Газден пайдаланыў қағыйдаларын билиў ҳәм оларға қатаң әмел етиў арқалы өзиңиз, жақынларыңыз ҳәм мал-мүлкиңизге зыян жетиўиниң алдын алың!


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Кеўил билдириў

Усы жылдыӊ 1-февраль күни жәмийетлик ғайраткер Бердах Айтмуратов 56 жасында қайтыс болды.

Бердах Айтмуратов 1966-жылы Нөкис қаласында туўылған. Мийнет жолы даўамында халық хожалығының түрли тараўларында жемисли мийнет етти.

Өзиниң мийнет жолын әпиўайы инженер-механик болып жумыс ислеўден баслаған болса, буннан соң бир неше жуўапкершиликли жумысларды атқарды.

Ол қайсы лаўазымда ислесе де, өзин мийнетсүйгиш, терең билимли, истиң көзин билетуғын шебер шөлкемлестириўши сыпатында таныта билди ҳәм халқымыз арасында үлкен ҳүрмет-иззетке ийе болды.

Өмириниң ақырына шекем Өзбекстан Республикасы товар шийки зат биржасы Қарақалпақстан филиалы басқарыўшысы лаўазымында халқымызға хызмет етти.

Бердах Айтмуратовтың жарқын естелиги халық ийгилиги ушын аянбай мийнет еткен қәдирли инсан, жәмийетлик ғайраткер сыпатында халқымыздың ядында узақ сақланып қалады.


Қарақалпақстан Республикасы Жоқарғы Кеңеси

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Газден пайдаланыў қағыйдаларын билиў ҳәм оларға қатаң әмел етиў керек!

Газ шығып турыўының себеплери:

Горелкадағы өртти қадағалаўсыз қалдырыў ақыбетинде оның үстине суйықлық түсиўи ҳәм самал тәсиринде өшип қалыўы;
Газ қубырларына жип байлаў ҳәм оған жуўылған кийимлерди жайыў;
Ислеп турған газ үскенелерин қараўсыз қалдырыў;
Газ плитасынан ысытыў ушын пайдаланыў.

Газ ийисин сезип қалғанда:

От жақпаң;
Тез газды өшириң, айналарды ашың;
Жарытыўшы ҳәм басқа электр үскенелерин жақпаң яки жанық болса өширмең;
Газленген үйден шығып кетиң ҳәм 104 номерине қоңыраў етип, авария хызмети қәнигелерин шақырың.

Сиз усы қағыйдаларға әмел етиў менен өзиңиз ҳәм жақынларыңызды жүзеге келиўи мүмкин болған кеўилсиз жағдайлардан қорғаған боласыз!


Айрықша жағдайлар басқармасы


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Қарақалпақ мәмлекетлик университети студенти «Жыл студенти – 2022» таңлаўының жеңимпазы болды

Усы жылдың 24-25-январ күнлери Zoom платформасы арқалы, жоқары оқыў орынларының студентлери арасында өткерилген «Жыл студенти -2022» көргизбели таңлаўының жуўмақлаўшы басқышы болып өтти.

Жети жөнелис бойынша өткерилген таңлаўдың «Жылдың ең белсенди дөретиўши студенти» номинациясы бойынша Бердақ атындағы Қарақалпақ мәмлекетлик университетиниң Қарақалпақ филологиясы ҳәм журналистика факултети 4-курс студенти Дилафруз Облоқулова сыйлы 1-орынды жеңип алды.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Өзбекстан Республикасы Президентиниң 2022-жыл 31-августь сәнесиндеги «Қарақалпақстан Республикасында исбилерменлик, инновациялық технологиялар ҳәм инфраструктураны жедел пәтлерде раўажландырыў арқалы халықтың абаданлығын арттырыўдың қосымша илажлары ҳаққында»ғы ПП-213-санлы Пәрманының әҳмийети.

Пәрманның 7-бәнтине тийкар Қарақалпақстан Республикасында халықтың турмыс шараятын және де жақсылаў ҳәм республикадағы социаллық машқалаларды шешиў ҳәм аўыр шәраятлы аймақларды қоллап-қуўатлаўға бағдарлаў мақсетинде 2022-жыл 3-шеректен баслап 2024-жыл жуўмағына дейин ҳәр шерек жуўмағы менен қосымша қун салығы бойынша дәраматлар прогнозының асырып орынланған бөлеги, толық Қарақалпақстан Республикасы ықтыярында қалдырылмақта.

Нәтийжеде жылына 50,0 млрд.сумнан аслам қаржылар Қарақалпақстан Республикасы бюджетинде қалдырылады.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter