Қарар орынланыўы тәмийинленип, пуқаралардың машқалалары өз шешимин таўып атыр

Өзбекстан Республикасы Президентиниң 2022-жыл 25-октябрьдеги «2022-2023-жылларда мәҳәллелер инфраструктурасын еле де жақсылаў бойынша қосымша ис-илажлар ҳаққында»ғы ПҚ-408-санлы қарары тийкарында Қарақалпақстан Республикасы аймағында бир қатар қурылыс-оңлаў ҳәм абаданластырыў жумыслары алып барылыўы режелестирилген.

Режеде белгилеп алынған жумыслар шеңберинде қала ҳәм районларда жумыслар баслап жиберилип, бүгинги күнде де қызғын даўам етпекте.

Қарар орынланыўын тәмийинлеў ҳәм пуқаралардың турмысында ушырасып атырған машқалаларды шешиў бойынша Кегейли районында бир қатар ўазыйпалар белгилеп алынып, соннан, ишки хожалық жолларын оңлаў бойынша 6 мәкан пуқаралар жыйыны ҳәм 1 аўыл пуқаралар жыйыны аймағындағы 8,5 км топырақ жолларға 1,8 млрд. сумлық қум-щебень араласпасын төсеў белгиленген еди.

Бүгинги күнге келип жойбар-сметада белгиленген 8 км жолларда ЩПС төселди ҳәм белгиленген реже жуўмақланыў алдында тур.

Ўзб – Рус


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Президент қарары тийкарында мәҳәллелерди абат етиў бойынша жумыслар даўам етпекте

Өзбекстан Республикасы Президенти Ш. Мирзиёевтиң 2022-жыл 25-октябрьдеги «2022-2023-жылларда мәҳәллелер инфраструктурасын еле де жақсылаў бойынша қосымша ис-илажлар ҳаққында»ғы 408-санлы қарары тийкарында Қараөзек районында бир қатар унамлы жумыслар әмелге асырылмақта.

Қарар тийкарында район бойынша 5 мәҳәлледе 5 жойбарды әмелге асырыў ушын 6,6 млрд. сумлық қурылыс оңлаў жумысларын алып барыў белгиленген. Бүгинги күнде 3,4 млрд. сумлық қурылыс жумыслары жуўмақланған.

Соннан, 3 жойбарда 2,8 млрд сумлық 11,6 км ишки хожалық жолларын оңлаў режеде белгиленип, бүгинги күнге шекем 1,4 млрд сумлық 6,7 км топырақ жолларға қум-щебень араласпасын төсеў жумыслары жуўмақланды.

Суў объектлери бойынша 1 жойбарда 2,9 млрд сумлық 5 км суў тармағын тартыў ҳәм суўды душшыландырыўшы станциясын қурыў белгиленип, ҳәзирги күнде 1,2 млрд. сумлық жумыс көлеми орынланған ҳәм 4,2 км суў тармағы жаңадан тартылған. Суўды душшыландырыўшы станцияда қурылыс жумыслары даўам етпекте.

Бир ғана Есимөзек аўыл пуқаралар жыйыны мысалында алатуғын болсақ, 2400 ден аслам халық жасаўшы аймақ «Абат аўыл» мәмлекетлик бағдарламасына киргизилип, бул тийкарда көплеген жумыслар әмелге асырылды.

Атап айтқанда, көшелер оңланып, оларға жақтыландырыўшы шырақлар орнатылды. Жаңадан 160 орынлық балалар бақшасы қурылып, 11-санлы улыўма орта билим бериў мектебинде реконструкция жумыслары жүргизилди. Электр линиялары жаңадан тартылып, жаңа трансформаторлар қурып берилди.

Сондай-ақ, өткен жылы жыйын орайында бурын жабылып қалған шаңарақлық шыпакерлик пункти қайтадан ашылып, өз жумысын баслады. АПЖ орайы, Аталық ҳәм Қошқарбай елатлы пунктлери тәбийғый газге қайта жалғанды. 3 елатлы пунктке киши суўды душшыландырыўшы станциялар қурып берилди. Соның менен бирге ишки жолларда оңлаў жумыслары даўам етпекте.

Толық мағлыўмат—Ўзб—Рус


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Абат ҳәм пайызлы мәҳәлле елимиз көрки

Соңғы жылларда республикамыздың ең шетки аўылларының социаллық инфраструктураларын жақсылаў бойынша көплеген әмелий жумыслар орынланып атыр.

Бул бойынша ҳүрметли Президентимиздиң бир неше арнаўлы қарар ҳәм пәрманлары қабыл етилип, турмысқа еңгизилмекте.

Мәселен, Өзбекстан Республикасы Президенти Ш.Мирзиёевтиң бир ғана 2022-жыл 25-октябрьдеги «2022-2023-жылларда мәҳәллелер инфраструктурасын еле де жақсылаў бойынша қосымша ис-илажлар ҳаққында»ғы 408-санлы қарары тийкарында Қарақалпақстан Республикасында көлемли қурылыс ҳәм абаданластырыў жумыслары әмелге асырылды.

Усы қарар шеңберинде Беруний районында 28 мәҳәлледе 21,7 млрд сумлық 31 жойбар әмелге асырылыўы белгиленген болып, бүгинги күнде 10,9 млрд. сумлық жумыслар орынланды.

Соннан, 72 км ишки хожалық жолларын оңлаў бойынша 20 жойбарда 15,5 млрд. сумлық жумыс көлеми орынланыўы белгиленген болса, ҳәзирги ўақытта 6,5 млрд сумлық 45,3 км жолларда қурылыс жумыслары жуўмақланды.

3 жойбар шеңберинде 2 объектте 8,2 км суў тармағын тартыў, 1 объектте суўды душшыландырыўшы станция қурылысы әмелге асырылыўы режелестирилген болып, әмелде 1,7 млрд сумлық жумыс көлеми орынланды ҳәм 4 км ишимлик суў тармағы жаңадан тартылды.

Толық мағлыўмат


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter