#Bozataw_rayonı

⚡️Bozatawda hákim járdemshileri hám jaslar jetekshilerine planshetler tapsırıldı

Máhállelerdegi hákim járdemshisiniń tiykarǵı wazıypalarınan biri máhállede isbilermenlikti rawajlandırıw hám puqaralardıń bántligin támiyinlew arqalı kámbaǵallıqtı qısqartıw hám sociallıq qorǵawǵa mútáj shańaraqlardı qollap-quwatlawdan ibarat.

Al, máhálledegi jaslar jetekshilerine bolsa aymaqta "Jaslar balansı»n qáliplestiriw, máhállelerdegi jaslar haqqındaǵı maǵlıwmatlardı «Jaslar dápteri» hám «Jaslar portalı» elektron platformalarına jaylastırıp barıw wazıypaları belgilengen.

Rayon hákimligi tárepinen usı belgilengen lawazım wazıypaları boyınsha jumıs alıp barıwında olarǵa qolaylıqlar jaratıw maqsetinde búgin rayondaǵı 5 awıl hám mákan puqaralar jıyınlarındaǵı hákim járdemshileri hám jaslar jetekshilerine xızmet planshetleri tapsırıldı.

📲 @jaslar_isleri_agentligi

#Bozataw_rayonı

“Hákim hám jaslar” ushırasıwı ótkerildi

Bozataw rayonı “Jaslar orayı” májilisler zalında Bozataw rayonı hákimi K.Allaniyazov rayon jasları menen ushırastı. Ushırasıwda jaslar ózleriniń pikir hám usınısların bildirdi. Ushırasıw sońında “Bes baslama olimpiadası”nıń Qaraqalpaqstan Respublikalıq basqıshında jeńimpaz bolǵan rayon jasları hákimlik tárepinen sıylıqlandı.

📲 Telegram | Instagram | You Tube | Fecebook

#Bozataw_rayonı

⚡️«Pidayı jaslar jetekshisi» anıqlandı.

Bozataw rayonında máhállelerde jumıs alıp barıp atırǵan jaslar jetekshileri arasında «Pidayı jaslar jetekshisi» tańlawı ótkerildi.
Tańlaw juwmaǵında «Qusхanataw» máhállesi jaslar jetekshisi jeńimpaz dep tabıldı hám Respublikalıq basqıshqa jollama aldı.

📲 Telegram | Instagram | You Tube | Fecebook

#Jaslar_aylıǵı
#Bozataw_rayonı

Búgin Bozataw, Moynaq hám Ámiwdárya rayonlarında "Jańa Ózbekstan jasları birleseyik!" uranı astındaǵı festivalǵa start berildi.

✅ Bozataw rayonında "Salamatlıq ushın 5000 qádem" akciyası bolıp ótti.

Biz benen birge qalıń!


📲 Telegram | Instagram | You Tube | Fecebook

#Jaslar_aylıǵı
#Bozataw_rayonı

Bozataw rayonında jaylasqan Jaslar orayı imaratında “Jaslar aylıǵı” sheńberinde hákim hám pitkeriwshi jaslar qatnasıwında ushırasıw bolıp ótti.

Ushırasıwǵa sektor basshıları, rayon aymaǵındaǵı ulıwma orta bilim beriw mektepleriniń pitkeriwshileri hám rayonlıq Kásip-óneri mektebi pitkeriwshi jasları qatnastı.

Ushırasıwdı rayon hákimi K.Allaniyazov ashıp berdi hám jaslardı qutlıqladı, sońınan ulıwma orta bilim beriw mekteplerin jaqsı bahalarǵa pitkergen oqıwshılarǵa altın medallar tapsırıldı, sonday-aq bir qatar belsendi jaslarǵa diplom hám bahalı sawǵalar berildi.

Ótkerilgen ilaj dawamında jáhán hám Ózbekstan chempionatlarında joqarı nátiyjelerge erisken jas sportshılarǵa rayon hákimligi tárepinen tayarlanǵan sawǵalar tapsırıldı.

📲 @jaslar_isleri_agentligi