Баспасөз ҳәм ғалаба хабар қураллары хызметкерлери күни кең түрде белгиленди

Бердақ атындағы Қарақалпақ мәмлекетлик академиялық музыкалы театрында «27-июнь – Баспасөз ҳәм ғалаба хабар қураллары хызметкерлери күни» мүнәсибети менен байрам салтанаты болып өтти.

Онда Жоқарғы Кеңес Баслығы Аманбай Орынбаев шығып сөйлеп, бүгинги байрам мүнәсибети менен қутлықлады.

Соңғы жыллары ҳүрметли Президентимиздиң басшылығында сөз еркинлигин тәмийинлеў, ғалаба хабар қуралларын ҳәр тәреплеме қоллап-қуўатлаў, тараў пидайыларын мүнәсип хошаметлеў, әмелге асырылып атырған реформаларды халық арасында кеңнен үгит-нәсиятлаў бағдарында кең көлемли жумыслар әмелге асырылмақта.

Атап өтиў керек, быйылғы жылдың өзинде 661 млн. сумлық қаржы есабынан Қарақалпақстан радиосына радио толқынларын узатыў антенналары сатып алынбақта. Бүгинниң өзинде 2 млрд. 339 млн. сумлық қаржы есабынан Қарақалпақстан телевидениесиниң материаллық-техникалық базасын жəне де беккемлеў ушын қосымша имканият жаратылмақта. 757 млн. сумнан аслам қаржы ажыратылып, “Баспасөз үйи” имаратында “Медиа-орай” шөлкемлестирилмекте.

Республикалық газета-журналларды қоллап-қуўатлаў мақсетинде 2 млрд. 119 млн.сум қаржы ажыратылды. 12-июньнен баслап санлы телеузатқыш арқалы Тахтакөпир, Қараөзек ҳəм Шымбай районлары халқы жергиликли мəмлекетлик емес телеканалларды, яғный, “Әмиўдəрья ТВ”, “Жаслар ТВ” ҳəм “Елликқала ТВ” телеканалларын тест режиминде көриў имканиятына ийе болмақта. Сондай-ақ, “Нөкис ФМ” радио-эфири көлемин кеңейтиў мақсетинде Тахтакөпир радио-телевизион станциясына 500 ватлы радиоузатқыш ҳəм антенна қурылмалары орнатылды.

Дөретиўшилердиң кәсиплик байрамы мүнәсибети менен «Ардақлы нураний», «Ўатан пидайысы» көкирек белгилери, өзлериниң юбилей сәнелерин белгилеп атырған газета-журналлар редакцияларына, телеведение ҳәм радио жәмәәтлерине компьютерлер, Ҳүрмет жарлықлары менен баҳалы саўғалар тапсырылды.

Толық мағлыўмат

Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Мәҳәллелердеги белсенди ҳаяллар менен жақыннан пикирлесилди

Қарақалпақстан Республикасы Жоқарғы Кеңесиниң Баслығы Аманбай Орынбаев Хожели районының белсенди ҳаяллары менен ушырасты.

Онда бүгинги күнде елимизде әмелге асырылып атырған социаллық-экономикалық ҳəм жəмийетлик-сиясий реформаларда ҳаял-қызлардың тутқан орнының артып баратырғаны, олардың турмыс абаданлығын тәмийинлеў бағдарында бар мүмкиншиликлер жаратылып атырғаны айрықша тилге алынды.

Атап өтиў керек, соңғы жыллары ҳаял-қызларға деген айрықша итибар ҳəм ғамхорлықлар нəтийжесинде елимизде олар ушын барлық шараятлар, көплеген имканиятлар жаратылып берилмекте. Бул мүмкиншиликлер негизинде шаңарақ уйытқысы болған ҳаяллардың бүгинги турмысынан разылығын тәмийинлеў баслы мақсет етип алынған. 

Буннан тысқары, пуқараларымыздың, соның ишинде ҳаял-қызларымыздың турмысында ушырасып атырған қыйыншылықларды шешиў бойынша бир қатар қарар ҳәм пәрманлар қабыл етилди. Исбилерменликти раўажландырыў бойынша тарийхый 213-санлы Пәрман, мәҳәллелердеги машқалаларды шешиў бойынша инфраструктураны жақсылаў бағдарында 408-санлы қарар, жәрдемге мүтәж болған шаңарақлардың турақ-жайларын оңлаў бойынша 52-санлы қарар, буннан тысқары және бир неше нызам ҳүжжетлери қабыл етилди. Усы тийкарда ҳаял-қызларымыз дусласып атырған қатар мәселелер өз шешимин таўып атыр.

Өткерилген ушырасыўда мине усындай бир қатар жаратылған имканиятлар, соның менен бирге, тынышлығымыздың қәдирине жетиў, өз-ара аўызбиршиликти, миллетлер аралық татыўлықты тәмийинлеў ҳәр қыйлы жат идеяларға берилмеў сыяқлы әҳмийетли мәселелер атап өтилди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Нөкис районыныӊ белсенди ҳаяллары менен жақыннан пикир алмасылды

Қарақалпақстан Республикасы Жоқарғы Кеӊесиниӊ Баслығы Аманбай Орынбаев Нөкис районыныӊ белсенди ҳаяллары менен ушырасты.

Айтып өтиў орынлы, ҳаял-қызлардыӊ бүгинги күнде жәмийетимизде тутқан ролин арттырыў бағдарында әмелге асырылып атырған жумыслар тийкарында олар ҳәр бир тараўда өзлериниӊ белсендилигин, мийнетсүйгиш ҳәм өз жумысына жуўапкершилик, пидайылық пенен қарайтуғынлығын көрсетип атыр.

Айтып өтиў керек, ҳаял-қызларды қоллап-қуўатлаў бағдарында көплеген әмелий жумыслар турмыста өз сәўлесин таўып атыр.

Атап өтетуғын болсақ, 2022-жыл 31-августтағы Президентимиздиң 213-санлы тарийхый Пәрманы қабыл етилди. Усы Пәрман тийкарында жаратылған имканиятлар нәтийжесинде мәҳәллелерде мийирбийкелик қәнигелиги бойынша оқыўды тамамлаған ҳәмде ҳәзирги ўақытта жумыссыз болған ҳаял-қызлардың қәнигелигин арттырыў арқалы олардың бәнтлигин тәмийинлеў белгиленди, жас исбилерменлерге өндирис ҳәм хызмет көрсетиў ушын зәрүр әсбап-үскенелер сатып алыў мақсетинде 7 жыл мүддетке қарыз қаржылары ажыратылатуғын болды, исбилерменлер ушын салық жеңилликлери, тек қарақалпақстанлы жаслар ушын Ташкент қаласындағы ҳәм барлық ўәлаятлардағы жоқары оқыў орынларына қосымша квоталар ажыратылыўы сыяқлы бир қатар жеңилликлер берилди. 

Жаратып берилген имканиятларды және бир неше қарарлар тийкарында даўам еттирсек болады. Еӊ баслысы, усы пәрман ҳәм қарарлар негизинде ҳаял-қызлар ушын көплеген имканиятлар жаратып берилмекте.

Мәжилисте усы сыяқлы қатар жеӊилликлер атап өтилип, бүгинги күнде елимиздиӊ раўажланыўы жолында бийбаҳа байлығымыз есапланған тынышлығымызды сақлаў, аўызбиршилигимизди беккемлеў, дослық ҳәм татыўлықты тәмийинлеў керек екенлиги айрықша тилге алынды.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Ҳаял-қызларға жаратылған имканиятлар кеӊ түрде атап өтилди

Бүгинги күнде елимизде ҳаял-қызларды қоллап-қуўатлаў, оларға бар мүмкиншиликлерди жаратып бериў бойынша бир қатар әмелий жумыслар әмелге асырылып атырған болып, бул бағдарда көплеген ҳаял-қызлар өзлерине жаратып берилген шараятлардан нәтийжели пайдаланып атыр.
 
Бүгин Қарақалпақстан Республикасы Жоқарғы Кеӊесиниӊ Баслығы Аманбай Орынбаев Кегейли ҳәм Бозатаў районларыныӊ белсенди ҳаяллары менен ушырасты.

Онда елимизде ҳаял-қызлар ушын қолайлы шараятларды жаратыў бағдарында әмелге асырылып атырған илажлар, режелестирилген ўазыйпалар ҳаққында сөз етилди.

Айтып өтиў керек, ҳаял-қызларға ғамқорлық көрсетиў ҳәм қоллап-қуўатлаў бағдарында бир қатар жәрдемлер берилмекте. Бир ғана быйылғы жылдыӊ өзинде 195 мыӊ 325 ҳаял-қызлар онколиялық скринингтен, 5 448 нураный аналарымыз тереңлестирилген медициналық тексериўден өткерилди, бир қатар нураный аналарымыз зәрүр дәри-дәрмақ, азық-аўқат, кийим-кеншеклер менен тәмийинленди. Буннан тысқары, нураный аналарымыздың санаторияларда саўалландырылды, майыплығы бар болған ҳаял-қызлар ҳәм жас өспиримлер реабилитация үскенелери менен тәмийинленди.

Булардан тысқары, социаллық қоллап-қуўатлаўға мүтәж ҳаял-қызлардың, жас өспиримлердиң операция ҳәм емлениўи ушын Шаңарақ ҳәм ҳаял-қызлар мәмлекетлик мақсетли фонды тәрепинен зәрүр қаржылар ажыратылды. 
Әлбетте, булардың барлығы ҳаял-қызларға қаратылып атырған айрықша итибардың әмелий көриниси болып табылады.

Ушырасыўда усы сыяқлы бир қатар әҳмийетли мәселелер әтирапында сөз барды. Соның менен бирге, ушырасыў даўамында жәмийетимизде аўызбиршиликти сақлаў, татыўлықты беккемлеў, миллетлер аралық дослықты тәмийинлеў мәселелери де айрықша тилге алынды.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter