Ўзбекистон Миллий университетида Сунъий йўлдош тадқиқотлари станцияси фаолияти муҳокама қилинди

Бугун, Ўзбекистон Миллий университетида бир неча ташкилот ва муассасалар ҳамкорлигида учрашув ташкил этилди.

Унда Рақамли технологиялар вазирлиги ҳузуридаги Космик тадқиқотлар ва технологиялар агентлиги директори Шуҳрат Қодиров, Ўзбекистон Республикаси Фанлар академиясининг президенти Шавкат Аюпов, Мирзо Улуғбек номидаги Астрономия институти илмий ишлар бўйича директор ўринбосари Юсуфжон Тиллаев ҳамда Ўзбекистон Миллий университети ректори, профессор Ином Маджидов иштирок этди.

Гавайи университети профессори Дилмурод Азимов станция фаолиятидан кутилаётган натижалар, шунингдек, учувчисиз учиш аппаратлари, аэрокосмик техникаларни бошқариш ва лойиҳалаштиришларнинг дунё ва истиқболдаги устувор замонавий масалаларига тўхталиб ўтди.

Йиғилганлар келажакда аэрокосмик инженеринг соҳасида илмий тадқиқотлар олиб бориш ва кадрлар тайёрлаш масалаларини муҳокама қилишди.

🕊Telegram | 📱Facebook | 📱Instagram

#Dolzarb_90_kun

Toshkent davlat iqtisodiyot universitetida poytaxt bitiruvchi yoshlari bilan uchrashuv o‘tkazildi

⏺Bugun, 10-iyul kuni Toshkent davlat iqtisodiyot universitetida bir necha tashkilotlar hamda 50 dan ziyod xususiy tadbirkorlar bilan hamkorlikda bitiruvchi yoshlarning bandligini ta’minlashga qaratilgan uchrashuv va bo‘sh ish o‘rinlari yarmarkasi tashkil etildi.

⏺Muloqotda poytaxtimizdagi oliy ta’lim muassasalari rahbarlari, 2 mingdan ziyod bitiruvchi talaba-yoshlar, yirik tadbirkorlar va soha korxona-tashkilotlari vakillari ishtirok etdi. Soha vakillari va mas’ul mutasaddilar tomonidan talabalar bilan ochiq muloqot tashkil etilib, kasbga yo‘naltirish va bandlik masalalari muhokama qilindi. Mazkur tadbirda O‘zbekiston Milliy universiteti rektori, professor Inom Madjidov ham qatnashdi.

⏺Tadbir doirasida bitiruvchi kurs talabalari uchun muvaffaqiyatga erishgan taniqli tadbirkorlar ishtirokida “Biznes marafon” motivasion seminar-trening hamda bo‘sh ish o‘rinlari yarmarkasi tashkil etilib, bitiruvchilarga real ish takliflari taqdim qilindi. O‘zbekiston Milliy universitetining bitiruvchi kurs talabalari ham yarmarkada qatnashdi.

⏺Uchrashuvda poytaxdagi yirik tadbirkorlar, Oliy ta’lim muassasalarining rektorlari va bitiruvchi yoshlar bilan samimiy va ochiq muloqot o‘tkazildi. Bitiruvchilar o‘zlarini qiziqtirgan savollarga javob olishdi.

Batafsil 👉 nuu.uz

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin