#28_ёш_остонасидаги_ўйлар
#таваллуд_айём_баҳона
#қишлоқ_боласининг_иқрори
Мен қадим ва навқирон Чустнинг олис қишлоқларидан бири-Қорақўрғонда туғилганман.
Отам: ўз даласида кетмон билан тиллашиб, тупроқ билан сизлашиб, тонг ёришар-ёришмас белбоғига битта нон, бакалашкада эса тафти кетиб қолган чойни кўтарганча далага отланадиган қиблагоҳим-деҳқон эдилар.
Онам: Тун ярмида хамир қориб ётар, саҳарда қуёш ўз жамолини кўрсатмасдан бир тандир иссиқ нонни гупиллатиб ёпиб қўядиган, оғилхонада кетма-кет "мана мени соғсангчи, кун чиқмасдан далага кетаман" дея ер тепиниб турган сигирларни соғиб, сутини пишириб фарзандлари нонуштасига бир пиола қаймоқ ва бир бурда иссиқ жиззали патирни ушатиб қўйгувчи жаннатимиз эдилар.
Қорамағиздан келган камина эса қишлоқ далаларида қўй-эчки, сигир боқиб, китоб ўқиб, қоралама дафтаримга нималардир қоралаб келажакда "катта шоирми, ёзувчими бўламан" деган хаёллар билан улғайганман.
Отам деҳқончиликдан ташқари қирда тош ҳам кўчирар эди. Ҳарна оила бюджетига қўшимча даромад бўлсин деган бўлсалар керак. Ёз кунлари ишдан келганларида қўйлакларини ечиб ювиниаётганида офтобдан елкалари қовжираб, қорайиб, терилари оқимтир бўлиб кўчиб (пўстлоғи кўчибди дейишади қишлоқ тилида) тушганини кўриб ич-ичимдан эзилардим...
...Бугунги ютуқларим, эришаётган муваффақиятларим ҳақида гапирмоқчи эмасман. Буларни шундоғам ҳам кўпчилик билади. Кўриб, кузатиб туришибди. Менга бу натижаларимнинг фақат ва фақат бир томони кўпроқ ёқади. Агарда бирор устозимми, ёки шу ютуқларимни кўриб туриб ҳавас қилган инсонлар "баракалла, отангга, онангга раҳмат болам" деган алқовни олсам ўзимда йўқ қувониб кетаман. Дарҳол қишлоққа телефон қилиб ота-онамга айтаман. Ҳурсанд бўладилар, узундан-учун дуо қиладилар...
Бугун 28 ёшни қаршилаш арафасида турар эканман, ортга назар ташлаб, болалигим ўтган қишлоқ ҳамда отам-онамнинг бизни улғайтириш йўлида чеккан заҳматлари ҳақида ўйладим. Алҳамдулиллаҳ, шу пайтгача уларнинг юзларини ерга қаратадиган иш қилмадим. Ёки улар менинг ортимдан ёмон сўз, танаю-дашном эшитмади.
Фарзандлик бурчимнинг ўндан бири у ёқда турсин ярмини ҳам адо қилмадим. Роббим ризқу-насибасидан бериб уларнинг умрларини зиёда қилиб турса ниятларим жуда кўп ва бисёр.
Каъбатуллоҳ атрофида икки қанотимда-бир қўлимда отамнинг ва бир қўлимда онамнинг қўлларидан тутиб айланиш покиза ниятимдир. Роббим умрингизни зиёда қилсин жонларим, жонажонларим.
Бугун шу ватан учун хизмат қилишдик чин ватанпарварлик туйғусини, руҳини қалбимга сингдирган жаннатларим туғилган кун. Мен сизларни яхши кўраман...
Сизларга чексиз меҳр, ҳурмат ва соғинч билан Тошкентда "катта одам бўламан" деб юрган ўғлингиз Исломбек!!!
(20.03.2022. Якшанба. Тошкент. Чилонзор.)
@islom_asilbekov
#таваллуд_айём_баҳона
#қишлоқ_боласининг_иқрори
Мен қадим ва навқирон Чустнинг олис қишлоқларидан бири-Қорақўрғонда туғилганман.
Отам: ўз даласида кетмон билан тиллашиб, тупроқ билан сизлашиб, тонг ёришар-ёришмас белбоғига битта нон, бакалашкада эса тафти кетиб қолган чойни кўтарганча далага отланадиган қиблагоҳим-деҳқон эдилар.
Онам: Тун ярмида хамир қориб ётар, саҳарда қуёш ўз жамолини кўрсатмасдан бир тандир иссиқ нонни гупиллатиб ёпиб қўядиган, оғилхонада кетма-кет "мана мени соғсангчи, кун чиқмасдан далага кетаман" дея ер тепиниб турган сигирларни соғиб, сутини пишириб фарзандлари нонуштасига бир пиола қаймоқ ва бир бурда иссиқ жиззали патирни ушатиб қўйгувчи жаннатимиз эдилар.
Қорамағиздан келган камина эса қишлоқ далаларида қўй-эчки, сигир боқиб, китоб ўқиб, қоралама дафтаримга нималардир қоралаб келажакда "катта шоирми, ёзувчими бўламан" деган хаёллар билан улғайганман.
Отам деҳқончиликдан ташқари қирда тош ҳам кўчирар эди. Ҳарна оила бюджетига қўшимча даромад бўлсин деган бўлсалар керак. Ёз кунлари ишдан келганларида қўйлакларини ечиб ювиниаётганида офтобдан елкалари қовжираб, қорайиб, терилари оқимтир бўлиб кўчиб (пўстлоғи кўчибди дейишади қишлоқ тилида) тушганини кўриб ич-ичимдан эзилардим...
...Бугунги ютуқларим, эришаётган муваффақиятларим ҳақида гапирмоқчи эмасман. Буларни шундоғам ҳам кўпчилик билади. Кўриб, кузатиб туришибди. Менга бу натижаларимнинг фақат ва фақат бир томони кўпроқ ёқади. Агарда бирор устозимми, ёки шу ютуқларимни кўриб туриб ҳавас қилган инсонлар "баракалла, отангга, онангга раҳмат болам" деган алқовни олсам ўзимда йўқ қувониб кетаман. Дарҳол қишлоққа телефон қилиб ота-онамга айтаман. Ҳурсанд бўладилар, узундан-учун дуо қиладилар...
Бугун 28 ёшни қаршилаш арафасида турар эканман, ортга назар ташлаб, болалигим ўтган қишлоқ ҳамда отам-онамнинг бизни улғайтириш йўлида чеккан заҳматлари ҳақида ўйладим. Алҳамдулиллаҳ, шу пайтгача уларнинг юзларини ерга қаратадиган иш қилмадим. Ёки улар менинг ортимдан ёмон сўз, танаю-дашном эшитмади.
Фарзандлик бурчимнинг ўндан бири у ёқда турсин ярмини ҳам адо қилмадим. Роббим ризқу-насибасидан бериб уларнинг умрларини зиёда қилиб турса ниятларим жуда кўп ва бисёр.
Каъбатуллоҳ атрофида икки қанотимда-бир қўлимда отамнинг ва бир қўлимда онамнинг қўлларидан тутиб айланиш покиза ниятимдир. Роббим умрингизни зиёда қилсин жонларим, жонажонларим.
Бугун шу ватан учун хизмат қилишдик чин ватанпарварлик туйғусини, руҳини қалбимга сингдирган жаннатларим туғилган кун. Мен сизларни яхши кўраман...
Сизларга чексиз меҳр, ҳурмат ва соғинч билан Тошкентда "катта одам бўламан" деб юрган ўғлингиз Исломбек!!!
(20.03.2022. Якшанба. Тошкент. Чилонзор.)
@islom_asilbekov
❤2👍1🥰1