MUALLIMNING KO'MIRI
(Abduvosiq hoji ota Vahobov xotirasiga bag'ishlanadi)

BEK ALI she'ri

Tasvirchi: Kazibek Kurbanov
Ovoz rejissori va musiqiy sayqal: Elbek Hamdamov
Assistentlar: Bahriddin Shavqiyev, Nosir Otajonov

9-may Xotira va qadrlash kunida muallim ahlining qadrli, munosib vakillaridan birini xotirladik.

@bek_ali_ijodi
@erkinbozorovv

​​#inson_aziz_xotira_mangu

КЕЧКИ ЙЎҚЛАМА

(2000 йил мамлакатимизнинг жанубий сарҳадларига суқилиб киришга ҳаракат қилган бузғунчиларга қарши кечган жангларда миллатнинг мард йигитлари мустақиллик ҳимояси йўлида қаҳрамонларча ҳалок бўлган.
Бахмал туманидаги ҳарбий қисмнинг “Кечки йўқлама” дафтарида ана шу ўғлонлар номи ҳануз қайд этилади)

Бу юртнинг ҳар қарич ери муқаддас,
Тилло тош босолмас тупроқларига.
Тоғларнинг қаъридан келади бир сас
Жўр бўлиб юракнинг титроқларига.

Шон десанг Ватаннинг шонини кўтар,
Жон десанг Ватанга уни тортиқ эт.
Ҳар кимга муносиб бир қисмат битар,
Уни шараф билан шундай яшаб кет.

Шерга шикор берар шерлиги учун,
Элга ҳикмат берар бирлиги учун.
Йигитга Ватанни асрамоқ тақдир,
Қўрғонлиги учун, эрлиги учун!

Қулоқда қўрғошин мисол ўгитлар,
Дилда қасам, тақдир – азиз бошида.
“Тиззаси йўқ” мардлар, туркий йигитлар
Тик туриб узилди Ватан қошида.

Бағринг алвон бўлди, кўксинг-чи оппоқ,
Номинг дилдан ўчмас бир шаън бўлибди.
Шараф қонинг билан покланган тупроқ,
Бугун шундай улуғ Ватан бўлибди.

Бу Ватан битмагай то туз бор экан,
Ишқи билан дилни чўғлаб ўтамиз.
То Ватан бор экан, то сўз бор экан,
Сизни бутун умр йўқлаб ўтамиз:

“Катта лейтенант Маҳмуджон Жалилов!”
– Ватан ҳимояси йўлида қаҳрамонларча ҳалок бўлган!
“Лейтенант Бобуржон Ғаниев!”
– Ватан ҳимояси йўлида қаҳрамонларча ҳалок бўлган!
“Лейтенант Сайёр Садинов!”
– Ватан ҳимояси йўлида қаҳрамонларча ҳалок бўлган!
“Катта сержант Эломон Отажонов!”
– Ватан ҳимояси йўлида қаҳрамонларча ҳалок бўлган!
“Сержант Қаҳрамонжон Мадалимов!”
– Ватан ҳимояси йўлида қаҳрамонларча ҳалок бўлган!..

© Исломжон ҚЎЧҚОРОВ

@islomjon_ijodi

KECHKI YO’QLAMA
Islomjon Qo’chqorov she’ri

…Quloqda qo’rg’oshin misol o’gitlar,
Dilda qasam, taqdir aziz boshida.
“Tizzasi yo’q” mardlar, turkiy yigitlar,
Tik turib uzildi Vatan qoshida!

Vatan tinchligi yo‘lida jon fido qilgan va bugun ham fidoyilik bilan xizmat qilayotgan Vatan himoyachilaridan minnatdormiz! Daxlsiz chegaralar va tinchlik uchun tashakkur!
—————————
Telegram kanallarimiz:
@erkinbozorovv
@islomjon_ijodi
@muinzoda

Facebook / Instagram / Youtube

#Бугун дўстим, қадрдоним, шоир Алибек Анварийнинг туғилган куни. Умрингиз узун, йўлингиз ойдин бўлсин илоҳим, дўстим. Ижодда ҳам, илмда ҳам собитқадамлик тилайман.

Дарвоқе, Алибек бугун филология фанлари бўйича фалсафа доктори (PhD) ишини ҳимоя қиляпти. Омад ва зафарлар тилайман!

БИЗНИНГ ЧИЛ!

Бизнинг чил
аслида чил бермасликдир,
итми-қушми, босса
йўл бермасликдир.

Бизнинг чил
мардлардан қолган сукутдир,
ерга қўнмай кетган орли бургутдир!

Бизнинг чил –
нақд ернинг насиялари,
илоҳ пинжидаги насибалари.

Бизнинг чил –
тиргаклик – ярашнинг ўзи,
чала-чулпа эмас, курашнинг ўзи!

Бизнинг чил –
зўрларнинг эрмаги эрур,
дунёнинг кўз очиб, кўрмаги эрур.

Бизнинг чил
асосан бордан жудодир,
Пирлар саққолидан томган дуодир.

Бизнинг чил –
ҳеч қачон изҳор айтмаслик,
у севса-севмаса йўлдан қайтмаслик!

Бизнинг чил –
таваккал, сўнгига довур, 
ёдда қолса ҳамки шу сўнги қолур!

Бизнинг чил –
ҳақ бирлан давра қурадир.
маддоҳлар бу қурга кирса куядир.

Бизнинг чил –
тик яшаш ва тикка ўлмоқ –
тупроқ остида ҳам Тупроқ қўримоқ!

Алибек Анварий

БОЛАЛИК

Болалик – ортига қайтмас турналар,
Қўл силкиб кетади қатор ва қатор.
Ҳар сафар ёдимда минг хил турланар,
Ҳар сафар ўйласам, ўйларим бедор.

Меҳр нурларини сочиб саҳардан
Мурувват аталмиш гулбоғда ўсдим.
Бугун-чи, дийдаси қотган шаҳардан
Муҳаббат ахтариб юрибман, дўстим.

Болалик – ортига қайтмас турналар,
Қўл силкиб кетади қатор ва қатор.
Ҳар сафар ёдимда минг хил турланар,
Ҳар сафар ўйласам, ўйларим бедор.

Ўзим йўлдаман-у, кўзларим кўкда,
Келар кунингизни айтинг, турналар.
Ерда юрганлардан улфатим йўқ-да,
Менинг осмонимга қайтинг, турналар.

© Исломжон ҚЎЧҚОРОВ

@islomjon_ijodi

Aziz dindoshim!

Xalqimizga xos mehr-muruvvat, bag‘rikenglik va saxovat ifodasi bo‘lib kelgan Qurbon Hayiti muborak bo‘lsin.

Sizga sog‘lik-salomatlik, mehr-oqibat, baxt-saodat, yaqinlaringizga esa uzoq umr tilayman. Xonadoningizni fayz-baraka va ezgulik tark etmasin!

@islomjon_ijodi

​​#Таваллуд_санангиз_муборак
#Бек_АЛИ
#33_ёшда

Бугун жондай жўрам, жигарим, шоир Бегали Эшонқуловнинг туғилган куни. Дарё жўрам, умрингиз узун бўлсин. Ижодингиз гулллаб яшнасин. Доим бор бўлинг.

БЕК АЛИ МОНОЛОГИ

Жўра, мен тушунмадим
бу дунёнинг ишига.
Қучоқ-қучоқ гул берар
ҳаётимнинг қишига.
Бугунимни ёқлаган,
эртамни сўроқлаган
Бир тўп одамлар келиб
қизиқар ўтмишимга.

Билсанг, умрим ғурбатга
қоришиб ўтиб кетган.
Қаро кунларим... воҳ-воҳ,
ёришиб ўтиб кетган.
Ўзим ёққан оловни
ўчиролмай саргардон,
Бутун умрим ҳовучлаб
сув ташиб ўтиб кетган.

Мен-ку ғариб дунёнинг
ройишига кўнганман.
Ковушимнинг қадамда
тойишига кўнганман.
Иштони йўқ, тиззаси
йиртиқларга кулганда
Ва шуларнинг басма-бас
койишига кўнганман.

Аммо бугун шу йўлнинг
ўртасида ўлтириб,
Ўтган-кетганни мана
ўлтирибман кулдириб.
Жўра, агар тушунсанг,
ўзинг менга тушунтир,
Менга бир жавоб айтгин
юрагимни тўлдириб.

Нега манов дунёнинг
одамлари серсавол?
Менга эмас, борлиқнинг
эгасига бер савол.
Жавоб излаб юрибман
сенгамас Холиқимга,
Фурсатим етса бўлди,
ҳаётим топмай завол.

© Исломжон ҚЎЧҚОРОВ

@islomjon_ijodi

⚜️TAKLIFNOMA⚜️

Hurmatli ADABIYOT MUXLISLARI!

Sizni O‘zbekiston Yozuvchilar uyushmasi a’zosi, otashnafas shoir Azim SUYUNning "TANLANGAN ASARLAR" i va adabiyotshunos olim Qozoqboy YO‘LDOSHning “AZIM SUYUN shaxsiyati va ijodiy qiyofasiga chizgilar” nomli kitobi taqdimotiga, hamda fotograf Ahmad TO‘RAning “KO‘NGIL KENGLIKLARI BO‘YLAB" nomli shaxsiy fotoko‘rgazmasiga taklif etamiz.

⏰ 20-iyun, soat 16:00 da

📍 Manzil:O'zbekiston Yozuvchilar uyushmasi

Ⓜ️ "Milliy bog'" metro bekati

O‘zbekiston Yozuvchilar uyushmasi Axborot xizmati

📱Rasmiy sahifalarimizga obuna bo‘ling!
Telegram | Instagram | Facebook | YouTube

Bir roʻyxat tuzdik:
Shoir-u sheʼr-u shuur!

Eh-he, bu roʻyxatga kirmagani hali qancha...

https://t.iss.one/addlist/iEzAQACZwD8zZWU6

* * *

Сочларинг жингалак,
сочларинг чалкаш,
Бетартиб умримнинг кўчаларидай.
Анов икки кўзинг бунча жафокаш,
Қоп-қора зулмнинг кечаларидай.

Изингда гул унар, пойингга юлдуз
Ўзини оташга отгандек ташлар.
Бўғзимда жон таслим қилаётган сўз
Жоним тарашлар.

Энди бу ерлардан ўтмагин қайтиб,
Сармаст кўчамизнинг кўзлари гирён.
У кутар барибир исмингни айтиб,
Соғинчи бир ёну... соғинчи бир ён.

Қол десам не бўлар, қоласанми ё?
Бахшида эт десам кеча-кундузинг. 
Остин-устун бўлиб ётибди дунё,
Тартибга келтириб берсанг-чи ўзинг.

Товоним – шу жоним, иста, ўтда ёқ!
Бир бошга оғирлик қилар божларинг.
Ҳажринг дорга бошлар, қаршимда сиртмоқ –
Жингалак сочларинг, чалкаш сочларинг.

© Исломжон ҚЎЧҚОРОВ

@islomjon_ijodi

​​ДАРАХТЛАР

Сизнинг даврангизга йўқ менда бардош,
Соппа-соғ кўринган карлар, карахтлар.
Мен ўзимга топдим янги суҳбатдош,
Ҳасратим тинглайди энди дарахтлар.

Ҳа, улар жимгина осганча қулоқ
Гоҳида шовқинсиз тебраниб қўяр.
“Елкадош” дўстгинам, аҳволимга боқ,
Йиқилсанг дарахтлар беминнат суяр.

