Ишки ислер уйымлары хызметкерлери күни мүнәсибети менен байрам салтанаты болып өтти

Бүгин Бердақ атындағы Қарақалпақ мәмлекетлик академиялық музыкалы театрында «Ишки ислер уйымлары хызметкерлери күни» мүнәсибети менен байрам салтанаты болып өтти.

Өткерилген илажда Қарақалпақстан Республикасы Жоқарғы Кеңесиниң Баслығы Аманбай Орынбаев шығып сөйлеп, тараў пидайыларын ҳәм ветеранларын бүгинги байрам мүнәсибети менен қутлықлады.

Илажда атап өтилгениндей, тараў хызметкерлериниң жәмийетлик тәртипти ҳәм тынышлықты сақлаў, пуқаралардың ҳуқық ҳәм еркинликлерин қорғаў бағдарында өз тынышлығынан, керек болса жанынан кешип әмелге асырып атырған пидайы хызметлери барқулла қәдирленеди ҳәм айрықша ҳүрметленеди.

Айтып өтиў керек, соңғы жыллары елимизде Ҳүрметли Президентимиздиң басшылығында ишки ислер уйымларының жумыс нәтийжелилигин және де арттырыў, тараўды инсаныйлық ҳәм халықшыл системаға айландырыў, ашық-айдынлық орталығын күшейтиў, бул жолда аянбай мийнет етип атырған тараў хызметкерлерин қоллап-қуўатлаў мəселелерине мəмлекетлик дəрежеде итибар қаратылмақта.

Тараў хызметкерлери өз ўазыйпасын минсиз атқарыў жолында, халқымыздың тыныш-татыў турмысын тәмийинлеў, жынаятшылыққа ҳәм ҳуқықбузарлықларға қарсы гүресиў, жәмийетлик тәртипти ҳәм жол ҳәрекети қәўипсизлигин сақлаў, халқымыздың абадан турмысын тәмийинлеў сыяқлы көплеген бағдарлар бойынша ийгиликли жумыслар алып барып атыр.

Болып өткен байрам салтанатында усындай жуўапкершиликли ўазыйпаларды атқарып киятырған бир қатар тараў ўәкиллери ҳәм ветеранлар Жоқарғы Кеңес Президиумы қарары тийкарында көкирек белгилери ҳәм баҳалы саўғалар менен сыйлықланды.

Байрам салтанаты көркем өнер ҳәм мәденият хызметкерлери атқарыўындағы концерт бағдарламасы менен даўам етти.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Сессияныӊ күн тәртибиндеги дәслепки мәселе Суд ҳүжжетлери ҳәм басқа уйымлар ҳүжжетлериниң орынланыўы жағдайы бойынша Мәжбүрий орынлаў бюросы Қарақалпақстан Республикасы басқармасына парламентлик сораў жибериў туўралы болып, бул мәселе бойынша Жоқарғы Кеңестиң комитет баслығы Зухра Реймова баянат жасады.

Сессияның күн тәртибиндеги дәслепки мәселе бойынша қарар қабыл етилди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Күн тәртибиндеги кейинги мәселе 2023-жылда ислениўи тийис болған жумыслар соннан, 2023-жылдың 9 айы даўамында әмелге асырылған ҳәм жыл жуўмағы менен режелестирилген жумыслары туўралы болып, бул мәселе бойынша Қарақалпақстан Республикасы Министрлер Кеңеси Баслығының орынбасары - Инвестициялар ҳәм сыртқы саўда министри А. Отеулиев баянат жасады.

2023-жыл 9 айы даўымында Мәмлекетлик ҳәм аймақлық инвестиция бағдарламалары тийкарында улыўма қуны 625,6 млрд сум болған 151 жойбар иске түсирилиўи ҳәм 1772 жумыс орынлары жаратылыўы режелестирилген. Әмелде улыўма қуны 1 трлн 573,2 млрд сумлық 362 жойбар иске түсирилип, 3 мың 263 жумыс орынлары жаратылды. 

Усы жойбарлар иске түсирилиўи нәтийжесинде жыллық 161,8 млрд сумлық санаат өнимлери, 84,7 млрд сумлық хызмет көрсетиў көлемлери ҳәм 15,1 млрд сумлық аўыл хожалығы өнимлерин ислеп шығарыў қуўатлықлары жаратылды.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter