Үйрениўлер даўамында айырым орынларда абаданластырыў ҳәм тазалық жумыслары талап дәрежесинде емес екенлиги анықланды

Бүгин Қарақалпақстан Республикасы Жоқарғы Кеңесиниң Баслығы Аманбай Орынбаевтиң тапсырмасы менен Нөкис районы аймағындағы көп қабатлы турақ жайлардың әтирапларының тазалығы, орынлардың абаданластырыў жағдайлары үйренип шығылған еди.

Айтып өтиў орынлы, барлық орынларда да бул бағдардағы жумыслар қанаатландырарлы дәрежеде емес.

«Ақмаӊғыт» посёлкалық пуқаралар жыйынында 22 көп қабатлы турақ-жайлар бар болып, бул турақ-жайларда 364 хожалық жасайды. Көп қабатлы турақ-жайлардың әтирапында жыйналған шығындыларды алып кетиўге Нөкис районы «Таза худуд» мәмлекетлик унитар кәрханасы хызмет етип келмекте. Тилекке қарсы бул көп қабатлы турақ жай әтираплары оғада ашынарлы жағдайда. Басқа орынды айтпаяқ Нөкис районы ҳәкимлиги әтираплары да шығындылар, түрли от-шөплер менен толып, районда абаданластырыў жумысларына итибардың қандай дәрежеде екенлигин көрсетип турыпты.

Тазалыққа итибар қаратыў, үй алдыларын, әтирап-аймақларын азада сақлаў әсирлер даўамында халқымыздың күнделикли турмысы менен сыбайлас бүгинги күнге шекем жетип келген. Бирақ, хәзирги ўақытта айырым мекеме, шөлкемлер менен бирге пуқараларымыз өзлериниң үй алдыларына да итибар қаратпай, я бир түп терек екпей, я шығындыларын тазаламай көше мәденияты, санитар-гигиена талапларын бузып атырғанлығы да сыр емес.

Ҳәзирги ўақытта мәмлекетимизде мәҳәлле ҳәм аймақларды абат етиў бойынша қаншама жумыслар әмелге асырылып атыр. Усы ийгиликли жумысларға ҳәр бир пуқара ҳәр бир исбилермен, ҳәр бир мәкеме-шөлкем биргеликте аяқ қосса мақсетке муўапық болар еди. «Абатлық кеўилден басланады» дегениндей, кеўлимиз абатлығы әтирап-аймағымызда да өз сәўлесин тапса нур үстине нур болады.

Толық мағлыўмат


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Жоқарғы Кеңес Баслығы басшылығында гезектеги кеңейтилген аппарат мәжилиси өткерилди

Өткерилген мәжилисте қала ҳәм район ҳәкимликлери, министрлик ҳәм басқарыў уйымлары тәрепинен белгиленген тапсырмалардың орынланыўы ҳәм алдағы әмелге асырылыўы тийис ўазыйпалар талқыланды.

Мәжилис күн тәртибинде дәслеп бюджетке қосымша түсимлерди тәмийинлеў бағдарында алып барылып атырған жумысларға арналған мәселе қарап шығылды. Бул бағдарда Салық басқармасы тәрепинен орынланып атырған жумыслар қанаатландырарсыз дәрежеде екенлиги сынға алынды.

Соның менен бирге, мәмлекетлик бағдарламалар, елимизде әмелге асырылып атырған қурылыс-оңлаў жумыслары, социаллық объектлер қурылысы ҳәм абаданластырыў жумыслары, олардың бүгинги күндеги барысы бойынша мәселелер қарап шығылды.

Буннан тысқары, мәжилис даўамында «Жасыл мәкан» улыўма миллий жойбары бойынша әмелге асырылып атырған жумысларда жол қойылып атырған қәте-кемшиликлер сынға алынып, жуўапкерлер ескертилди.

Соның менен бирге, бүгинги күнде айырым орынларда улыўма билим бериў мектеплери ҳәм мектепке шекемги билимлендириў мәкемелериндеги балаларға берилип атырған азық-аўқат өнимлериниң сапасы менен байланыслы тексериў жумысларын алып барыў бойынша тапсырма берилди.

Мәжилис жуўмағында барлық тараў басшыларына тийисли тапсырмалар берилип, анық ўазыйпалар белгилеп алынды.

Толық мағлыўмат


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Президент қарарына тийкарында Мойнақ районы халқының турмысы абат болмақта

Өзбекстан Республикасы Президентиниӊ 2022-жыл 25-октябрь күнги “2022-2023-жылларда мәҳәллелер инфраструктурасын еле де жақсылаў бойынша қосымша ис-илажлар ҳаққында”ғы 408-санлы қарары тийкарында Мойнақ районындағы 5 мәҳәлледе қурылыс-оңлаў ҳәм абаданластырыў жумыслары алып барылыўы белгиленген.

Соннан «Қызылжар» АПЖ ҳәм «Дослық» МПЖларындағы ишки хожалық жолларын оңлаў ҳәм түнги жақтыландырыў шырақларын орнатыў жумыслары толық жуўмақланды. Ҳәзирги ўақытта «Таллы өзек» МПЖ аймағына балалар майданшасы ҳәм «Жайҳун» МПЖ аймағында жасыл қапламалы киши футбол майданшасын қурыў жумыслары даўам етпекте.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Жоқарғы Кеңес Баслығы Абаданластырыў хызметкерлери менен ушырасып, мақтанышлы ҳәм машақатлы мийнетлери ушын миннетдаршылық билдирди

Қарақалпақстан Республикасы Жоқарғы Кеңесиниң Баслығы Аманбай Орынбаевтың Нөкис қаласындағы Абаданластырыў басқармасы хызметкерлери менен ушырасыўы болып өтти.

Онда Жоқарғы Кеңес Баслығы Нөкис қаласында әмелге асырылып атырған кең көлемли қурылыс-оңлаў ҳәм абаданластырыў жумысларын әмелге асырыў, қаламыз тазалығын ҳәм мәҳәллелердиң абаданлығын тәмийинлеўда тараў пидайылыраның хызметлериниң айрықша екенлигин атап өтти.

Өткерилген ушырасыўда Нөкис қаласының тазалығын сақлаў ҳәм абаданластырыў жумысларын алып барыўды еле де жетилистириў мақсетинде Жоқарғы Кеңес Баслығы бир қатар тараў хызметкерлерине арнаўлы техникалардың гилтлерин, жаңа хызмет формалары менен бирге баҳалы саўғаларды тапсырды.

Толық мағлыўмат


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter