Жоқарғы Кеңес Баслығы Қанлыкөл районындағы «Бескөпир» аўылы пуқаралары менен жақыннан пикирлести

Қарақалпақстан Республикасы Жоқарғы Кеңесиниң Баслығы Аманбай Орынбаев Қанлыкөл районындағы «Бескөпир» аўыл пуқаралар жыйынында болып, аймақ турғынлары менен ушырасты.

Ушырасыўда соңғы жыллары елимизде ҳүрметли Президентимиздиң басшылығында халқымыз абаданлығы жолындағы ийгиликли илажлар, кең көлемли реформалар қала ҳәм районларымыздан баслап алыс аўылларға шекем ҳәр бир шаңараққа кирип барып атырғанлығы атап өтилди.

Буннан соң, Жоқарғы Кеңес Баслығы аймақта “Абат шаңарақ”, “Абат көше” ҳәм “Абат мәҳәлле” бағдарламасы шеӊберинде әмелге асырылып атырған кең көлемли қурылыс-оңлаў ҳәм абаданластырыў, усы тийкарда аўылдағы 17.5 км ишки жолларды оңлаў, “Бескөпир” мәҳәллесиниң жаӊа имәратын қурыў жумыслары менен жақыннан танысты.

Сондай-ақ, “Сайхунабат тәжирийбеси” тийкарында әмелге асырылып атырған жумыслар, аймақтағы үлгили “Кенгаш” көшесинде қыйтақ жерден нәтийжели пайдаланыў бойынша орынланған илажлар көрип шығылды.

Усы аймақтың өзинде жасаўшы А.Қудайбергенов шаӊарағында аз жерден мол өним алып, қосымша қоян, қусшылық, пал ҳәррешилигин жолға қойыў арқалы жақсы дәрамат алыў жумыслары көзден өткерилип, бул тәжирийбени еледе кеӊ ен жайдырыў бойынша ўазыйпалар белгиледи.
—
Ўзб


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Күн тәртибиндеги дәслепки мәселе халықтың бәнтлигин тәмийинлеў, кем тәмийинленген шаңарақларды камбағаллықтан шығарыў, Сайхунабад тәжирийбесин енгизиў, мәҳәлле жетилигиниң жумысын нәтийжели шөлкемлестириў ҳәм жуўапкершилигин асырыў бойынша 2024-жылдың биринши шереги даўамында әмелге асырылған жумыслар ҳаққында аймақларды комплексли социаллық-экономикалық раўажландырыў бойынша сектор басшыларының есабатлары туўралы болып, бул мәселе бойынша Қарақалпақстан Республикасы Министрлер Кеңесиниң Баслығы, 1-сектор басшысы Ф.Эрманов баянат жасады.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Күн тәртибиндеги мәселе бойынша Қарақалпақстан Республикасы Ишки ислер министри, 3-сектор басшысы Б.Торебеков баянат жасады.

Республиканың 3-секторына Тахтакөпир, Қараөзек, Шымбай, Бозатаў ҳәм Кегейли районлары бириктирилген болып, усы жылда 3-сектор аймағындағы 5 районда мийнет базарына кирип келиўши жәми 22 мың 122 пуқара бәнтлиги тәмийинлениўи лазым болған пуқаралар болып, соннан улыўма билим бериў мектебиниң 2 мың 918 питкериўшилери, 9 мың 816 мигрaциядан қайтып келетуғынлар, 9 мың 388 жумыссыз шахсларды қурайды. 

Өткен 1-шерек даўамында 3 мыӊ 467 жаңа жумыс орынлары жаратылып, белгиленген реже 136,9 % орынланды.

Халықты исбилерменликке қамтыў, бәнтилигин тәмийинлеў ҳәм кәсипке оқытыў мақсетинде де бир қатар жумыслар әмелге асырылды.

Президентимиздиң басламасы менен «Абат шаңарақ, абат көше, абат маҳәлле» бағдарламасы тийкарында да салмақлы жумыслар әмелге асырылмақта.

Сондай-ақ, аймақларда жасаўшы аўыр жағдайға түсип қалған шаңаракларды қоллап-куўатлаў бойынша да жумыслар даўам еттирилмекте.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter