Ijtimoiy himoya milliy agentligining Jizzax viloyati boshqarmasiga yangi rahbar tayinlandi

Jizzax viloyati hokimligi Bolalarni himoya qilish masalalari kotibiyati mudiri lavozimida ishlab kelgan Mavlanova Nargiza Eshqo'ziyevna O‘zbekiston Respublikasi Prezidenti huzuridagi Ijtimoiy himoya milliy agentligining Jizzax viloyati boshqarmasi boshlig‘i lavozimiga tayinlandi.

Joriy yilning 1-iyun sanasida aholini ijtimoiy himoya qilish va ijtimoiy xizmatlar ko‘rsatish sohasidagi yagona davlat siyosatini ishlab chiqish va amalga oshirish bo‘yicha O‘zbekiston Respublikasi Prezidenti huzuridagi Ijtimoiy himoya milliy agentligi tashkil qilingan edi.

Bugun viloyat hokimiligida bo‘lib o‘tgan yig‘ilishda Jizzax viloyati hokimi Ergash Saliyev yangi tashkil etilgan boshqarma haqida ma’lumot berib o‘tdi.

Shundan so‘ng, O‘zbekiston Respublikasi Prezidenti huzuridagi Ijtimoiy himoya milliy agentligi direktori o‘rinbosari Jamshid Abruyev agentlikning viloyat boshqarmasi boshlig‘ini tanishtirib, vazifalari haqida tushuncha berdi.