Ўзбекистон ҳар йили Россиядан тижорий шартнома асосида 2,8 миллиард куб метр газ сотиб оладиган бўляпти

Эртага Россиядан Ўзбекистонга газни импорт қилишга старт берилади. Бу тадбирда Мирзиёев, Тоқаев ва Путиннинг иштирок этиши кўзда тутилган.

Ўзбекистон ҳар йили Россиядан 2,8 миллиард куб метр газ сотиб олади.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Россия Федерациясынан Қазақстан арқалы Өзбекстанға газ жеткерилип берилиўине старт берилди


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Кожабаева Гулистан Таласбаевна - Қарақалпақстан Республикасы Мектепке шекемги ҳәм мектеп билимлендириўи министри ўазыйпасын атқарыўшы етип тайынланды.

Гулистан Таласбаевна усы күнге шекем Нөкис қаласындағы 2-санлы айырым пәнлер тереңлестирилип оқытылатуғын класслары бар мектеп директоры лаўазымында ислеп келген.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Қоңыратта самал электр станциясы жәрдеминде энергия алыў бойынша жаңа жойбар иске түсириледи

Өзбекстан Республикасы Президентиниң «Қарақалпақстан Республикасының Коңырат районында қуўатлылығы 500 МВт болған самал электр станциясын, қуўатлылығы 100 МВт болған электр энергиясын сақлаў системасын, қуўатлылығы 500 МВт болған подстанция ҳәмде ҳаўа электр узатыў тармағын қурыў (Kungrad Wind 2)» инвестиция жойбарларын әмелге асырыў ис-илажлары ҳаққында»ғы қарары қабыл етилди.

Қарарға тийкар «ACWA Power Company (Saudi Listed Joint Stock Company)» (Саудия Арабстаны) компаниясы тәрепинен «Қарақалпақстан Республикасының Коңырат районында қуўатлылығы 500 МВт болған самал электр станциясы, қуўатлылығы 100 МВт болған электр энергиясын сақлаў системасы, қуўатлылығы 500 МВт болған подстанция ҳәмде ҳаўа электр узатыў тармағын қурыў (Kungrad Wind 2)» жойбары шеңберинде Өзбекстан Республикасында «ACWA Power Kungrad Wind 2» ЖШЖ ЖМК шөлкемлестириледи.

Буның ушын дәслепки баҳалаў бойынша 667 млн АҚШ доллары муғдарында туўрыдан-туўры сырт ел инвестициясы тартылады.
Жойбар шеңберинде самал электр станциясын бирден-бир электр энергиясы тармағына жалғаў ушын жаңа подстанция ҳәм ҳаўа электр узатыў тармақлары Жойбар компаниясы тәрепинен қурылады ҳәм иске түсирилгеннен соң «Өзбекстан миллий электр тармақлары» АЖне тапсырылады.

«Өзбекстан миллий электр тармақлары» АЖ 25 жыл даўамында ислеп шығылған электр энергияны кепилликли тәризде сатып алыў миннетлемесин алады.

Электр энергиясы ушын төлем миллий валютада әмелге асырылады.


Усы жойбар Қарақалпақстан Республикасы халқы ҳәм экономика тармақларын энергия ресурслары менен турақлы тәмийинлеў, электр энергиясын ислеп шығарыўда тәбийғый газден пайдаланыўды кемейтиў ҳәмде қайта тиклениўши энергия дереклеринен пайдаланыў көлемин кеңейтеди.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Тәлим кредитин алыў ушын керекли ҳүжжетлер дизими

Министрлер Кабинетиниң 18.08.2021-жылдағы 527-санлы қарары менен тастыйықланған режеге бола, тәлим кредитин алыў ушын Қаржы министрлигиниң рәсмий веб-сайтында жәрияланған коммерциялық банклерге төмендеги ҳүжжетлер усынылады:

✅ тәлим кредитин алыў ҳаққындағы арза;

✅ студент ҳәм билимлендириў мәкемеси арасындағы төлемли-контракт тийкарында оқыў ҳаққындағы төлемли-контракт шәртнамасы. (Шәртнамада оқыўды жуўмақлаўдың белгиленген мүддети ҳәм бир жыл ушын төлем муғдары көрсетилген болыўы керек);

✅ тәлим кредити қайтарылыўының тәмийнаты бойынша ҳүжжет. («Социаллық қорғаўдың бирден-бир реестри»не кирген шаңарақлардың перзентлерине ажыратылатуғын тәлим кредити бойынша гиреў ҳәм кепиллик талап етилмейди);

✅ «Социаллық қорғаўдың бирден-бир реестри»не киргизилген шаңарақлардың перзентлери ушын усы реестрге киргенлигин тастыйықлаўшы мағлыўматнама;

✅ Жоқарыдағы реестрге кирмейтуғынлар ушын биргеликте кредит алыўшы (Кепил)ға тийисли мағлыўмат ҳәм ҳүжжетлер.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Президент қарары менен исбилерменликти қоллап-қуўатлаў бойынша бир қатар жеңилликлер берилген

Усы жылдың 8-август күни Қарақалпақстан Республикасын раўажландырыў ҳәм исбилерменликти қоллап-қуўатлаў бойынша Президентимиздиң және бир тарийхый ПП-129-санлы «Қарақалпақстан Республикасында исбилерменлерге қолайлы шараятлар жаратыўға тийисли қосымша ис-илажлар ҳаққында»ғы пәрманы қабыл етилген еди.

Пәрман менен Тиклениў ҳәм раўажланыў фонды тәрепинен Қарақалпақстан Республикасында ислеп шығарыўды кеңейтиў бойынша инвестициялық жойбарларды қаржыландырыў мақсетинде 100 млн. АҚШ доллары ажыратылды. Усы қаржылар шеңберинде:

Коммерциялық банклер тәрепинен инвестиция жойбаларын қаржыландырыў ушын сырт ел валютасында 5 процент, миллий валютада 12 процент болған жыллық ставкаларда 10 жыл мүддетке шекем 5 жыллық жеңилликли дәўир менен Орайлық банктиң тийкарғы ставкасынан жоқары болмаған муғдарда кредитлер ажыратылды. Бунда коммерциялық банктиң маржасы сырт ел валютадағы кредитлер бойынша 1 процент, миллий валютадағы кредитлер бойынша 2 процент муғдарында белгиленди.

Инвестициялар, санаат ҳәм саўда министрлиги тәрепинен 2024-жыл жуўмағына шекем жаңа жойбарларды қаржыландырыў жумысларын шөлкемлестириў мақсетинде халықаралық қаржы институтларынан қосымша 200 миллион АҚШ доллар муғдарында кредит қаржылары тартылыўы белгиленди.

Қарақалпақстан Республикасында бизнес орталығын еле де жақсылаў мақсетинде исбилерменлик субъектлериниң жойбарларына Исбилерменликти қоллап-қуўатлаў мәмлекетлик фонды тәрепинен, инвестиция жойбарларын қаржыландырыў ҳәмде айланба қаржыларын қәлиплестириў мақсетлерине миллий ҳәм сырт ел валютасында ажыратылатуғын кредит муғдарының 75 процентине шекем, бирақ, 5 млрд сумнан аспаған муғдарда кепиллик бериледи.

Киши ҳәмде жаслар санаат ҳәм исбилерменлик зоналарында инвестиция миннетлемелерин орынлаған исбилерменлерге жер участкаларын, имарат ҳәм объектлерди меншиклестирип бериў тәртиби белгиленеди.

Аймақта ғалабалық саўдаларда турған мәмлекетлик мүлк объектлери 3 ай мүддетте сатылмағанда оларды электрон таңлаў тийкарында ең жақсы усыныс билдирген талабанға инвестиция киргизиў миннетлемеси менен бериў тәртиби енгизиледи.

2023-2024-жылларда Нөкис қаласында 1 млн АҚШ доллары, қалған районларда 300 мың АҚШ доллары муғдарында инвестиция киргизиў миннетлемеси менен жойбар басламашыларына Министрлер Кеңеси қарары тийкарында жер участкаларын туўрыдан-туўры узақ мүддетли ижара ҳуқықы менен бериў системасы енгизиледи.

Қарақалпақстан Республикасы, ўәлаятлар ҳәм Ташкент қаласындағы саўда, улыўмалық аўқатланыў бағдарындағы ҳәм автомобильлерге жанылғы қуйыў ҳәм электр қуўатландырыў шақапшалары жумысын шөлкемлестирген киши исбилерменлик субъектлерине қуяш панеллерин сатып алыў ҳәм орнатыў ушын ажыратылып атырған кредитлерге белгиленген муғдар ҳәм шәртлер шеңберинде компенсация усынылады.

Орайлық банк тәрепинен 2024-жылдан баслап ҳәр жылы коммерциялық банклерге Қарақалпақстан ушын шаңарақлық исбилерменликти раўажландырыў бағдарламалары шеңберинде кеминде 2 трлн. сум қаржылары ажыратылады.

- Шаңарақлық исбилерменликти раўажландырыў бағдарламалары шеңберинде жаңадан шөлкемлестирилген, есап бетинде қаржы жетерли дәрежеде айланбаған исбилерменлик субъектлерине, қаржылық қоллап-қуўатлаў ушын гиреў тәмийнатынан келип шығып, базалық есаплаў муғдарының 100 есесине шекемги болған муғдарда;

- жасларды кәсип-өнерге үйретиў ҳәмде ислеп шығарыў процесиндеги кәнигелерди қайта таярлаў, билим ҳәм потенциалын арттырыў мақсетинде олардың сырт мәмлекетлерде билим алыўы ушын 4 жыллық жеңилликли дәўир менен 10 жыл мүддетке Орайлық банктиң тийкарғы ставкасынан аспаған муғдарда кредит қаржылары ажыратылыўы системасы енгизиледи.

Хожели районындағы 100 гектар жер майданында «Жаслар социаллық-экономикалық орайы» шөлкемлестириледи.
Жаслар орайында белгиленген объектлерди қурыў ушын Өзбекстан Республикасы республика бюджети қаржылары есабынан 2023-2027-жыллар даўамында 10 жыл мүддетте қайтарыў шәрти менен 1 трлн сум муғдарында ссуда қаржылары ажыратылады.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Өзбекстан Республикасы Президентиниң 2022-жыл 25-октябрь күнги ПҚ-408-санлы қарарына тийкар, Тахтакөпир районы аймағында халықтың турмыс шараятын жақсылаў мақсетинде 2022-2023-жылларда бир қатар қурылыс-оңлаў жумыслары әмелге асрылды

Ишки жолларды қум-щебеньли қапламаға өткериў бойынша:

«Атакөл» АПЖ аймағында 2,2 км;
«Дәўир» МПЖ аймағында 1,6 км;
«Айдын жол» МПЖ аймағында 5,86 км жол оңланды.

Ишимлик суў тәмийнатын жақсылаў бойынша:

«Дәўқара» АПЖ аймағында 1,8 км;
«Мүлик» АПЖ аймағында 1,6 км;
«Даўыт сай» МПЖ аймағында 1,4 км;
«Қоңыраткөл» АПЖ аймағында 7,9 км;
«А.Адилов» аймағында 3,3 км суў тармағын тартыў;
«Атакөл» АПЖ аймағында суўды душшыландырыўшы станциясын жаңадан қурыў;
«Қоңыраткөл» АПЖ аймағында суўды душшыландырыўшы станциясын реконструкциялаў.

Көпир қурылысы бойынша;

«А.Адилов» АПЖ аймағындағы «Жылўан жап» каналындағы көпирди қайта қурыў жумыслары толығы менен жуўмақланып, пайдаланыўға тапсырылды.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

⚡️“Эл-юрт умиди” қоры 2023-жылғы 2-ашық стипендия таңлаўын жәриялады

Қор тәрепинен раўажланған сырт ел мәмлекетлериниң абыройлы университетлери ҳәм илимий орайларында бакалавриат, магистратура ҳәм докторантурада тәлим алыў ушын:

🔵бакалавриат тәлим бағдарламасы ушын 22 орын;

🔵магистратура тәлим бағдарламасы ушын 193 орын;

🔵докторантура тәлим бағдарламасы ушын 130 орынға стипендиялар ажыратылады.

📩 Стипендия таңлаўына талабанлардың ҳүжжетлерин қабыллаў усы жылдың 10-октябринен
10-ноябрь сәнесине шекем, республиканың бәрше аймақлары ўәкиллери ушын бирден-бир тәртип ҳәм тең имканият тийкарында қабыл етиледи.

Таңлаў менен байланыслы бәрше мағлыўматлар “Эл-юрт умиди” қорының www.eyuf.uz сайты арқалы берип барылады.

Талабанлар ушын керекли мағлыўматлар Қордың Онлайн ҳүжжет тапсырыў платформасында толық берилген https://admission.eyuf.uz.

Қосымша сораўларға жуўапларды (71 203 14 41, 71 203 00 47, 71 203 00 48, 71 203 00 53) телефон номери ямаса Қордың https://t.iss.one/EYUF_Admission_2023bot рәсмий бот каналы сондай-ақ, [email protected] электрон почта мәнзили арқалы алыўыңыз мүмкин.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

#Дыққат_вакансия

⚡️Президент жанындағы Мәмлекетлик хызметин раўажландырыў агентлиги Қарақалпақстан Республикасы филиалы мәмлекетлик уйым ҳәм шөлкемлер менен биргеликте төмендеги вакант лаўазымларға ашық таңлаў жәриялайды.

🔷Денсаўлықты сақлаў министрлиги:

▫️ Медициналық жәрдемди шөлкемлестириў бөлими жетекши қәнигеси.

🔷 Аўыл хожалығы министрлиги:

▫️ Нөкис районы Аўыл хожалығы бөлими: Баслықтың жер, суў, аўыл хожалығында экономикалық реформалар, азық-аўқат қәўипсизлиги ҳәм агротехнология мәселелери бойынша орынбасары;

▫️ Беруний районы Аўыл хожалығы бөлими: жер дүзиў ҳәм мониторинг секторы жетекши қәнигеси;

▫️ Шоманай районы Аўыл хожалығы бөлими: жер дүзиў ҳәм мониторинг секторы жетекши қәнигеси;

▫️ Шоманай районы Аўыл хожалығы бөлими: жер дүзиў ҳәм мониторинг секторы жетекши қәнигеси.

🔹Жаслар ислери агентлиги Қарақалпақстан Республикасы басқармасы:

▫️ Қоңырат районлық бөлими: “Раўшан” АПЖда жаслар жетекшиси;

▫️ Қоңырат районлық бөлими: “Көкдәрья” АПЖда жаслар жетекшиси;

▫️ Қанлыкөл районлық бөлими: “Қанлыкөл” АПЖда жаслар жетекшиси;

▫️ Беруний районлық бөлими: “Дўстлик” АПЖда жаслар жетекшиси.

🔷 Қурылыс ҳәм үй-жай коммунал хожалығы министрлиги:

▫️ Бозатаў районы қурылыс ҳәм үй-жай коммунал хожалығы бөлими баслығы.

🔷 Суў хожалығы министрлиги:

▫️ Әмиўдәрья районы ирригация бөлими баслығы.

❗️Aрзалар 15.10.2023-жыл саат 23:59 ға шекем қабыл етиледи.

➖ Ҳүжжетлерди электрон жибериў тәртиби бойынша видеоқолланба.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter