Фориш тоғ полигонида маҳаллий ҳокимият органи раҳбарлари учун такшил этилган йиғин якунланди

Марказий ҳарбий округининг “Фориш” тоғ полигонида Жиззах ва Самарқанд вилоятлари ҳокимлари, туманлар (шаҳарлар) ҳокимлари ҳамда уларнинг ўринбосарлари, хўжалик бирлашмалари ва ташкилотлар раҳбарлари иштирокида йиғин бошланганди.

Беш кун давом этган йиғин жараёнларда давлат бошқарув органлари раҳбарлари жаҳон ва минтақадаги ҳарбий-сиёсий вазият бўйича таҳлилий маълумотлар, Қуролли Кучларни ривожлантиришда ҳарбий-маъмурий секторларнинг фаолияти ва роли билан танишиб, ҳарбий алоқа, биринчи тиббий ёрдам кўрсатиш, спорт ҳамда отиш тайёргарликларидан ўтишди.

Иштирокчилар фақат ҳарбий машғулотлар билан чекланиб қолмай, турли спорт ўйинларида қатнашди.

Марказий ҳарбий округ қўмондонлиги ва кўп йиллик тажрибага эга бўлган ҳарбий хизматчилар томонидан ўтказилган ҳар бир машғулот қатнашчиларнинг мазкур соҳани пухта ўзлаштиришларида муҳим ўрин тутди. Улар учун маҳорат дарслари ўтилиб, амалий машқлар 9 миллиметрли макаров пистолети, АК-74 калашников, пулемёт, СВД каби автоматларида олиб борилди.

Йиғин иштирокчиларининг машғулотлар жараёнини Мудофаа вазири ўринбосари полковник Қодирдон Турсунов ва икки вилоятнинг раҳбарлари бевосита кузатиш билан бирга ўзлари ҳам қатнашишди.

Шунингдек, йиғин иштирокчиларига жанговар ва зирхли техникаларнинг бошқарилиши, экипажлар жойлашуви, қўлланиладиган қурол ва қурилмалари ҳақида маъуломтлар берилди. Шундан сўнг, йиғин қатнашчилари ушбу техникаларда маълум бир масофани босиб ўтдилар.

Йиғиннинг сўнги куни тантанали тадбир ташкил этилиб, унда беш кунлик йиғин, ортирилган тажриба ва кўникмалар сарҳисоб қилинди.

Иштирокчиларга сафарбарлик йиғинини тўлиқ ўтаганлик бўйича сертификат, энг фаол қатнашчиларга эса Мудофаа вазирлиги ва округ қўмондонлишининг фахрий ёрлиғи, эсдалик нишонлари ва спорт мусобақларида ғолиб бўлган жамоаларга кубоклар тантанали топширилди.