#bayram_bilan

O‘zbekiston Respublikasi Konstitutsiyasi qabul qilingan kun bilan qutlab, sihat-salomatlik, xonadoningizga tinchlik-xotirjamlik, fayzu baraka tilayman.

Telegram | X

#bayram_bilan

O‘zbekiston Respublikasi Qurolli Kuchlari tashkil etilganining 33 yilligi hamda Vatan himoyachilari kuni bilan tabriklayman!

Telegram | X

#Navoiy_tavalludining_584_yilligi

HAZRAT NAVOIY HAYKALI POYIDA

Men bu joyga minglab keldim, yuzlab keldim,
Ko‘ngil kuyin tinglab keldim, bo‘zlab keldim,
Hazratdan so‘z qarz olib, so‘ng, so‘zlab keldim,
Qaqrab keldim, yonib keldim, muzlab keldim,
Bu dargohga men o‘zimni izlab keldim,
Nigohingiz sel qildi-ku, oh, Navoiy,
So‘z mulkida sulton bobom – shoh Navoiy.

Bobo, deyman, vujudlarim titroq tortib,
To‘zg‘ib yotgan dunyolarga bergan tartib,
Kaftidadir sayyoralar, Mashriq, Mag‘rib,
Hazrat sabab shu tuproqqa mehrim ortib,
Baxtiyorman poylarini ko‘zga surtib,
Kim ul zotga talpinsa gar – yor Navoiy,
Iymondir ham, nomusdir ham or Navoiy.

Ba’zan xursand, ba’zan esa nolib keldim,
Ba’zan nafsga mag‘lub, ba’zan g‘olib keldim,
Gʻazal tinglab, dilga mehr solib keldim,
Eng pokiza tuyg‘ularim olib keldim,
Ul kishiga shogird tushib – tolib keldim,
Shogirdlarin har dam qo‘llar – bog‘ Navoiy,
Zabt etilmas yuksak cho‘qqi, tog‘ Navoiy.

Odam desam, yolg‘on bo‘lgay, farishtadir,
Yeru ko‘kni bog‘lab turgan oq rishtadir,
Hazrat misol pok yashab, pok qarishni bil,
Muborak tut yodlarini – har ishda bil,
Pok nomlarin pok tutgay har qarichni bil,
Qabohatga qarshi turgan – dov Navoiy,
Razolatning yo‘lin to‘sar – g‘ov Navoiy.

Kel, nabiram, desa, bir bor boqib qo‘ysa,
Gʻayrat qilgin, deb, yelkamga qoqib qo‘ysa,
Nazar tashlab qalbimga o‘t yoqib qo‘ysa,
Yoshim daryo, qani unda oqib bo‘lsa,
Avliyo zot har onimdan voqif bo‘lsa,
Madad bo‘ling, yo, Hazratim – yo, Navoiy,
Olam butun – bor ekanki to Navoiy.

Etagidan mahkam tutib o‘tingayman,
Nazaridan qolmay deya yutingayman,
Ul siymoga sodiq navkar tutingayman,
Bir qarasam, to‘zg‘ib yotgan tutundayman,
Ismin aytsam, boshdan oyoq butundayman,
Quyosh yang‘liq ziyo sochar – nur Navoiy,
Ikki dunyo bahosi yo‘q – dur Navoiy.

Baxtimiz shu – o‘zbek bo‘lib tug‘ilganmiz,
Yulduzlarga narvon qo‘yib, tug‘ ilganmiz,
Dushman kelsa ko‘kragiga tig‘ ilganmiz,
Butun millat bir musht bo‘lib tugilganmiz,
Bor olamda Navoiy deb o‘qilganmiz –
El degandan, yurt degandan shod Navoiy,
Qaytib jahon ko‘rmas shunday zot – Navoiy!

Jo‘rabek Jahon

Telegram | X

#tabrik

Sizni qutlugʻ bayram, shukuhli ayyom 8-mart “Nafosat va go‘zallik” bayrami bilan chin qalbimdan, samimiy muborakbod etaman.

Sizga sihat-salomatlik, oilaviy baxt, xonadoningizga fayzu baraka, shu bilan birga, goʻzallik va latofat hamisha hamrohingiz boʻlishini tilayman.

Barcha niyatlaringiz roʻyobga chiqib, soʻraganingizdan ortigʻini, kutganingizdan ziyodasini, oʻylaganingizdan aʼlosini bersin.

Telegram | X

#tabrik

Bugun bepoyon Vatanimizning voha va vodiylari, shahar va qishloqlari, bog‘ va maydonlarida el-yurtimiz katta shod-u xurramlik bilan Navro‘z sayillarini o‘tkazmoqda.

Qalblarimiz quvonchga to‘lib turgan ushbu dilbar lahzalarda Sizni sharqona Yangi yilimiz - Navro’zi olam bilan chin dildan samimiy tabriklayman.

Navro’z ayyomi Sizga va xonadoningizga, el-yurtimizga tinchlik va baxt-saodat, yaxshilik va to’kin-sochinlik olib kelsin.

Bahor kayfiyati va Navro’z quvonchi doimo hamrohingiz bo’lsin.

Sharqona yangi yilimiz muborak bo‘lsin!
Navro‘zi olamning qadami qutlug‘ kelsin!

Telegram | X

#Ramazon_hayiti_bilan

Qadrli dindoshim, muqaddas Ramazon hayiti bayrami bilan chin qalbdan tabriklayman.

Ushbu muborak oyda bajargan ibodatlaringiz, ezgu niyatlaringiz, xolisona duolaringiz ijobat bo‘lsin.

Ezgu ishlarimiz va intilishlarimizda Yaratganning O‘zi hamisha madadkor bo‘lsin!

Telegram | X