Jizzaxda “Halqaro bagʻrikenglik kuni” nishonlandi

“Insonga eʼtibor va sifatli taʼlim yili”da amalga oshirishga oid davlat dasturi toʻgʻrisida”gi Farmon bilan tasdiqlangan Davlat Dasturiga asosan 16-noyabr - Xalqro bagʻrikenglik kuniga bagʻishlab barcha hududlarda “Bagʻrikenglik xaftaligi”ni oʻtkazish belgilangan boʻlib, Jizzaxda millatlararo totuvlik, diniy bagʻrikenglik va xalqaro doʻstlikni targʻib etuvchi maʼdaniy – maʼrifiy tadbirlar oʻtkazildi.

Tadbir doirasida “Oʻzbekiston – bagʻrikeng diyor” nomi ostida “Yoshlar shaharchasi” majmuasida turli millat vakillari ishtirokida konsert tomoshalari, xalq amaliy sanʼati koʻrgazmalari, rassomlar, xunarmandlar, yozuvchi shoirlar asarlari koʻrgazmalari, xalq oʻyinlari tashkil etildi.

“Milliy anʼana va udumlar”, “Milliy qoʻshiq va raqslar” koʻrik-tanlovlari, “Mening bagʻrikeng dunyoim” mavzusida “Eng yaxshi rasm” koʻrik - tanlovi, “Bagʻrikenglik mening nazlimda” mavzularida “Eng yaxshi insho” koʻrik-tanlovi hamda “Biz bir mamlakatda yashayotgan yagona xalqmiz” mavzusida ilmiy-amaliy va maʼrifiy tadbirlar tashkil etildi.

Shuningdek, turli millat yozuvchilari, shoirlari hamda olimlarining asarlari va tadqiqot ishlari, milliy madaniy markazlar vakillari tomonidan nashr etilgan adabiyotlardan iborat “Kitobxonlik bizni birlashtiradi” nomli hamda qardosh xalqlar yozuvchi va shoirlari asarlaridan iborat kitoblar koʻrgazmasi va viloyatda yashovchi millatlarning betakror madaniyati, sanʼati, urf-odatlari, anʼanalarini aks ettiruvchi yuqori sinf oʻquvchilari va talabalar ishtirokida
“Doʻstlik jamiyatlari: kecha va bugun” nomli qardosh xalqlar rassomlarining asarlari va fotolar koʻrgazmalari ishtirokchilarda iliq taassurot qoldirdi.

Viloyat musiqali drama teatrida tashkil etilgan tadbirda viloyat hokimi oʻrinbosari Latibjon Axmadjonov ishtirok etib, barchani bayram bilan samimiy tabrikladi.

Tadbirda faol boʻlganlar eʼtirof etilib, taqdirlanishdi va yakunda konsert dasturi namoyish etildi.