жыйынларында да соңғы жыллары оғада көлемли жумыслар орынланды. «Шахтемир», «Жипек жолы» мәҳәллелери, «Пәшентаў» аўылы усылар қатарында жаңаша көриниске ийе болды.

Әмелге асырылып атырған бул ийгиликли жумыслар мәмлекетимиз сиясатының баслы мақсети болған «Инсан қәдирин улуғлаў» принципиниң әмелий нәтийжеси есапланады ҳәм бул басламалар еле де даўам етеди.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Тайынлаў

Канназаров Муслим Азатович – Нөкис қаласы ҳәкиминиң Финанс-экономика ҳәм кәмбағаллықты қысқартыў мәселелери бойынша биринши орынбасары-экономикалық раўажландырыў ҳәм кәмбағаллықты қысқартыў бөлими баслығы лаўазымына тайынланды.

М.Канназаров усы күнге шекем Нөкис қалалық экономика ҳәм финанс бөлими бас қәнигеси болып ислеген.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter