Бүгинги күнде басқарыў шөлкемлерине бириктирилген көп квартиралы турақ жай мүлкдарлары менен шәртнама дүзиў жумыслары 96 пайызға орынланды ҳәм шәртнама дүзиў жумыслары даўам етпекте. Басқарыў шөлкемлериниң усы күнге дейин жәми 5,9 млрд. сумлық мәжбүрий төлемлери өндирилди.

Республикамыз аймағында жайласқан 1634 көп квартиралы турақ жайлардан 18344 квартиралы 541 турақ жай орайласқан ыссылық тәмийнаты ҳәм еки контурлы заманагөй қазанлар менен тәмийинленген. Қалған 15306 квартиралы 427 көп квартиралы турақ жайлар заманагөй еки контурлы ысытыў қазанларынан пайдаланып келмекте.

Сессияда бүгинги күнде республикамыз аймағында 27,2 км. ыссылық тармақларынан ибарат саз жағдайдағы 3 қазанхана халыққа хызмет көрсетип атырғаны атап өтилди.

Күн тәртибиндеги бул мәселе де толық қарап шығылды ҳәм депутатлар тәрепинен қарар қабыл етилди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

🌐Telegram 🌐Website 📱Instagram 📱Facebook 🌐YouTube

Күн тәртибиндеги кейинги мәселе Қарақалпақстан Республикасында туризмди раўажландырыў бойынша 2024-жыл даўамында әмелге асырылған илажлар ҳаққында Қарақалпақстан Республикасы Туризм басқармасының есабаты туўралы болып, бул мәселе бойынша басқарма баслығы Г.Изентаева баянат жасады.

2021-жылы аймақта 27 жайластырыў орны, 44 туроператор жумыс алып барған болса, бүгинги күнге келип 111 жайластырыў орны, 74 туроператорлық субъекти, арнаўлы транспортлар жергиликли ҳәм сырт елли туристлерге хызмет көрсетпекте.

Соңғы жылларда елимизге келип атырған сырт елли туристлердиң жоқары өсиў динамикасы бақланбақта. Атап айтқанда, Қарақалпақстанға 2021-жылы 287 мың жергиликли, 24 мың сырт елли туристлер келген болса, 2024-жыл басынан берли 1 млн. 914 мың жергиликли ҳәм 190 мыңға жақын сырт елли туристлер келди. Өткен 9 ай жуўмағы бойынша туризм хызметлери экспорты көлеми 27,53 млн. АҚШ долларды қурады.

2024-жылы Қарақалпақстанда туризм тараўы бойынша улыўма муғдары 149,3 млрд. сўмлық 36 инвестициялық жойбардың әмелге асырылыўы режелестирилген болып, буның нәтийжесинде 209 жаңа жумыс орнының жаратылыўы нәзерде тутылған.

Жоқарыдағылар менен бир қатарда, туризм тараўын раўажландырыў, тараў ўәкиллерин қоллап-қуўатлаў ҳәм аймақтың туристлик потенциалын кеңнен үгит-нәсиятлаў мақсетинде «DMO Karakalpakstan» жәмийетлик бирлеспеси ҳәм Туризм комитети жанындағы «Milliy PR» МУКтың Қарақалпақстан Республикасы филиалы шөлкемлестирилди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

🌐Telegram 🌐Website 📱Instagram 📱Facebook 🌐YouTube

Ҳүрметли Президентимиздиң халқымызға деген айрықша ғамхорлығы нәтийжесинде быйылғы жылы тараўда тарийхый ўақыялар жүз берди.

Атап айтқанда, тараўды раўажландырыў бағдарында бир қатар жеңилликлер берилди. «Нөкис–Мойнақ–Нөкис» бағдары бойынша ишки авиарейслер, «Нөкис–Алматы–Нөкис», «Нөкис–Стамбул–Нөкис» жөнелиси бойынша халықаралық авиарейслер, сондай-ақ, Қазақстан Республикасының Маңғыстаў ўәлаяты, Ақтаў қаласына «Нөкис– Маңғыстаў–Нөкис» жөнелисинде жолаўшы поездларының қатнаўы жолға қойылды.

Сессияда, усы жылдың жуўмағына аймағымызға ишки туристлер санын 2 млн.ға, сырт елли туристлер санын 200 мыңға, туризм экспорты көлеми 30 миллион долларға ҳәмде жайластырыў орынларын 113 ке жеткериў режелестирилгени атап өтилди.

Депутатлар тәрепинен бул мәселе де толық қарап шығылды ҳәм қарар қабыл етилди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

🌐Telegram 🌐Website 📱Instagram 📱Facebook 🌐YouTube

Күн тәртибиндеги кейинги мәселе бойынша аўыл хожалығы тараўында дийқан ҳәм фермерлер ушын барлық қолайлы шәраятлар жаратыў, олардың материаллық техникалық базасын жылдан-жылға жақсылап барыў, ушырасып атырған машқалаларын шешиўде басшы кадрлардың орны әҳмийетли екенлиги атап өтилди ҳәм Қарақалпақстан Республикасы Министрлер Кеңеси Баслығының аўыл ҳәм суў хожалығы мәселелери бойынша орынбасары лаўазымына Тешаев Шуҳрат Жўрақулович тайынланды.

Ш.Тешаев буннан алдын Өзбекстан фермер, дийқан хожалықлары ҳәм қыйтақ жер ийелери кеңеси баслығының биринши орынбасары лаўазымында жумыс алып барған. Сондай-ақ, мийнет жолы даўамында Өзбекстан Республикасы аўыл ҳәм суў хожалығы министриниң агротехнология мәселелери бойынша биринши орынбасары, Өзбекстан Республикасы аўыл ҳәм суў хожалығы министри сыяқлы сыяқлы жуўапкершиликли лаўазымларды табыслы атқарған.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

🌐Telegram 🌐Website 📱Instagram 📱Facebook 🌐YouTube

Сессия мәжилисиниң күн тәртибиндеги кейинги мәселе Жоқарғы Кеңес Президиумының тийисли қарарларын тастыйықлаў мәселеси ҳаққында болып, бул мәселе де толық қарап шығылды.

Күн тәртибиндеги мәселе бойынша депутатлар тәрепинен қарар қабыл етилди.

Усының менен Қарақалпақстан Республикасы Жоқарғы Кеңесиниң елиў екинши сессиясы өз жумысын жуўмақлады.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

🌐Telegram 🌐Website 📱Instagram 📱Facebook 🌐YouTube