Дарахтлар қуёшга интилиб ўсган,
Марра қилиб олган нурни, зиёни.
У ташлаб кетмоқчи бўлаётгандек
Одамлари суллоҳ, аблаҳ дунёни.

Унинг хаёллари кўкка етадир,
Юлдузлар сайлида юради хушҳол.
О, машъум ўтмишим таъқиб этадир,
– Мен кетдим, юлдузим, хайр, яхши қол…

Дарахтлар – суҳбати оромижонлар,
Таскин ахтарурман сиздан эҳтимол.
Бошимда тегирмон айланган онлар,
Бир сизга юкиндим, қилдим дардиҳол.

Хўрсиндим, оҳ урдим ва шунда сизнинг
Англадим ташвишли титроғингизни.
Мен учун ҳар кузда бандидан узиб
Кўзёшдек тўкдингиз япроғингизни.

Дарахтлар – суҳбати оромижонлар…

© Исломжон ҚЎЧҚОРОВ

@islomjon_ijodi

"Кураш сенга қолдими,
Аканг қани, Қалдирғоч?..."

https://www.youtube.com/watch?v=56AxxEUYQ50

КЕЛДИМ

Осмон кўзёшини яширмаган кеч,
Ваъдабоз юлдузлар бўлганда мулзам.
Туним ғамга ботди – қололмадим ҳеч,
Мен сенинг қошингга келдим, азизам.

Бу йўллар мени гоҳ оловга отди,
Кўзёшинг асради, кўзёшинг – зам-зам.
Кўзингда тонг отиб, сўнгра кун ботди,
Мен сенинг қошингга келдим, азизам.

Гуллаган боғларда саробни кўрдим,
Денгизга ботирдим – тўлмади кўзам.
Аксимда бир ҳоли харобни кўрдим,
Мен сенинг қошингга келдим, азизам.

Келгунча минг марта адашганим бор,
Ялтироқ йўлларда оёғим тойган.
Малаклар қўлимга май тутиб маккор
Худди товусдайин қанотин ёйган.
Аммо улар айтган қўшиқлар зинҳор
Кўнглимга кирмайин соб бўлган сазам.
Умримнинг боғлари сарғайиб баҳор
Мен сенинг қошингга келдим, азизам.

Охир келдим... Мана эшигингдаман,
Қўнғироқ тугмаси – асрлик фурсат!
Азизам, ранжима, гуноҳкорингман,
Адашган итингга мурувват кўрсат.

© Исломжон ҚЎЧҚОРОВ

@islomjon_ijodi

JO'RA
Najmiddin ERMATOV sheʼri

Erkin Bozorov ijrosi

Tasvirchi: Nosirjon Otajonov


@Najmiddin_Ermatov

“ҚЎРҚМА”НИ ЎҚИБ

Жавлон Жовлиевга бағишланади

Баданингда жимир этган томирми у,
Юрак тананг узра қонинг ҳайдаяптими?
Меҳрибоним,
тикилганинг Помирми у,
Бадар кетган болаларинг қайтмаяптими?

Не чоранг бор боғларингни зоғлар босса,
Ўймайсанми буни кўрган кўзларингни.
Озод қалбинг осмонини доғлар босса,
Тайёрлаб қўй таскин учун сўзларингни.

Кўзларингдан уққаним шу савол бўлди:
Энди кечми,
бой бердикми ҳаммасини?..
Наҳот бутун дунёимиз завол бўлди,
Сезмадикми қузғунларнинг ҳамласини?..

Йўқ, онажон,
бағринг тилма, сочинг юлма,
Сочинг керак душманларни бўғиш учун!
Юздан ошиб, қайта туғил, лекин ўлма,
Бағри бутун болаларни туғиш учун!

Ўз қадрини билмаганлар эрман деса,
Ўз юртида қадр топмас ўлгунича.
Болаларинг йигит бўлса, эрман деса,
Тупроқ қўриб ётсин тупроқ бўлгунича!

© Исломжон ҚЎЧҚОРОВ

@islomjon_ijodi