Ўатан қорғаўшылары ушын хызмет ететуғын объектлер пайдаланыўға тапсырылды

Бүгин Арқа-Батыс әскерий округының Нөкис горнизонында капитал оңлаў жумыслары жуўмақланған социаллық объектлердиң пайдаланыўға тапсырылыўы мүнәсибети менен ашылыў мәресими болып өтти.

Онда Қарақалпақстан Республикасы Жоқарғы Кеңесиниң Баслығы Аманбай Орынбаев қатнасып, өмирин машақатлы соның менен бирге, мақтанышлы ўазыйпаға бағышлаған ел қорғаўшыларын 14-январь Ўатан қорғаўшылары күни менен қутлықлады.

Капитал оңлаў жумыслары әмелге асырылғаннан соң 2 қабатлы әскерий бөлим штаб имараты, әскерий бөлим медицина пункти, Нөкис үй-жайдан пайдаланыў аймақлық бөлимине қараслы жатақхана жаңаша көринисте пайдаланыўға тапсырылды. Имаратлар заманагөй түс алып, барлық керекли әсбап-үскенелер, мебель-техникалар менен тәмийинленди. Сондай-ақ, жатақхана имаратында улыўмалық аўқатланыў орны да шөлкемлестирилди.

Толық мағлыўмат – Ўзб – Рус


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Аўызбиршилик, инсаныйлықтың үлгисин көрсетип атырған барлық пидайыларға миннетдаршылық билдиремиз

Бүгингидей сынаўлы күнлерди халқымыз бир болып, машақатты аўызбиршилик пенен жеңип өтпекте. Бунда Жоқарғы Кеңес депутатлары да белсендилик көрсетип атырғаны айрықша әҳмийетли.

Мәселен, Мойнақ районынан Жоқарғы Кеңес депутатлығына сайланған Бибихан Утамбетова Мойнақ районындағы жасы үлкен, напақадағы пуқараларымыздан хабар алып, олардың қыстан зыянсыз өтиўи бойынша мүрәжатларын тыңлады.

Сондай-ақ, депутат Табассумхон Рузметова Тақыятас районындағы жәрдемге мүтәж болған шаңарақлардан хабар алды. Олардың перзентлерине қысқы кийимлер саўға етилди ҳәм биринши гезектеги азық-аўқат өнимлери тапсырылды.

O'zLiDeP Қарақалпақстан Республикалық Кеңеси хызметкерлери тәрепинен күнниң суўығына қарамай өз жумысларын пидайылық пенен атқарып атырған кәсип ийелерине ыссы чай тарқатылды.

Жоқарғы Кеңес депутаты Анжела Омирова Тақыятас районы аймағында жасаўшы, бағыушысын жоғалтқан хожалықлардыӊ ҳалынан хабар алды. Пуқаралар менен сәўбетлесиўлер даўамында олардыӊ машқалалары тыӊланып, жәрдем бериў бойынша ўазыйпалар белгилеп алынды.

Бул ҳәрекетлер артында жоқары инсаныйлық, аўызбиршилик ҳәм ең баслысы "Инсан қәдири ушын" деген принцип өз сәўлелениўин тапқан.

Ўақтыншалық сынаўлы күнлерде жағдайды дурыс түсинип, бир-биреўге ийинлес болып атырған барлық депутатларға, исбилерменлер менен пидайы инсанларға Қарақалпақстан Республикасы Жоқарғы Кеңеси өз миннетдаршылығын билдиреди.

Ўзб – Рус


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Бүгин Қарақалпақстан Республикасы Жоқарғы Кеңесиниң Баслығы Аманбай Орынбаев Бердақ атындағы Қарақалпақ мәмлекетлик университетинде исбилерменлер ушын жеке қабыллаў өткерди

Азанда 10:30 да басланған қабыллаў дерлик 9 сағат даўам етип 19:00 де жуўмақланды. Өткерилген қабыллаўда 81 исбилермен тәрепинен жәми 87 мәселеде мүрәжатлар келип түсти. Онда исбилерменлердиң мүрәжатлары тыңланып, орнында шешим табыў илажлары көрилди.

Билдирилген мүрәжатлардың басым көпшилигин орнында шешимин табыў илажлары көрилди. Буннан тысқары, ўақыт талап етилетуғын мүрәжатлар Қарақалпақстан Республикасы Жоқарғы Кеңеси Баслығының жеке қадағалаўына алынып, тез пурсатта унамлы шешиў бойынша тийисли тараў басшыларына тапсырмалар берилди.

Сондай-ақ, өз басламасы менен келген исбилерменлер пикирлери тыңланып, ҳәр бир баслама көтерген, жаңа жумыс орнын жаратаман деген исбилермен қоллап-қуўатланатуғынлығы атап өтилди.

Толық мағлыўмат – Ўзб – Рус


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter