Ҳаял-қызлардың бүгинги турмысынан разылығын тәмийинлеў жолында әмелге асырылып атырған жумыслар еле де даўам еттириледи

Қарақалпақстан Республикасы Жоқарғы Кеңесиниң Баслығы Аманбай Орынбаев Қанлыкөл районының белсенди ҳаяллары менен ушырасты.

Елимизде әмелге асырылып атырған реформалар нәтийжесинде ҳаял-қызларды қоллап-қуўатлаў бойынша бир қатар ҳуқықый ҳүжжетлер қабыл етилген болып, усы тийкарда оларға исбилерменлик бағдары бойынша көплеген жеңилликлер берилген. Билимлендириў, мәденият, денсаўлықты сақлаў ҳәм басқа да тараўлардағы, сондай-ақ, жәрдемге мүтәж ҳаял-қызларды материаллық, руўхый жақтан қоллап-қуўатлаў бойынша да нәтийжели жумыслар әмелге асырылмақта.

Айтып өтиў орынлы, ҳаял-қызлардың жәмийет турмысында әҳмийетли өзгерислер ҳәм жүз берип атырған жаңаланыўларда үлеси салмақлы болмақта.

Олардың машқалаларына шешим табыў бағдарында ҳаял-қызлар менен ислесиў бойынша жаңа система жаратылды ҳәмде ҳәр бир мәҳәлледе ҳаял-қызлар белсендилери өз жумысларын баслады. Мәҳәллелердеги ҳаял-қызлар белсендилериниң усыныслары тийкарында бүгинги күнде 41 түрдеги жәрдемлер көрсетилиў әмелиятқа енгизилген.

Булардың барлығы шаңарағымыздың уйытқысы, үйимиздиң пайызы, жәмийетимиздиң гүлтажы есапланған ҳаял-қызлардың бүгинги турмысынан разылығы жолында әмелге асырылмақта.

Сондай-ақ, жәмийетимиздеги турақлылықты тәмийинлеў бойынша халқымызға тән кеңпейиллилик пенен миллетлер аралық татыўлықты тәмийинлеў, дослық ҳәм татыўлықты еле де беккемлеў мәселелери сөз етилди.

Өз орнында район белсенди ҳаяллары елимизде алып барылып атырған әдил сиясаттан миннетдар екенликлерин билдирди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Жоқарғы Кеңес Баслығы Тақыятас районының белсенди ҳаяллары менен ушырасты

Қарақалпақстан Республикасы Жоқарғы Кеңесиниң Баслығы Аманбай Орынбаев Тақыятас районының белсенди ҳаяллары менен ушырасты.

Ушырасыўда бүгинги күнде ҳаял-қызларды қоллап-қуўатлаў бағдарындағы әмелге асырылып атырған жумыслар, қабыл етилген Қарар ҳәм Пәрманлар тийкарында халқымыз, соның ишинде ҳаял-қызларға жаратылған көплеген имканиятлар, олдардың жәмийиетимиздеги ролин арттырыў бойынша жумыслар ҳәм басқа да бир қатар әҳмийетли мәселелер ҳаққында сөз етилди.

Сондай-ақ, ушырасыў даўамында шаңарақлардағы аўызбиршиликти сақлаў, мәҳәллелерде татыўлықты тәмийинлеў, жәмийиетимизде инсанийлық, меҳир-мүриўбет, бир-бирине ғамхорлық көрсетиў, миллетлер аралық дослықты сақлаўда ҳаял-қызлардың тутқан орнының айрықша екенлиги атап өтилди.

Атап өтиў керек, сонғы жыллары ҳаял-қызларды қоллап-қуўатлаў, олардың жәмийиетимизде белсендилигин арттырыў бағдарында бир қатар әҳмийетли ўазыйпалар әмелге асырылмақта. "Ҳаяллар дәптери", "Темир дәптер", "Жаслар дәптери" тийкарында оларға ҳәр тәреплеме жәрдемлер көрсетилип атыр. Президентимиз тәрепинен қабыл етилип атырған Қарар ҳәм Пәрманлар тийкарында ҳаял-қызлардың билим алыўы ушын шараят жаратыў, социаллық жағдайын жақсылаў, кәсип-өнерге бағдарлаў, олардың бәнтлигин тәмийинлеў бойынша кең көлемли жумыслар даўам еттирилмекте.

Соның менен бирге районда алып барылып атырған көлемли қурылыс ҳәм абаданластырыў жумыслары жөнинде сөз етилди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Баспасөз ҳәм ғалаба хабар қураллары хызметкерлери күни кең түрде белгиленди

Бердақ атындағы Қарақалпақ мәмлекетлик академиялық музыкалы театрында «27-июнь – Баспасөз ҳәм ғалаба хабар қураллары хызметкерлери күни» мүнәсибети менен байрам салтанаты болып өтти.

Онда Жоқарғы Кеңес Баслығы Аманбай Орынбаев шығып сөйлеп, бүгинги байрам мүнәсибети менен қутлықлады.

Соңғы жыллары ҳүрметли Президентимиздиң басшылығында сөз еркинлигин тәмийинлеў, ғалаба хабар қуралларын ҳәр тәреплеме қоллап-қуўатлаў, тараў пидайыларын мүнәсип хошаметлеў, әмелге асырылып атырған реформаларды халық арасында кеңнен үгит-нәсиятлаў бағдарында кең көлемли жумыслар әмелге асырылмақта.

Атап өтиў керек, быйылғы жылдың өзинде 661 млн. сумлық қаржы есабынан Қарақалпақстан радиосына радио толқынларын узатыў антенналары сатып алынбақта. Бүгинниң өзинде 2 млрд. 339 млн. сумлық қаржы есабынан Қарақалпақстан телевидениесиниң материаллық-техникалық базасын жəне де беккемлеў ушын қосымша имканият жаратылмақта. 757 млн. сумнан аслам қаржы ажыратылып, “Баспасөз үйи” имаратында “Медиа-орай” шөлкемлестирилмекте.

Республикалық газета-журналларды қоллап-қуўатлаў мақсетинде 2 млрд. 119 млн.сум қаржы ажыратылды. 12-июньнен баслап санлы телеузатқыш арқалы Тахтакөпир, Қараөзек ҳəм Шымбай районлары халқы жергиликли мəмлекетлик емес телеканалларды, яғный, “Әмиўдəрья ТВ”, “Жаслар ТВ” ҳəм “Елликқала ТВ” телеканалларын тест режиминде көриў имканиятына ийе болмақта. Сондай-ақ, “Нөкис ФМ” радио-эфири көлемин кеңейтиў мақсетинде Тахтакөпир радио-телевизион станциясына 500 ватлы радиоузатқыш ҳəм антенна қурылмалары орнатылды.

Дөретиўшилердиң кәсиплик байрамы мүнәсибети менен «Ардақлы нураний», «Ўатан пидайысы» көкирек белгилери, өзлериниң юбилей сәнелерин белгилеп атырған газета-журналлар редакцияларына, телеведение ҳәм радио жәмәәтлерине компьютерлер, Ҳүрмет жарлықлары менен баҳалы саўғалар тапсырылды.

Толық мағлыўмат

Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter