Жоқарғы Кеңес Баслығы республикамыздағы мектеп директорлары менен ушырасты

Қарақалпақстан Республикасы Жоқарғы Кеңесиниң Баслығы Аманбай Орынбаев билимлендириў тараўын раўажландырыў бағдарында әмелге асырылып атырған жумыслар ҳәм бул бағдарда жол қойылып атырған кемшиликлер әтирапында пикирлесиў, сондай-ақ, орынлардағы мектеплер басшыларының пикир-усынысларын тыңлаў мақсетинде республикамыз аймағындағы мектеп директорлары менен ушырасты. 

Атап өтилгениндей, соңғы жыллары билимлендириў системасын жаңаша раўажландырыўға, муғаллимлердиң жəмийеттеги абырайын арттырыўға, оларды руўхый ҳəм материаллық қоллап-қуўатлаўға, жасларды ҳәр тәреплеме билимли етип тәрбиялаўға айрықша итибар қаратылмақта.

Соңғы бес жылдың ишинде улыўма билим бериў мектеплери саны 706 дан 722 ге артып, питкериўшилердиң жоқары оқыў орынларына кириў көрсеткиши 14,2 процентен 41,8 процентке жеткерилди. Қәбилетли жасларымызды оқытыў системасын еле де жетилистириў мақсетинде  аймағымызда Президент билимлендириў мәкемелери агентлиги системасындағы 18 қәнигелестирилген мектеп ҳәм мектеп-интернатлары шөлкемлестирилди.

Өткерилген ушырасыўда жаратылып берилип атырған усыншама имканиятларға қарамай, тараўда шешимин күтип турған бир қатар машқалалар да бар екенлиги айрықша тилге алынды, айырым мәселелер сын көз-қараста талқыланды.

Буннан соң мектеп директорлары өзлериниң пикир-усынысларын билдирди.

Ҳәр бир көтерилген мәселе белгилеп алынып, шешимин табыў бойынша барлық зәрүрли илажлар көрилетуғынлығы атап өтилди.

Ашық-айдын пикирлесиў түринде болып өткен ушырасыўда тараўды раўажландырыў ҳәм бар болған машқалаларды шешиў бағдарында ўазыйпалар белгилеп алынды.

Толық мағлыўмат


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

https://joqargikenes.uz/19250.html
Өзбекстан Президенти Орайлық Азия мәмлекетлери арасындағы келешектеги бирге ислесиў перспективалары бойынша бир қатар усынысларды алға қойды

Өзбекстан Республикасы Президенти Шавкат Мирзиёев Тәжикстан Республикасы Президенти Эмомали Раҳмонның мирәт етиўине бола 14-сентябрь күни әмелий сапар менен усы мәмлекетке келди.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter