#Studentler_báhári
#Jańa_Ózbekstan_jaslar_mámleketi
#NMPI

NMPIde “Úsh áwlad ushırasıwı” bolıp ótti

Búgin, 1-iyun kúninen baslap respublikamız boylap Jaslar agentligi Qaraqalpaqstan Respublikası basqarması tárepinen barlıq joqarı oqıw orınlarında “Jańa Ózbekstan jasları, birleseyik!” súreni tiykarında “Studentler báhári” hám “Jańa Ózbekstan – jaslar mámleketi” festivalı baslandı.

Festival sheńberinde Ájiniyaz atındaǵı Nókis mámleketlik pedagogikalıq institutında “Úsh áwlad ushırasıwı” bolıp ótti.

Onda student-jaslar Ózbekstan Respublikasına xızmet kórsetken jurnalist, shayır Altıngúl Óteniyazova, Qaraqalpaqstan Respublikasına xızmet kórsetken artist Bayram Perdebaev, Ózbekstan hám Qaraqalpaqstan Jazıwshılar awqamınıń aǵzası, jas shayır Allayar Dármenovlar menen ushırasıp, olardıń dóretiwshilik jolı, shıǵarmaları haqqında sáwbetlesti.

📲Telegram | Instagram | You Tube | Facebook

#Studentler_báhári
#Jańa_Ózbekstan_jaslar_mámleketi
#NMPI
#Xalıqaralıq_balalardı_qorǵaw_kúni

Festivalda balalar da itibardan shette qalmadı

Ájiniyaz atındaǵı Nókis mámleketlik pedagogikalıq institutı jaslar awqamı hám studentler keńesi jetekshileri «Jańa Ózbekstan jasları, birleseyik!» súreni tiykarında ótkerilip atırǵan «Studentler báhári» hám «Jańa Ózbekstan – jaslar mámleketi» festivalı sheńberinde, sonday-aq, 1-iyun – Xalıqaralıq balalardı qorǵaw kúni múnásibeti menen Qaraqalpaqstan Respublikası Kóp tarmaqlı balalar medicinalıq reabilitaciyalıq orayında bolıp, bul jerdegi balalarǵa bayram sawǵaların tapsırdı.

Studentler balalar menen sáwbetlesip, birgelikte hár qıylı oyın-zawıqlar ótkerdi.

Festival sheńberindegi ilajlar dawam etpekte.

📲Telegram | Instagram | You Tube | Facebook

#Studentler_báhári
#Jańa_Ózbekstan_jaslar_mámleketi
#NMPI

⏳Fakultet studentleri arasında «Zakovat Quiz» intellektual oyını ótkerildi

Ájiniyaz atındaǵı Nókis mámleketlik pedagogikalıq institutında «Jańa Ózbekstan jasları, birleseyik!» súreni tiykarında ótkerilip atırǵan «Studentler báhári» hám «Jańa Ózbekstan – jaslar mámleketi» festivalı sheńberinde fakultetler arasında «Zakovat Quiz» intellektual oyını bolıp ótti.

Oǵan barlıq fakultetlerden studentler komandalarǵa bólingen halda qatnastı.

Oǵada qızıqlı hám kútilmegen jaǵdaylarǵa tolı bolıp ótken oyın juwmaǵında

🥇1-orın – Shet tilleri fakulteti;
🥈2-orın – Tariyx fakulteti;
🥉3-orın – Baslawısh tálim fakulteti studentlerine nesip etti.

Jeńimpaz hám sıylı orın iyeleri institut rektoratı hám kásiplik awqamı komiteti tárepinen sıylıqlandı.

📲Telegram | Instagram | You Tube | Facebook

#Jasları_aylıǵı
#NMPI
#QHZ

🎭"Bilim hám aqıl-sanamız – usı el ushın, usı jurt ushın!" súreni tiykarında ótkerilip atırǵan "Jaslar aylıǵı" sheńberinde Ájiniyaz atındaǵı Nókis mámleketlik pedagogikalıq institutında fakultetler arasında "Quwnaqlar hám ziyrekler" tańlawı ótkerildi.

🔹"BasLayk" atamasındaǵı sálemnama hám "Biatlon" shártlerinen ibarat bolǵan tańlawda ulıwma segiz fakultetten komandalar qatnastı.

🔹Studentlerdiń bos waqtın mazmunlı ótkeriw hám olardıń saxnalıq mádeniyatın arttırıw, quwnaq hám ziyrek studentlerdi anıqlaw hám xoshametlew maqsetinde ótkerilgen tańlaw juwmaǵında:

🥇1-orın – Pedagogika fakultetiniń «Dembermes»;
🥈2-orın – Tariyx fakultetiniń «Wa-ha-ha»;
🥉3-orın – Baslawısh tálim fakultetiniń «Baslawıshtıń juldızları» komandalarına nesip etti.

🎁 Jeńimpazlar shólkemlestiriwshiler diplom hám estelik sawǵaları menen sıylıqlandı hám Pedagogika fakultetiniń "Dembermes" komandasına kóshpeli kubok tapsırıldı.

📲Telegram | Instagram | You Tube | Facebook

#Bes_baslama_olimpiadası
#NMPI

🏆NMPIde «Bes baslama olimpiadası» sheńberinde sport jarısları baslandı

Búgin, 11-sentyabr kúni Ájiniyaz atındaǵı Nókis mámleketlik pedagogikalıq institutında «Bes baslama olimpiadası» sheńberinde sporttıń voleybol, mini futbol hám stol tennisi túrleri boyınsha fakultetler kesiminde jarıslarǵa start berildi.

Ózbekstan Respublikası Prezidentiniń pármanı menen tastıyıqlanǵan 2022-2026-jıllarǵa mólsherlengen Jańa Ózbekstannıń rawajlanıw strategiyasında belgilengen wazıypalardı ámelge asırıw, institut studentlerin sport ilajlarına keńnen tartıw, olar arasında jarıslar shólkemlestiriw, studentlerdiń fizikalıq aktivlik dárejesin arttırıw, instituttaǵı sport sekciyaları hám dógerekleriniń jumısların rawajlandırıwǵa kómeklesiw, studentlerdiń bos waqıtlarında sport penen shuǵıllanıwı ushın sharayat jaratıw maqsetinde ótkerilip atırǵan jarıslarǵa jaslar belsene qatnaspaqta.

📲 Telegram | Instagram | You Tube | Facebook