Жоқарғы Кеңес Баслығы Қоңырат районындағы бир қатар социаллық ҳәм қурылыс объектлерин барып көрди

Қарақалпақстан Республикасы Жоқарғы Кеңесиниң Баслығы Аманбай Орынбаев Қоңырат районындағы бир қатар социаллық объектлердиң гүз-қыс мәўсимине таярлығы жағдайын ҳәм мәҳәлллелерди абат етиў, инфраструктура объектлерин оңлаў бойынша әмелге асырылып атырған жумысларды барып көрди.

Дәслеп Жоқарғы Кеңес Баслығы райондағы «Раўшан» аўыл пуқаралар жыйыны аймағында «Абат үй, абат көше, абат мәҳәлле» өлшемлери тийкарында әмелге асырылып атырған қурылыс-оңлаў ҳәм абаданластырыў жумыслары менен жақыннан танысты.

Буннан соң, аўыл аймағындағы 5-санлы улыўма билим бериў мектеби, 2-санлы мектепке шекемги билимлендириў шөлкеми ҳәм «Раўшан» шаңарақлық шыпакерлик пунктиниң гүз-қыс мәўсимине таярлық жумыслары сондай-ақ, балалар ушын жаратылған шараятларды көзден өткерди. Жуўапкерлерге анық ўазыйпалар белгилеп берилип, тийисли тапсырмалар берилди.

Айтып өтиў керек, райондағы республикалық әҳмийетке ийе 4Р 173 А автомобиль жолының 3,7 км.де жайласқан «Жиңишке» каналын кесип өтиўши көпир авариялық жағдайға келип қалған еди. Бүгинги күнде тийисли қаржылар ажыратылып, қурылыс жумыслары алып барылмақта. Көпир қурылысы барысы да орнына барып көрилди.

Бүгин райондағы гүз-қыс мәўсимине таярлық, «Жасыл мәкан» акциясы, сондай-ақ, қурылыс-оңлаў жумыслары Жоқарғы Кеңес Баслығы тәрепинен көзден өткерилди ҳәм жуўапкерлерге анық ўазыйпалар тапсырылды.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Жоқарғы Кеңес Баслығы Бозатаў районындағы бир қатар социаллық объектлерди барып көрди

Жоқарғы Кеңес Баслығы Бозатаў районы аймағында гүз-қыс мәўсимине таярлық көриў бағдарында әмелге асырылып атырған жумысларды көзден өткерди. Атап айтқанда 2-санлы улыўма билим бериў мектеби, 8-санлы мектепке шекемги билимлендириў шөлкеми ҳәмде районлық Медицина бирлеспелери, “Аспантай” АПЖ да жайласқан 11-санлы улыўма билим бериў мектеби ҳәм аўыллық шаңарақ шыпакерлик пункитинде болып гүз-қыс мәўсимине таярлық жумысларының сапасы, жылытыў үскенелериниң талап дәрежесинде екенлигин көрип шықты. Сондай-ақ мектеп оқыўшыларының билим алыў барысы менен жақыннан танысты. Буннан соң Медицина бирлеспелеринде емленип атырған наўқаслардан хабар алып, дәри-дармақлар менен байланыслы мәселелер бойынша сәўбетлести.

Сондай-ақ “Аспантай” АПЖ аймағында “Жасыл мәкан” акциясы шеңберинде жаңадан жаратылып атырған “Жаслар бағы”на терек ҳәм мийўе нәллерин егиў иләжына қатнасты.

Өзбекстан Республикасы Министрлер Кабинетиниң 2023-жыл 2-февраль күнги “Қарақалпақстан Республикасында пуқаралар ушын мүнәсип турмыс шараятын жаратыў ҳәм мәҳәллелер инфраструктурасын еле де жақсылаў ис-илажлары ҳаққында”ғы 52-санлы қарары тийкарында Бозатаў районында жәрдемге мүтәж шаңарақлардың үй-жайларының төбесин шиферлап бериў, зәрүрлерин қайтадан қурыў бойынша әмелге асырылып атырған жумыслар Жоқарғы Кеңес Баслығының итибарынан шетте қалмады. Турақ-жайларды оңлаў, жарамсызларын қайта қурып бериў жумысларын барып көрди ҳәм пуқаралардың ҳал-жағдайларынан хабар алды. Жаўын-шашынлы күнлерге қалдырмай қысқа мүддетте сапалы етип жуўмақлаў бойынша район басшыларына анық тапсырмалар берилди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter