Yangiobod tumanida aholini toza ichimlik suviga boʼlgan ehtiyoji qondirilmoqdami

Batafsil👉 https://goo.su/PpxC7wq

3-dekabr – Xalqaro nogironlar kuni munosabati bilan Jizzax shahrida tadbir tashkil qilindi

Jizzax shahrining “Yakkasaroy” tantanalar majmuasida boʻlib oʻtgan tadbirda, viloyatimizda istiqomat qilib kelayotgan imkoniyati sheklangan fuqarolar, nogironligi boʻlgan shaxslar, faollar hamda ijtimoiy soha vakillari ishtirok etishdi.

Tadbirni Jizzax viloyati hokimining jamoat va diniy tashkilotlar bilan aloqalar boʻyicha oʻrinbosari Latibjon Ahmadjonov ochib berdi.

Taʼkidlanishicha, bugungi kunda Jizzax viloyatida 38 776 nafar nogironligi boʻlgan shaxslar mavjud boʻlib, shundan
8 427 nafari nogironligi boʻlgan bolalarni tashkil etadi.
Joriy yilning oʻtgan 10 oyi davomida 1 211 nafar nogironligi boʻlgan shaxslarga “Nogironligi boʻlgan shaxslarni reabilitatsiya qilish va prtezlash markazida” davolanishlari uchun imtiyozli order berildi, 245 ta nogironlik aravachalari tarqatildi, 456 nafar nogironligi boʻlgan shaxslar reabilitatsiya qilishning texnik vositalari bilan, 466 nafari esa protez-ortopediya mahsulotlari bilan taʼminlandi.

Bundan tashqari, imkoniyati cheklangan hamda nogironligi boʻlgan shaxslarga alohida eʼtibor qaratilmoqda.
Shuni alohida aytish mumkinki, nogironligi boʻlgan shaxslar parolimpiya va Oʻzbekiston boʻylab oʻtkazilgan musobaqalarda faol ishtirok etib, 44 ta medallar sohibi boʻlishdi. 

Shu bilan birgalikda, Jizzax shahrida Oʻzbekiston Koʻzi ojijlar jamiyati Jizzax viloyat boʻlimi binosi va maxsus kutubxonasi tashkil qilingan. Kutubxonada kitobxonlarning axborot manbalaridan toʻliq va erkin foydalanishlari uchun barcha sharoitlar yaratilgan.

Bunday hayrli islohotlar yil yakuniga qadar va kelgusi yillarda ham tizimli ravishda davom ettiriladi.