☑️​​Barchani qiziqtirgan savollar!

Ma‘lumotlar qachon rasman tasdiqlanadi?

1. Bu yil nechta fandan imtihon bo‘ladi? Vaqt juda oz qoldi, abituriyent qaysi fandan imtihonga tayyorlansin? Tayyorlansinmi yoki yo‘qmi? DTM haligacha “rejalashtirilmoqda” demoqda! Rasman tasdiqlanish muddati yana qancha vaqt oladi. Vaqt esa juda oz qoldi? Bu holatda eng katta bosim abituriyentga bo‘ladi!

2. Bu yil bir vaqtda nechta universitetga hujjat topshirish mumkin? 2020/2021 o‘quv yilidab boshlab 6 ta oliygohga hujjat topshirish mumkin deyishgandi! Lekin bu ham aniq emas! Rasman tasdiqlanmadi!

3. CEFR bo‘yicha ham aniq, uzil kesil axborot berilishi kerak. Sababi, CEFRdan 2018 yil 5.0 olgan abituriyent bilan 2019 yilda IELTSdan 5.0 ball olgan abituriyent uchun 2 xil qarash mavjud. Bittasiga maksimum ball beriladi, ikkinchiga yo‘q! Adolat buzilmayaptimi?

4. Bir nechta oliygohga topshirilganda, fanlar ketma-ketligi mos bo'lishi kerakmi? Bu savol ham haligacha ochiq turibdi.

Xullas, barcha gumonlarga barham berish uchun rasmiy ma‘lumotni tezkorlik bilan berishsa yaxshi bo‘lar edi! Abituriyent ham tinch uxlasin uyqusida 😁

Yana o‘sha savol, Ma‘lumotlar qachon rasman tasdiqlanadi?

Manba | #Abituriyent_onlayn

➥Barchaga yuboramiz➪︎
https://t.iss.one/joinchat/AAAAAEqdgz9bZOF2EA4iLg

Она тили ва адабиёт фанидан намунавий тест топшириқлари

#abituriyent

Мазкур фандан Миллий тест тизими бўйича синовлар апрель ойининг биринчи ўн кунлигида бўлиб ўтади.


👉 @xushnudbek 👈

Математика фанидан намунавий тест топшириқлари

#abituriyent

Мазкур фандан тест синовлари апрель ойининг биринчи ўн кунлигида бўлиб ўтади.

Математика фанидан рус тилидаги намунавий саволларни мана бу саҳифадан олишингиз мумкин.


👉 @xushnudbek 👈

​Фанлар мажмуасига оид фикрлар

#abituriyent

Бугун жорий йилги тест синовларида тушадиган саволлар бўйича фанлар мажмуаси эълон қилинди. Энг аввало таъкидлаш жоизки, агар хотирам панд бермаётган бўлса, яқин 10 йилда фанлар мажмуаси энг эрта эълон қилинди. Аввалги йилларда ҳар доим фанлар мажмуаси жуда кеч, имтиҳонга саноқли вақт қолганда маълум қилинар, бу эса абитуриентларга катта муаммоларни келтириб чиқарар эди. Масалан, ўтган йили 24 июнда эълон қилинганди.

Бу ҳақда илгари ҳам кўп гапирганмиз, ниҳоят масъуллар тўғри хулоса чиқаришаётгани қувонарли ҳолат. Лекин гап келганда айтиш керак, март ойи ҳам кеч аслида. Менимча, фанлар мажмуаси ўқув йили бошида, яъни сентябрь-октябрь ойларида эълон қилиниши керак. Шунда абитуриентлар келгуси йилги тест синовлари учун қайси фанлардан тайёрланишини олдиндан билишади ва шунга қараб кучларни тўғри тақсимлашади.

❗️Фанлар мажмуаси жорий йилда 5 та фандан имтиҳон бўлишини расман тасдиқлади.

Демак, илк маротаба тест синовлари 2 та блокдан иборат бўлади: мажбурий фанлар блоки (3 та фан) ҳамда мутахассислик блоки (2 та фан).

👉 Mажбурий фанлар блоки (барча учун тушади):

Она тили (ўзбек, рус ёки қорақалпоқ тили) - 15 та савол, ҳар бири учун 2.1 баллдан;
Mатематика - 15 та савол, ҳар бири учун 2.1 баллдан;
Ўзбекистон тарихи - 15 та савол, ҳар бири учун 2.1 баллдан.

Жами тўплаш мумкин бўлган балл – 94.5 балл.

👉 Tаълим йўналишига мос мутахассислик блокидаги фанлар (йўналишига қараб ўзгаради):

1-фан - 30 та савол, ҳар бири учун 3.1 баллдан;
2-фан - 30 та савол, ҳар бири учун 3.1 баллдан.

Жами тўплаш мумкин бўлган балл – 186 балл.

👉 балларни ҳисоблаш тизимида ўзгариш бўлмайди, аввал қандай бўлса, шундайлигича қолади. Яъни ҳар бир блокдан тўпланган баллар қўшилиб, умумий баллни ташкил этади ва абитуриентлар мана шу 5 та блокдан тўплаган бали бўйича ўзаро курашади (жорий йил 2та блокнинг умумий бали олинди).

Энг максимал балл 280,5 балл бўлади;

👉 айрим йўналишларда мажбурий блокдаги фан билан махсус блокдаги фан бир хил бўлиб қолиши мумкин. Масалан, математика йўналишига ҳужжат топширган абитуриент мажбурий блокда ҳам, мутахассислик блокида ҳам математика фанидан тест ишлайди. Бу иккаласининг асосий фарқи —мажбурий блокдаги саволларнинг барчаси соддалаштирилган, энг осон даражада бўлади, мутахассислик блокидаги саволлар эса турли мураккабликда (осон, ўртача, қийин) бўлади.

⚡️Қабул квоталари тасдиқланди

#abituriyent

Президентнинг тегишли қарорига биноан, 2021/2022 ўқув йили учун давлат буюртмаси параметрлари:

а) бакалаврлар тайёрлаш бўйича:

кундузги таълим шаклига – 113 530 нафар;
сиртқи таълим шаклига – 37 675 нафар;
кечки таълим шаклига – 6 550 нафар;

б) магистрлар тайёрлаш бўйича – 12 900 нафар;

в) хорижий олий таълим ташкилотлари ва уларнинг филиаллари ҳамда нодавлат олий таълим ташкилотларида давлат гранти асосида кадрлар тайёрлаш бўйича – 500 нафар.

Абитуриентларни рўйхатдан ўтказиш 22 июлга (шу куни ҳам) қадар узайтирилди.

⚡️Абитуриентлар 5 тагача йўналиш танлаши мумкин

#abituriyent

Жорий йилда абитуриентларга худди ўтган йилдагидек тест синови топшириладиган фанлар мажмуаси ҳамда фанлар кетма-кетлиги бир хил бўлган бештагача бакалавриат таълим йўналиши бўйича танловда иштирок этиш ҳуқуқи берилади.

Йўналишлар сонини кўпайтириш ҳақидаги таклифлар жорий йилда тасдиқланмаган.


👉 @xushnudbek 👈

❗️Ижодий имтиҳонга кирадиган абитуриентлар ҳам мажбурий тест топширади

#abituriyent

2021/2022 ўқув йили қабулидан бошлаб:

абитуриентдан алоҳида иқтидор талаб этиладиган бакалавриат таълим йўналишларига ўқишга қабул қилишда касбий (ижодий) имтиҳонлардан сўнг мажбурий учта – она тили (ўзбек, рус ёки қорақалпоқ тили), математика ва Ўзбекистон тарихи фанлари бўйича Давлат тест маркази томонидан тест синовлари ўтказилади.


👉 @xushnudbek 👈

Юридик университетда сиртқи таълим очилди
#abituriyent

Жорий йилда Тошкент давлат юридик университети учун сиртқи таълимга рухсат берилди. Кундузгига 650 та, сиртқи таълимга 300 та квота ажратилди.

Сиртқи таълим учун ҳам ДТМ томонидан тест олинади.

Бундан ташқари кундузги таълимда бешинчи йўналиш ҳам очилди (ўтган йили 4 та эди). Бу дегани абитуриентлар ҳужжат топшираётганда бешала йўналишни ҳам ТДЮУнинг ўзидан танлаши мумкин бўлади. Булар қуйидаги йўналишлар:

— давлат-ҳуқуқий фаолият;
— жиноят-ҳуқуқий фаолият;
— бизнес ҳуқуқи;
— халқаро ҳуқуқ ва қиёсий ҳуқуқшунослик;
— давлат бошқаруви.

Шунингдек, мендаги маълумотларга кўра, Юридик университетда жорий йилдан бошлаб иккинчи мутахассислик ҳам очилар экан.

«Давлат гранти» ҳамда «Давлат гранти ва тўлов-контракт» дегандан қайси бирини танлаш керак?
#abituriyent

Жорий йилда рўйхатдан ўтишда янгилик киритилди. Яъни энди абитуриентлар давлат гранти бўйича устуворликни танласа бўлади.

Хўш, бу ўзи нима дегани?

Қайси бирини танласа яхшироқ?

Тўғри танлов қилишда нималарга эътибор бериш керак?

Шу ва шу каби саволларга овозли хабарда жавоб беришга ҳаракат қилдим.


👉 @xushnudbek 👈

Testda savollarning qiyinlik darajasi qanday bo‘ladi?
#abituriyent

Joriy yilgi test sinovlarida ham avvalgi yillardagi kabi savollarning qiyinlik darajasi quyidagicha taqsimlanadi:

15-25% birinchi darajali savol (oson);
50-70% ikkinchi darajali savol (o‘rtacha):
15-25% uchinchi darajali savol (qiyin).

Misol uchun, mutaxassislik fanidan 30 ta savol berilsa, shundan:

5-8 ta oson;
15-21 ta o‘rtacha;
5-8 ta qiyin savollar bo‘ladi.

❗️Maktab bitiruvchilari hujjat topshirishda shahodatnoma kiritishi shart emas
#abituriyent

Maktab bitiruvchilari bir qator elektron qulayliklardan foydalanishlari mumkin.

Eng avvalo ular maktab shahodatnomasini olish uchun maktabga borishi, qachon berilarkin deb kutishi shart emas. Shunchaki e-shahodatnoma.uz sayti orqali 20-iyun, ya’ni ertadan boshlab shahodatnomani onlayn yuklab olish mumkin. Elektron yuklab olingan shahodatnoma rasmiy hujjat sifatida huquqiy kuchga ega bo’ladi.

Ikkinchidan, bitiruvchi abituriyentlar hujjat topshirayotgan payti maktab shahodatnomasi ma’lumotlarini kiritishi shart emas.

Shahodatnomalar bazasi OTMlarga hujjat topshiriladigan my.uzbmb.uz saytiga integratsiya qilingan. Ya’ni bitiruvchilar o’qishga hujjat topshirish jarayonida pasport ma’lumotlarini kiritsa kifoya, shahodatnoma maʼlumotlari avtomatik tarzda o’zi chiqib keladi.

e-shahodatnoma.uz elektron platformasiga quyidagi umumiy o'rta ta'lim maktablari 11-sinf bitiruvchilarining shahodatnoma ma'lumotlari kiritilgan:

➖ Maktabgacha va maktab ta'limi vazirligi tizimidagi umumiy o'rta ta'lim maktablari;
➖ Prezident maktablari, ijod maktablari va ixtisoslashtirilgan maktablar;
➖ Olimpiya va paralimpiya sport turlariga tayyorlash markazlari;
➖ Nodavlat ta'lim tashkilotlarining 11-sinf bitiruvchilari.

☑️ Ma’lumot uchun: joriy yilda umumta’lim maktablarini 390 mingdan oshiq bitiruvchilar tamomlaydi.

❗️Ehtiyojmand oilalardagi xotin-qizlar uchun tavsiyanoma olishga arizalar qabul qilish boshlandi
#abituriyent

Bugun, 30-maydan boshlab, ehtiyojmand oilalardagi 2 ming nafar xotin-qizlarga qoʻshimcha qabul koʻrsatkichlari doirasida ajratiladigan tavsiyanomalar berish uchun arizalar qabuli boshlandi.

📝 Arizalar xotin-qizlar.uz platformasi orqali elektron shaklda qabul qilinadi.

🗓 Talabgorlarning arizalari 8-iyunga qadar qabul qilinadi.

Arizalar 10-iyunga qadar tuman (shahar) Ishchi guruhlari tomonidan oʻrnatilgan tartibda koʻrib chiqiladi.

Tavsiyanoma elektron shaklida 15-iyunga qadar oʻrnatilgan tartibda oʻz egalariga yetkaziladi.

‼️BU MUHIM: bu tavsiyanoma hech qanaqa ball qo‘shib bermaydi‼️

Ko‘pchilik tavsiyanoma olsam 4% ball qo‘shiladi, deb xato tushunadi.

Ikkinchidan, xotin-qizlar tavsiyanomasi bor abituriyentlar 100% o‘qishga kiradi, degani emas. Buning uchun yetarli ball ham olish kerak edi. Batafsil mana bu yerda tushuntirilgan:
https://t.iss.one/xushnudbek/20045

Tavsiyanoma olgan xotin-qizlar uchun 2023-yilgi o‘tish bali bu yerda:
https://t.iss.one/xushnudbek/20881

❗️Shuningdek, mutaxassisligi bo‘yicha kamida 5 yil mehnat staji mavjud oliy ma’lumotga ega bo‘lmagan xotin-qizlar 500 ta kvota uchun joriy yilning 1-iyuniga qadar (shu kuni ham) ariza bilan yashash joyidagi tuman (shahar) Ishchi guruhlariga murojaat etishlari lozim. Bu haqda batafsil bu yerda:
https://t.iss.one/xushnudbek/23772

Bu ikkita tavsiyanoma boshqa-boshqa bo’lib, bir kishi ikkala tavsiyanomani ham olishi mumkin.

‼️Yangilangan fanlar majmuasi tasdiqlandi. O'zgarishlar bor
#abituriyent

2024/2025-o‘quv yili uchun bakalavriat ta’lim yo‘nalishlari maqbullashtirilib, ularga mos test sinovi (kasbiy (ijodiy) imtihon) topshiriladigan fanlar majmuasi qayta tasdiqlandi.

5-iyundan boshlangan qabulda faqat fanlar majmuasi tanlanyapti xolos. Bunday vaziyatda ko’plab abituriyentlardan “men falon fanlarni tanlasam, bu kelgusida qaysi yo’nalishlarga to’g’ri keladi?”, degan savollar kelib tushmoqda.

Buni bilish uchun yuqoridagi faylda ko'rsatilgan fanlar majmuasi bilan tanishib chiqing.

Avvalgi fanlar majmuasida 573 ta yo'nalish mavjud edi. Yangisida 198 ta yo'nalish ro'yxati tasdiqlangan. Demak, maqbullashtirish natijasida 375 ta yo'nalish yoki birlashtirilgan, yoki qisqartirilgan.

Ko‘p berilayotgan savollarga javoblar
#abituriyent

❓Qabul kvotalari tasdiqlandimi?

✅ JAVOB: Yo‘q, hozircha qabul kvotalari tasdiqlanmadi. Tuya go‘shtini yegan kvotalar har yili qabul boshlanib ketgach tasdiqlanishi odatiy holga aylangan. Garchi joriy yilda dastlabki bosqichda faqat fanlar majmuasi tanlanayotgan bo‘lsa-da, lekin bu qabul kvotalarini istagancha kech tasdiqlash mumkin degani emas. Abituriyentlar kvotalarga qarab fanlar majmuasini tanlashi ham mumkin edi. Afsuski, haligacha kvotalar ma’lum emas. Qachon tasdiqlanishi haqida ham aniq ma’lumot yo‘q.

❓Joriy yilda ham beshta yo‘nalish tanlasa bo‘ladimi?

✅ JAVOB: Ha, bo‘ladi. Hozir abiturentlar faqat fanlar majmuasini tanlayapti. Test sinovlari to‘liq yakunlangach esa, 15 kun ichida beshtagacha yo‘nalish tanlashi mumkin bo‘ladi.

❓Joriy yildan sirtqi ta’lim bo‘lmaydimi?

✅ JAVOB: Bo‘ladi, sirtqilar yopilgani yo‘q. Ko‘pchilik pedagogika sohasidagi 14 ta yo‘nalishning sirtqisiga faqat pedagogik staji borlargina topshirishi mumkinli haqidagi xabarlarni o‘qib, barcha sirtqi yo‘nalishlar yopilibdi, deb xato tushunadi. Aslida sirtqilar yopilgani yo‘q.

Mana bu yerda batafsil javob bor:
https://t.iss.one/xushnudbek/19225

❗️Ertadan test sinovlari boshlanadi
#abituriyent

Bir necha yuz ming abituriyent orziqib kutgan kun keldi. Ertaga, 14-iyulda test sinovlariga start beriladi.

Joriy yilda ham test sinovlari 2 smenada o’tkaziladi.

1-smena: soat 08:00 da;
2-smena: soat 15:00 da boshlanadi.

🏃‍➡️Abituriyentlardan test sinovlari boshlanishidan kamida 1 yarim soat oldin belgilangan hududga yetib kelishlari talab etiladi.

Demak, 1-smena soat 06:30 da, 2-smena soat 13:30 da test o’tadigan joyga kelishi kerak.

📋 Abituriyentlar test sinoviga 2 ta hujjat olib borishlari lozim:

1️⃣ pasport yoki ID-karta;
2️⃣ abituriyent ruxsatnomasi.

Boshqa hech qanaqa hujjat shart emas. Shuningdek, 🖊ruchka va 🥤suvni ichkarida o’zlari berishadi. Hisob-kitob talab qilinadigan fanlarda esa qoralama uchun savollar kitobining o’zida ochiq hududlar tashlab ketilgan bo’ladi (alohida bo’sh qog’oz berishmas ekan).

❗️Pasport nusxasi yoki boshqa hujjatlar bilan kelgan, shuningdek, kechikib kelgan abituriyentlar test sinovlariga kiritilmaydi!

Kosonsoy tuman ixtisoslashtirilgan maktabi jamoasi barcha abituriyentlarga muvaffaqiyat tilaydi!

⚡️KVOTA TASDIQLANDI
#abituriyent

Bakalavr va magistratura qabuli uchun jami 44 203 ta davlat granti o‘rinlari ajratildi

Prezidentning 2024-yil 19-iyuldagi F–36-son farmoyishi bilan 2024/2025-o‘quv yili uchun davlat oliy ta’lim muassasalariga o‘qishga qabul qilishning davlat buyurtmasi (granti) parametrlari tasdiqlandi.

Unga ko‘ra:

🔹 bakalavr kunduzgi ta’lim shakliga – 34 838 nafar;
🔸 magistrlar tayyorlash bo‘yicha – 9 365 nafar grant o‘rinlari ajratildi.


👉 @xushnudbek 👈

Kvotalar bo‘yicha batafsil izoh
#abituriyent

Biroz avval e’lon qilingan kvotalar bo‘yicha ko‘pchilikda savol tug‘ilgani tabiiy. Chunki Prezident farmoyishi bilan tasdiqlangan joriy yilgi kvotalarning avvalgilaridan bir qancha farqi bor:

1️⃣ Birinchidan, kvotalar OTMlar kesimida emas, balki yo‘nalishlar kesimida e’lon qilindi;

2️⃣ Ikkinchidan, kvotalar faqat davlat granti uchun e’lon qilindi, to‘lov-kontrakt uchun yo‘q;

3️⃣ Uchinchidan, kvotalar faqat kunduzgi ta’lim shakli uchun e’lon qilindi, sirtqi, kechki va masofaviy uchun yo‘q.

Joriy yilda yangi tizim bo‘lgani uchun, ayrim tushuntirishlar berib o‘tmoqchiman.

❓Batafsil kvotalar qachon va kim tomonidan e’lon qilinadi?

Batafsil kvotalar Davlat qabul komissiyasi tomonidan e’lon qilinadi. Odatda bu yana 1 haftacha muddatni talab qiladi. Ya’ni Prezident umumiy kvotani tasdiqlagach, batafsil kvotalarni yana kutishga to‘g‘ri keladi.

❓ Davlat qabul komissiyasi nimalarni tasdiqlaydi?

Davlat qabul komissiyasi 2024/2025-o‘quv yili uchun quyidagilarni tasdiqlashini kutishimiz kerak:

➖umumiy qabul parametrlarini (oliygohlar, ta’lim shakllari va tillar kesimida);
➖qo‘shimcha qabul parametrlarini (imtiyozga ega abituriyentlar uchun);
➖maqsadli qabul kvotalarini va ushbu kvotalarning tuman (shahar)lar kesimidagi taqsimotini;
➖o‘qishga qabul qilishning minimal o‘tish balini;
➖umumiy qabul parametriga nisbatan davlat granti kvotasining ulushini.

❓Grant kvotasi yo‘nalishlar kesimida ekan, u qanday taqsimlanadi?

Joriy yildan boshlab davlat grantlari oliygohlar uchun berilmaydi, balki yo‘nalish uchun ajratiladi. Masalan, Toshkent davlat yuridik universiteti uchun aniq grant kvotasi bo‘lmaydi, 50 ta oladi, 100 ta oladi, deyilmaydi. Balki yurisprudensiya yo‘nalishi uchun umumiy grant kvotasi ajratiladi.

Bunda respublikadagi barcha oliygohlardagi yurisprudensiya yo‘nalishiga topshirgan abituriyentlar orasida kvota doirasida eng yuqori ball to‘plaganlari, qaysi OTMga topshirganidan qat’i nazar, grantga kiradi. Bu degani endi ayrim oliygohlarda grantga kirgan bironta talaba bo‘lmasligi mumkin.

Keling aniq misolda ko‘ramiz.

Joriy yilda yurisprudensiya yo‘nalishi uchun 115 ta grant kvotasi ajratilibdi. Masalan, TDYU, O‘zMU, QDU, SamDU va NamDUda yurisprudensiya yo‘nalishi bor deylik. Mana shu 5 ta oliygohning yurisprudensiya yo‘nalishiga topshirgan barcha abituriyentlar ballar ketma-ketligida taxlab chiqiladi va eng yuqori ball olgan 115 nafar abituriyentga grant beriladi. Shunda, misol uchun, TDYUga 50 ta grant, O‘zMUga 25 ta grant, QDUga 20 ta grant va h.k. to‘g‘ri kelishi mumkin.

Ya’ni davlat endi falon universitetga grant beraman, degandan ko‘ra, ma’lum bir yo‘nalishga topshirgan va yuqori ball olgan aqlli abituriyentlarga grant beraman, deyapti. Bu degani endi qaysidir oliygohga 160 ball bilan kontraktga kirib, boshqa bir oliygohda xuddi shu yo‘nalishga 100 ball bilan grantga kirish degan narsa yo‘qoladi.

Faqat bitta istisno joyi bo‘ladi. Davlat grantining barcha kvotasini bitta oliygoh olib qo‘yishining oldini olish maqsadida cheklov qo‘yiladi. Masalan, 115 ta kvotaning hammasi TDYUga to‘g‘ri kelib qolishi mumkin. Bunaqa paytda, masalan, 50%lik cheklov qo‘yiladi. Ya’ni TDYU faqat 115 ta kvotaning yarmini, ya’ni 57 ta grant kvotasini olishi mumkin bo‘ladi.

‼️XULOSA: hali kvotalar to‘liq tasdiqlanmadi, hozircha chala. Oliygohlar, to‘lov-kontrakt, ta’lim shakllari va tillar kesimidagi kvotalar tasdiqlanishini yana kutish kerak. Qancha kutishimiz noma’lum, bu Bosh vazir raisligidagi Davlat qabul komissiyasiga bog‘liq.


👉 @xushnudbek 👈

❓Tanlov ustuvorligini belgilash nima degani?
#abituriyent

Abituriyentlarga yo‘nalish tanlash huquqi berilganda davlat grantini ustuvorlik sifatida belgilashi mumkin.

👉 Bunda abituriyent ustuvorlik sifatida:

🔹 Davlat grantini tanlasa — tanlagan barcha taʼlim yo‘nalishlarida dastlab davlat granti, so‘ngra to‘lov-kontrakt asosida saralanadi;

🔹 Ta’lim yo’nalishini tanlasa — avval har bir taʼlim yo‘nalishida davlat granti va to‘lov-kontrakt asosida ketma-ket tanlovda ishtirok etadi.

Masalan, kimdir "menga qaysi beshta yo‘nalishdan biriga kirishimning farqi yo‘q, asosiysi davlat grantiga kirishim kerak", desa, unda ustuvorlikni grantga beradi. Kimdir esa aksincha "men birinchi tanlagan yo‘nalishimga kirishim shart, kontraktga kirsam ham roziman" desa unda ustuvorlikni yo‘nalishga beradi.

Yuqoridagi suratda buning ketma-ketligi ko’rsatilgan.

‼️Abituriyentlar ustuvorlikni belgilashda eʼtiborli bo‘lishlari kerak. Mandat chiqqandan keyin, “voy, men bu yo’nalishda o’qimayman, ikkinchida o’qimoqchi edim, beshinchida o’qimoqchi edim” degan gaplar befoyda bo’ladi.


👉 @xushnudbek 👈