Xalq deputatlari Jizzax viloyat kengashi kotibiyati mudiri ishtirokida matbuot anjumani oʻtkazildi

Xalq deputatlari Jizzax viloyat Kengashi kotibiyati mudiri, Korrupsiyaga qarshi kurashish hududiy kengashi kotibi Nodira Karimova ishtirokida viloyat hokimligi Axborot xizmati media markazida matbuot anjumani oʻtkazildi.

Matbuot anjumanini viloyat hokimligi Axborot xizmati rahbari – viloyat hokimining matbuot kotibi Akmal Binokulov ochib berdi.

Shundan soʻng, Xalq deputatlari Jizzax viloyat Kengashi kotibiyati mudiri, Korrupsiyaga qarshi kurashish hududiy kengashi kotibi Nodira Karimova faoliyat toʻgʻrisida toʻxtalib oʻtdi.

Bugungi kunda Xalq deputatlari viloyat Kengashida 56 nafar deputat (18 nafari, yaʼni 31,1 foizi ayollar), tuman (shahar) Kengashlarida 323 nafar deputatlar (74 nafari, yaʼni 22,9 foizi ayollar) faoliyat yuritadi.

Oʻtgan davr mobaynida Xalq deputatlari viloyat, tuman (shahar) Kengashlari tomonidan jami 101 ta sessiyalar oʻtkazilgan boʻlib, 1637 ta masalalar muhokama etilgan.

Shundan xalq deputatlari viloyat Kengashining 6 ta sessiyasi oʻtkazilib, 155 ta masalalar muhokama qilingan boʻlsa, xalq deputatlari tuman (shahar) Kengashlarining 95 ta sessiyasi oʻtkazilib, 1482 ta masalalar muhokama qilingan.

Xalq deputatlari viloyat Kengashi kotibiyati tomonidan mahalliy Kengashlar, doimiy komissiyalar va deputatlar faoliyatining kelgusidagi faoliyati samaradorligini yanada oshirish maqsadida chora-tadbirlar belgilab olingan.

Matbuot anjumani yakunida ishtirokchilar oʻzlarini qiziqtirgan savollarga javob olishdi.

Аssalomu alaykum Jizzax ahli boshlanayotgan kun xayrli boʼlsin

Bugun 1-dekabr Qishning birinchi kuni, juma yilning 335-kuni yil yakuniga 30 kun qoldi

KUN TARIXI

1237 yilda mo'g'ullarning Batu qo'shini Rossiyaga bostirib kirdi.

1640-yilda ispan hukmdorlari zulmiga qarshi portugal xalqining koʻplab qoʻzgʻolonlaridan soʻng Portugaliya Ispaniyadan oʻz mustaqilligini tiklay oldi.

1800 yilda Vashington AQSh poytaxti maqomini oldi.

1848 yilda Rossiyaning Sankt-Peterburg ko'chalarida birinchi pochta qutilari o'rnatildi.

1891 yilda amerikalik jismoniy tarbiya o'qituvchisi Jeyms Neysmit basketbol sportini ixtiro qildi.

1959 yilda Antarktika shartnomasi tuzildi, unga ko'ra Antarktidadan har qanday harbiy maqsadlarda foydalanish taqiqlanadi.

BUGUN TAVALLUD TOPGANLAR

1761 yilda frantsuz haykaltaroshi va Londondagi mum muzeyining asoschisi Ann Mari Tyusso tug'ilgan.

1935-yilda amerikalik kinorejissyor, yozuvchi, aktyor va prodyuser Vudi Allen dunyoga keldi.

1959 yilda sovet va rus rok musiqachisi, shoir, aktyor, rejissyor, bastakor Garik Sukachev tug'ilgan.