Президент мектеби оқыўшысы «Хиросима Халық аралық Жаслар форумы тынышлық елшиси» етип тайынланды

⚡️ Нөкис қаласындағы Президент мектеби оқыўшысы Садулла Ризаев Японияның Хиросима префектурасы ҳүкимети тәрепинен шөлкемлестирилген сегизинши Халық аралық жаслар форумына қатнасты.

✅ Мағлыўмат ушын, усы халықаралық форум жаслардың турақлы ҳәм қәўипсиз дүнья ҳаққындағы көз-қараслары, биргеликте тыныш келешекти жаратыў жолында бирлесиў мақсетин қәлиплестириў ушын шөлкемлестирилген.

🔹 Форумда 18 жастан киши, инглис тилинде пикирлесе алатуғын, халық аралық тынышлық темасына қызығыўшы қәбилетли мектеп оқыўшылары қатнасады.

Атап өтиў керек, ол ҳәзирги ўақытта Нөкис қаласындағы Президент мектебиниң 9-класс оқыўшысы есапланады.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Жоқарғы Кеңес Баслығы «Кердер» аўылында әмелге асырылып атырған жумыслар менен жақыннан танысты

Ҳүрметли Президентимиздиң басшылығында пуқараларымыздың күнделикли турмысында ушырасып атырған машқалаларды шешиў, әмелге асырылып атырған реформалардың ҳәр бир шаңараққа кирип барыўын тәмийинлеў, мәҳәллелерди ҳәр тәреплеме абат етиў ҳәм ең шетки аймақларды да пайызлы мәҳәллелерге айландырыў бойынша кең көлемли жумыслар алып барылмақта.

Қарақалпақстан Республикасы Жоқарғы Кеңесиниң Баслығы Аманбай Орынбаев алып барылып атырған кең көлемли абаданластырыў жумыслары, пуқаралардың абадан турмысын тәмийинлеў бағдарындағы әмелий илажлар менен жақыннан танысыў мақсетинде Нөкис районының шетки аймақларының бири болған «Кердер» аўыл пуқаралар жыйынына барды.

Дәслеп Жоқарғы Кеңес Баслығы аўыл пуқаралар жыйыны аймағында шөлкемлестирилген «Арзанластырылған аўыл хожалығы ҳәм азық-аўқат өнимлери ярмаркасы»н барып көрди.

Айтып өтиў орынлы, ярмаркада аўыл халқы ушын биринши дәрежели керекли азық-аўқат өнимлери алып келинген болып, арзанластырылған баҳада сатылмақта.

Буннан соң, «Ата мийрас» көшесинде жайласқан «Балалар майданшасы»ның қурылыс жумыслары көзден өткерилди. Алдын бул мәҳәлле аймағында балалар ушын бирде-бир ойын майданшасы қурылмаған. Сонлықтан, аўыл балалары ушын ойын майданшасы машқалалардың бири болып келген еди. Бүгинги күнде бул мәселе де өз шешимин таппақта.

Жоқарғы Кеңес Баслығы аймақта алып барылып атырған барлық қурылыс жумысларының өз ўақтында, сапалы алып барылыўы турақлы түрде қадағалаўда болатуғынын атап өтти.

Айтып өтиў керек, мәҳәлледе 2 км жолға асфальт, 2,1 км ЩПС төсеў, 358 электр бағанасын ҳәм 1 трансформатор пунктин оңлаў, аймақтағы базарды оңлаў, 1 мини футбол майданшасы, балалар майданшасын, мәденият сарайы имаратын қурыў, 20 км ишимлик суў тармағын жаңадан тартыў сыяқлы қатар жумыслар даўам етпекте.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Жоқарғы Кеңес Баслығы «Кердер» аўыл пуқаралар жыйыны аймағында жасаўшы Наўбетова Венераның ҳалынан хабар алды

Мәмлекетимизде ҳәр бир мүтәж инсан барқулла үлкен итибар ҳәм ғамхорлықта есапланады. Бүгинги күнде ҳүрметли Президентимиздиң тиккелей тапсырмасы менен «Инсан қәдири ушын» принципи тийкарында жәрдемге мүтәж пуқараларды ҳәр тәреплеме қоллап-қуўатлаў, олардың турмыслық машқалаларына шешим табыў, абадан турмысын тәмийинлеў бойынша кең көлемли жумыслар алып барылмақта.

Қарақалпақстан Республикасы Жоқарғы Кеңесиниң Баслығы Аманбай Орынбаев Нөкис районы «Кердер» аўыл пуқаралар жыйыны аймағында жасаўшы денсаўлығына байланыслы II топар майыбы Нәўбетова Венераның шаңарағында болып, оның ҳалынан хабар алды. Шаңарақ ағзалар менен бирге, бир дастурхан әтирапында пикирлесип, ҳәр бир жәрдемге мүтәж пуқара меҳир ҳәм итибардан шетте қалмайтуғынлығын айтып өтти. Буннан соң, шаңараққа ҳүрметли Президентимиздиң арнаўлы саўғалары тапсырылды.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Алыс «Кердер» аўылында байрам салтанаты көтериңки руўхта өткерилди

Бүгинги күнде Нөкис районынындағы «Кердер» аўыл пуқаралар жыйыны шын мәнисинде абаданластырыў ҳәм қурылыс майданына айланған. Себеби, аймақта «Абат үй, абат көше, абат мәҳәлле» өлшемлери тийкарында кең көлемли дөретиўшилик жумыслары алып барылмақта.

Усындай қуўанышлы ўақыялар қатарында аўыл пуқаралар жыйынында бүгин Өзбекстан Республикасы ғәрезсизлигиниң 32 жыллығы мүнәсибети менен байрам салтанаты болып өтти.

Онда Қарақалпақстан Республикасы Жоқарғы Кеңесиниң Баслығы Аманбай Орынбаев шығып сөйлеп, жыйналғанларды байрам мүнәсибети менен қызғын қутлықлады ҳәм соңғы жыллары елимизде Президентимиз басшылығында алып барылып атырған оғада көлемли жумыслар, пуқаралардың турмыс абаданлығын, ҳәр бир инсанның бүгинги турмысынан разылығын тәмийинлеў бағдарындағы ийгиликли әмеллер ҳаққында атап өтти.

Буннан соң, «Абат шаңарақ» таңлаўы жеңимпазлары сыйлықланды ҳәм «Жаслар дәптери»не киргизилген бир қатар жасларға субсидия тийкарында мийнет қураллары тапсырылды.

Айтып өтиў керек, соңғы жыллары елимизде мәҳәллелерди абат етиў жолында, ең шетки мәҳәллелерге де итибар қаратылып, аймақлардағы инфраструктура менен байланыслы машқалаларды шешиў илажлары көрилмекте. Усы тийкарда көпшилик мәҳәллелер үлгили ҳәм абат мәсканларға айланып, жаңаша көриниске енип атыр. «Кердер» аўылы да мине усындай орынлардың бири сыпатында дизимге алынып, бүгинги күнде реже тийкарында аймақтағы ҳәр бир көше, ҳәр бир үйди абат етиў илажлары көрилмекте.

Байрам илажы мәденият ҳәм көркем өнер хызметкерлери тәрепинен таярланған концерт бағдарламасы менен даўам етти.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter