#Bes_baslama_olimpiadası
#Respublika_basqıshı

📣📣Bizde jáne bir xosh xabar!

🏆“Bes baslama olimpiadası” sheńberinde Jizzax wálayatında sporttıń stol tennisi túrinen “A” ligası boyınsha ótkerilip atırǵan sport jarısında Ámiwdárya rayonı “Bay awıl” máhállesinen Kamalova Marina Ruslanovna 2-orındı iylegen bolsa, Taqıyatas rayonı Keneges máhállesinen Urazbaev Shaxzod Shuxrat ulı sıylı 3-orındı iyeledi.

Jeńimpazlardı barlıq jaslar atınan qutlıqlaymız.💐💐

📲Telegram | Instagram | You Tube | Facebook

#ónermentshilik
#bes_baslama_olimpiadası

⚡️Qońıratlı ónerment qız 100 mln swm jeńip aldı

Ferǵana wálayatında “Bes baslama olimpiadası” sheńberinde “Kásipler tańlawı”nıń ónermentshilik jónelisi boyınsha ótkerilgen tańlawda Qońırat rayonı “Azatlıq” máhállesinen qatnasqan jas ónerment Sarsengalieva Albina sıylı 1-orındı jeńip aldı.

Jeńimpazǵa jeńil instrukciyalı xızmet kórsetiw shaqapshası yamasa islep shıǵarıw cexın shólkemlestiriwi ushın 100 000 000 swmlıq vaucher tapsırıldı.

📲Telegram | Instagram | You Tube | Facebook

#Bes_baslama_olimpiadası
#NMPI

🏆NMPIde «Bes baslama olimpiadası» sheńberinde sport jarısları baslandı

Búgin, 11-sentyabr kúni Ájiniyaz atındaǵı Nókis mámleketlik pedagogikalıq institutında «Bes baslama olimpiadası» sheńberinde sporttıń voleybol, mini futbol hám stol tennisi túrleri boyınsha fakultetler kesiminde jarıslarǵa start berildi.

Ózbekstan Respublikası Prezidentiniń pármanı menen tastıyıqlanǵan 2022-2026-jıllarǵa mólsherlengen Jańa Ózbekstannıń rawajlanıw strategiyasında belgilengen wazıypalardı ámelge asırıw, institut studentlerin sport ilajlarına keńnen tartıw, olar arasında jarıslar shólkemlestiriw, studentlerdiń fizikalıq aktivlik dárejesin arttırıw, instituttaǵı sport sekciyaları hám dógerekleriniń jumısların rawajlandırıwǵa kómeklesiw, studentlerdiń bos waqıtlarında sport penen shuǵıllanıwı ushın sharayat jaratıw maqsetinde ótkerilip atırǵan jarıslarǵa jaslar belsene qatnaspaqta.

📲 Telegram | Instagram | You Tube | Facebook

#Bes_baslama_olimpiadası
#Milliy_gúres
#Máhálle_basqıshı

🤼“Prokuror kubogi” ushın bellesiwler baslandı

Búgin “Bes baslama olimpiadası” sheńberinde búgin Respublikamızdıń barlıq aymaqlarında “Milliy gúres” sport túri boyınsha “Prokuror kubogi” sport jarısı ótkerilmekte.

📍Nókis rayonındaǵı 13 máhállede sport jarısları joqarı dárejede shólkemlestirildi.

📲 Telegram | Instagram | You Tube | Facebook

#Bes_baslama_olimpiadası

Búgin, Taxtakópir rayonı “Ǵárezsizlik” mákan puqaralar jıyını aymaǵında jaylasqan 17-sanlı Balalar muzıka hám kórkem óner mektebinde “Bes baslama olimpiadası”nıń 2-máwsimi sheńberinde “Milliy hám zamanagóy saz atqarıwshılıǵı” tańlawınıń máhálle basqıshı ótkerildi.

Tańlaw 10-15 jas, 16-22 jas hám 23-30 jas kategoriyası boyınsha máhálle jasları arasında bolıp ótti.

📲 Telegram | Instagram | You Tube | Facebook

#Bes_baslama_olimpiadası

Xojeli rayonı “Mádeniyat” mákan puqaralar jıyını aymaǵında jaylasqan “Bárkamal áwlad” orayında Olimpiada sheńberinde “Milliy hám zamanagóy saz atqarıwshılıǵı” tańlawınıń máhálle basqıshı ótkerildi.

Tańlaw 10-15 jas, 16-22 jas hám 23-30 jas kategoriyası boyınsha ótkerilip, jeńimpazlar sektor basqıshına jollama aldı.

📲 Telegram | Instagram | You Tube | Facebook