Саида Мирзиёева:

Нью-Йоркта суў мәселелери бойынша болып өткен БМШ конференциясында Өзбекстан атынан сөз алып, Арал теңизи регионы ушын әҳмийетли болған мәселелерди көтердим. Бул конференцияда қатнасыў мәмлекетимизге суў ресурсларын басқарыў тараўындағы машқалалар ҳәм жетискенликлер менен бөлисиў, басқа да мәмлекетлердиң алдынғы тәжирийбеси ҳәм әмелияты менен танысыў имканиятын берди.

Мен өзимниң шығып сөйлеген сөзимде Арал теңизи экологиялық апатшылығына қарсы гүресиўде мәденият ҳәм дөретиўшиликтиң айрықша әҳмийетке ийе екенин атап өттим. Бул бағдардағы жумыслар шеңберинде Мәденият ҳәм көркем өнерди раўажландырыў фонды тәрепинен кең көлемли билимлендириў ҳәм мәдений бағдарламаларды өз ишине алған Aral Culture Summit жойбары менен таныстырдым.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Пуқаралардың машқалаларына шешим табыў бойынша Жоқарғы Кеӊес Баслығыныӊ жеке қабыллаўы болып өтти

Ҳүрметли Президентимиз «Бийтәкирар елимизге, уллы халқымызға садықлық пенен хызмет етиў – бәршемиздиң мақтанышлы ҳәм муқәддес ўазыйпамыз болып есапланады»-деп атап өткен еди. Ҳақыйқатында да, инсан қәдири улығланған елде ҳәр бир басшы халқымыздың бүгинги турмысынан разылығын тәмийинлеў, олардың машқалаларына шешим табыў жолында хызмет етиўи тийис ҳәм бул ийгиликли ўазыйпаны атқарыў бойынша бүгинги күнде барлық зәрүрли ис-илажлар әмелге асырылмақта.

Орынларда өткерилип атырған көшпели қабыллаўлар шеңберинде 25-март күни Қарақалпақстан Республикасы Жоқарғы Кеңесиниң Баслығы Аманбай Орынбаевтың Кегейли районында Бозатаў, Кегейли ҳәм Нөкис районлары пуқаралары ушын гезектеги жеке қабыллаўы болып өтти.

Болып өткен қабыллаўда кеўлинде үмит пенен келген пуқаралардың билдирилген мүрәжатларының басым көпшилиги орнында унамлы шешимин тапты, ўақыт талап етилетуғын мүрәжатлар Қарақалпақстан Республикасы Жоқарғы Кеңеси Баслығының жеке қадағалаўына алынып, тез пурсатта унамлы шешиў бойынша тийисли тараў басшыларына тапсырмалар берилди.

Президентимиз басшылығында халқымыздың турмыс дәрежесин жақсылаў, олардың күнделикли өмиринде ушырасып атырған машқалаларға шешим табыў, ең баслысы, мәселелерин шешип берип бүгинги турмысынан разылығын тәмийинлеў бағдарында жумыслар орынларда даўам еттирилмекте. Машқалаларды шешиўдиң анық механизмлериниң бири болған көшпели қабыллаўлар Жоқарғы Кеңес Баслығы тәрепинен барлық орынларда шөлкемлестириледи.

Толық мағлыўмат


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter