Гүз-қыс мәўсимине таярлық көриў мәселелерине арналған баспасөз конференциясы болып өтти

Бүгин 2023-жыл 1-ноябрь күни Баспасөз үйинде Қарақалпақстан Республикасы Айрықша жағдайлар басқармасының "Гүз-қыс мәўсиминде жүз бериўи мүмкин болған өртлер ҳәм айрықша жағдайлар, олардың алдын алыўға қаратылған әҳмийетли ўазыйпалар" атамасында баспасөз конференциясы өткерилди.

Онда Ғалаба хабар қураллары ўәкиллери, журналист ҳәм блогерлер ҳәм кең жәмийетшилик ўәкиллери қатнасты.

Өткерилген баспасөз конференциясында Айрықша жағдайлар басқармасы тәрепинен республикамыз аймағында гүз-қыс мәўсимине таярлық көриў бағдарында әмелге асырылып атырған жумыслар, пуқаралардың турақ-жайлары, социаллық ҳәм исбилерменлерге тийисли болған объектлерде өрт келип шығыўының ҳәм басқа да айрықша жағдайлар жүз бериўиниң алдын алыў, бул бағдарда орынларда әмелге асырылып атырған жумыслар, үгит-нәсият илажлары, әмелий көргизбели шынығыўлардың өткерилиўи сыяқлы әҳмийетли мәселелер бойынша сөз етилди.

Белгиленген ўазыйпалар ҳәм усы тийкарда шөлкемлестирилген жумыслар кең түрде талқыланды.

Өткерилген баспасөз конференциясында журналист ҳәм блогерлер тараў басшылары ҳәм жуўапкерлерден өзлерин кызықтырған сораўларына жуўаплар алды.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Нөкис қаласында ишимлик суў тәмийнатын жақсылаў бойынша бир қатар жумыслар әмелге асырылмақта

2023-жылда халықты таза ишимлик суўы менен тәмийинлеў бағдарында Нөкис қаласында улыўма 84,7 км суў тармағын жаңалаў, 5 ишимлик суўы объектлеринде (сооружение) қурылыс жумысларын алып барыў белгиленген.

Атап айтқанда, хазирги ўақытта Нөкис қаласы "Нәўбәҳәр" мәҳәллесиндеги Нуржайна көшесине 311 метр узынлықта жаңадан ишимлик суў тармақлары тартылып берилмекте.

Ең баслысы, халқымызды қыйнап киятырған машқалалардың бири болған ишимлик суў тәмийнаты бойынша мәселелерге шешим табылмақта.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Тақыятас районындағы бир қатар көп қабатлы турақ жайлар ҳәм олардың әтирапларында қурылыс-оңлаў жумыслары әмелге асырылды

Президентимиздиң 5152-санлы қарарына тийкар республикамыз аймағындағы көп қабатлы турақ жайларды оңлаў ҳәм әтирапын абаданластырыў ушын жәми 45,7 млрд. сум қаржы ажыратылды. Усы ажыратылған қаржылар тийкарында орынлардағы көп қабатлы турақ жайлардың төбесин, фасадларын, кириў орынларын оңлаў, коммуникация тармақларын жақсылаў ҳәм басқа да бир қатар зәрүрли жумыслары әмелге асырылыўы режелестирилген еди.

Қарарға тийкар Тақыятас районына да 3 млрд. 408 млн сум қаржы ажыратылды.

Бүгинги күнде «Тақыятас» мәкан пуқаралар жыйынындағы Абдамбетов көшесинде жайласқан №1, №3, №5, №6, №7, №9 көп қабатлы үйлердиң төбесин, фасадларын оңлаў жумыслары әмелге асырылды.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter