Күн тәртибиндеги кейинги мәселе Халықтың репродуктивлик саламатлығын беккемлеў, аналар ҳәм балалар саламатлығын қорғаў, саламат бала туўылыўын тәмийинлеў бағдарында әмелге асырылып атырған илажлар ҳаққында Қарақалпақстан Республикасы Денсаўлықты сақлаў министриниң есабаты туўралы болып, бул мәселе бойынша Қарақалпақстан Республикасы Денсаўлықты сақлаў министри М.Қурбанов баянат жасады.

Бүгинги күнде Қоңырат районында жаңадан шѳлкемлестирилген районлараралық перинатал орайында нәрестелер реанимациясы бѳлиминиң жумыслары жолға қойылады ҳәмде Шымбай ҳәм Беруний районлараралық перинатал орайында нәрестелер реанимациясы бѳлимин шөлкемлестириў режелестирилген.

Бирлескен Араб Әмирлигиниң “Шейх Халифа” фонды тǝрепинен 28 млн. долларлық “Ана ҳǝм бала” клиникасының қурылыс жумыслары усы жылдың сентябрь айында жуўмақланыўы режелестирилген.

Халықтың репродуктивлик саламатлығын беккемлеў, аналар ҳәм балалар саламатлығын қорғаў мақсетинде медициналық жәрдем сапасын арттырыў бойынша 2024-жылдың 4 айы даўамында 499 мың 976 туўыў жасындағы ҳаяллардан 216 мың 159 ҳаял (43,2%) системалы профилактикалық медициналық тексериўден ѳткерилди. Нәтийжеде 110 мың 928 ҳаялда (51,3%) экстрагенитал кеселликлер анықланып, 68мың 967 ҳаял (62,2%) саламатластырылған ҳәм 41мың 961 ҳаял (41,9%) саламатластырыў процесинде.

Сондай-ақ, 18 жасқа шекемги 190 мың 250 бала (28,1%) системалы профилактикалық медициналық тексериўден ѳткерилди ҳәм тексериў нәтийжесинде 59 мың 480 балада (31,2%) кеселликлер анықланған. Соннан 54 мың 293 бала (91,2%) саламатластырылған болса, 5 мың 187 бала (8,7%) саламатластырыў процесинде.

Аналар ҳәм нәрестелер өлиминиң алдын алыў мақсетинде илажлар жобасы ислеп шығылды ҳәм усы илажлар жобасына муўапық бир қатар жумыслар әмелге асырылып атыр.

Күн тәртибиндеги мәселе толық қарап шығылды ҳәм депутатлар тәрепинен қарар қабыл етилди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Күн тәртибиндеги кейинги мәселе Өзбекстан Республикасы Олий Мәжлисиниң Инсан ҳуқықлары бойынша ўәкили (Омбудсман)ның Қарақалпақстан Республикасындағы аймақлық ўәкилиниң 2023-жылда әмелге асырған жумыслары ҳаққындағы мәлимлемеси туўралы болып, бул мәселе бойынша Инсан ҳуқықлары бойынша ўәкили (омбудсман)ның Қарақалпақстан Республикасындағы аймақлық ўәкили Ж.Шлымбетов баянат жасады.

Күн тәртибиндеги бул мәселе де толық қарап шығылды ҳәм депутатлар тәрепинен қарар қабыл етилди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Күн тәртибиндеги кейинги мәселе Ѳзбекстан Республикасы Президентиниң 2022-жыл 7-марттағы «Шаңарақ ҳәм ҳаял-қызларды системалы қоллап-қуўатлаўға байланыслы жумысларды буннан былай да жеделлестириў илажлары ҳаққында»ғы ПП-87-санлы Пәрманында белгиленген ўазыйпалардың орынланыўы бойынша Қарақалпақстан Республикасы Кәмбағаллықты қысқартыў ҳәм бәнтлик министриниң мәлимлемеси туўралы болып, бул мәселе бойынша Қарақалпақстан Республикасы Кәмбағаллықты қысқартыў ҳәм бәнтлик министри Қ.Әзербаев баянат жасады.

Пәрман тийкарында белгиленген ўазыйпалардың орынланыўы бойынша бир қатар илажлар әмелге асырылды. Атап айтқанда, ҳаял-қызлардың мийнет ҳуқықлары тәмийинленгенлик жағдайын үйренип шығыў бойынша 2024-жылдың январь-апрель айлары даўамында 30 мекеме, кәрханаларда ҳаял-қызлардың мийнет ҳуқықлары тәмийинленгенлик жағдайы үйренип шығылды.

Жумыссыз ҳаял-қызларды бос (вакант) ҳәм квоталанған жумыс орынларына жайластырыў бойынша тийисли илажларды көриў белгиленген болып, бул бойынша 2024-жылдың январь-апрель айлары даўамында 4 450 ҳаял-қызлар бос (вакант) ҳәм квоталанған жумыс орынларына жайластырылды.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Күн тәртибиндеги кейинги мәселе Қарақалпақстан Республикасы Салық басқармасының 2023-жыл даўамында әмелге асырылған жумыслары ҳаққында Қарақалпақстан Республикасы Салық басқармасы баслығының есабаты туўралы болып, бул мәселе бойынша Салық басқармасы баслығы Х.Бекчанов баянат жасады.

Қарақалпақстан Республикасында бюджет дәраматларына белгиленген прогноз көрсеткишлери орынланыўы ҳәм қосымша дереклерди анықлаў, сондай-ақ, исбилерменлик субъектлерин қоллап қуўатлаў, салық ҳәкимшилигин ҳәм тараўда интерактив хызметлерди және де жетилистириў бойынша Қарақалпақстан Республикасы салық уйымлары тәрепинен унамлы жумыслар әмелге асырылмақта.

Қарақалпақстан Республикасы Салық басқармасы баслығы тәрепинен әмелге асырылған жумыслар бойынша кең түрде тоқталып өтилди.

Күн тәртибиндеги бул мәселе де толық қарап шығылды ҳәм депутатлар тәрепинен қарар қабыл етилди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Күн тәртибиндеги кейинги мәселе Қарақалпақстан Республикасы аймағында электр энергетикасы тараўында әмелге асырылып атырған реформалардың барысы, халықты қыс айларында үзиликсиз электр энергиясы менен тәмийинлеў ҳаққында «Аймақлық электр тармақлары» акционерлик жәмийети Қарақалпақстан аймақлық филиалы директорының есабаты туўралы болып, бул мәселе бойынша филиал директоры А.Нурымбетов баянат жасады.

Күн тәртибиндеги мәселе депутатлар тәрепинен толық қарап шығылды ҳәм арнаўлы қарар қабыл етилди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Қарақалпақстан Республикасы Исбилерменлер Кеңеси дүзилди

Қарақалпақстан Республикасы Жоқарғы Кеңесиниң Баслығы Аманбай Орынбаев республикамыздағы бир қатар алдыңғы исбилерменлер менен ушырасты.

Толық оқыў
—
Қорақалпоғистон Республикаси Тадбиркорлар Кенгаши ташкил этилди

Қорақалпоғистон Республикаси Жўқорғи Кенгесининг Раиси Аманбай Орынбаев республикамиздаги қатор илғор тадбиркорлар билан учрашди

Тўлиқ ўқиш


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter