🇰🇿 Auezov University-де Академик Мұрат Жұрынов атындағы аудитория ашылды

⚜️ Сондай-ақ, мереке аясында университет түлегі, меценат Серікжан Сейітжанов атындағы аудиторияның ашылуы өтті. Университеттің ғылыми әлеуетін одан әрі нығайтуға жаңа серпін беретін 4 ғылыми зертхана пайдалануға берілді.

«ҚР Ұлттық Ғылым академиясының академигі Мұрат Жұрынұлы Жұрынов атындағы аудиторияда шетелдік ғалымдар мен профессорлардың дәрістері, сабақтары, кездесулері өтеді. Мұрат Жұрынұлы Сізге Қазақстан ғылымына қосқан баға жетпес үлесіңіз үшін зор алғысымызды білдіреміз. Қазір сіздің жолыңызды жалғастыратын химиктер, ғалымдар ұрпағы өсіп келеді. Біздің университет ғылыми қызметті дамытуға үлкен күш салуда», - деп атап өтті Auezov University ректоры Дария Қожамжарова.

Сонымен қатар, жаңа зертханалар жастарды студенттік ғылымға ынталандыру және тарту үшін ашық. Зертханалар заманауи жабдықтармен, тиімді технологиялармен жабдықталған, оларда студенттерді жайлы оқыту үшін барлық қауіпсіздік шаралары сақталған.

@informburo_bilim

🇰🇿 ҰБТ-ға дайындалуға арналған тегін байқау сынақтары іске қосылды

⚜️ ҚР ҒЖБМ Ұлттық тестілеу орталығы Ұлттық бірыңғай тестілеуге дайындалуға арналған тегін байқау сынақтарын іске қосты. Тестілеу онлайн форматта орталықтың сайтында жүзеге асырылады.

Байқау сынағы оқуға түсушілерге ҰБТ-ға дайындалуға көмек ретінде әзірленді. Талапкерлерге ҰТО сайтында https://prob-ent.testcenter.kz/ сілтемесі бойынша тегін онлайн тестілеуден өту мүмкіндігі беріледі. Ол үшін тестіленушілерге тек ЖСН теріп, бейіндік пәндердің комбинациясын таңдап, байқау сынағына кірісу қажет.

@informburo_bilim

🇰🇿 ҚР білім берудің қолжетімділігі мен сапасы туралы "Хабар 24" телеарнасындағы "Күн тәртібі" бағдарламасында талқыланды

@informburo_bilim

🇰🇿🇧🇭 ҚАЗҰУ Студенттері Бахрейнге жолдама ұтып алды

⚜️ Ақпараттық-коммуникациялық технологиялар (АКТ) саласындағы Республикалық 2023-2024 жылғы маусымға арналған Huawei ICT Competition АКТ байқауының ұлттық финалы өтті. Аталған байқауда ҚазҰУ-дың физика-техникалық факультетінің студенттері желілік технологиялар мен инженерия саласындағы өз біліктіліктерін растап, Network Track трек бойынша үздік ондыққа енді.

Жарысқа еліміздің жоғары оқу орындарынан 150-ден астам талантты студент жастар қатысты. Олар сайыста өз шеберліктері мен бар білімдерін көрсетіп, үздік атақ үшін бақ сынасты. Таланттар экожүйесін дамытудың тетігі саналатын байқау кезекті рет жастардың мүмкіндігі мен әлеуетін арттыруға жол ашатынын дәлелдеді.

Байқау нәтижесінде ҚазҰУ-дың физика-техникалық факультетінің студенттер командасы Network Track бағыты бойынша үздік ондыққа еніп, желілік технологиялар және желілік инженерия саласында жоғары нәтиже көрсетті.

@informburo_bilim

🇰🇿 Ғалымдарға жобаларын коммерцияландыруға «JANA ASU» гранты табысталды

⚜️ Еуразия ұлттық университеті жыл сайынғы «JANA ASU» грант байқауының қорытындысын шығарды. 11 ғалым сәулет, медицина, ауыл шаруашылығы, ІТ-технологиялар және экология саласындағы инновациялық әзірлемелерін коммерцияландыруға қаржылай гранттар иеленді.

ЕҰУ ғылыми жұмыс нәтижелерін коммерцияландыруды қолдау үшін «JANA ASU» гранттарын бөледі. Биыл ашық байқауға ЖОО ғалымдары өздерінің 50 жобасын жолдаған.

@informburo_bilim

🇰🇿 Бүгін докторантураға түсу емтихандары басталды

⚜️28 қарашадан бастап докторантураға түсу емтихандары басталды. Емтиханды тапсыруға өтініш қабылдау 25 қазан мен 10 қараша аралығында ҚР ҒЖБМ Ұлттық тестілеу орталығының app.testcenter.kz сайтында жүзеге асырылды.

Докторантураға түсу емтихандарына 1060 адам қатысады. Емтихан бүгін басталып, 2 желтоқсанға дейін жалғасады.

«Түсу емтиханына эссе жазу, докторантураға дайындық тесті және білім беру бағдарламасы тобының бейіні бойынша емтихан кіреді. Жалпы, түсу емтиханының ең жоғары көрсеткіші 100 балл, оның ішінде әңгімелесу – 20 балл, эссе – 10 балл, докторантурада оқуға дайындығын анықтауға арналған тест – 30 балл, бейіні бойынша емтихан сұрақтары – 40 балды құрайды. Ал мемлекеттік білім беру тапсырысы бойынша конкурсқа қатысу үшін және ақылы негізде докторантураға түсу үшін шекті балл 75 балды құрайды», - деп атап өтті Ұлттық тестілеу орталығының директоры Руслан Емелбаев.

@informburo_bilim

Қазақстанда магистратураға түсу үшін кешенді тестілеу басталды

Тестілеуге 8 мыңнан аса өтініш қабылданған.

Ең көп таңдалған бағыттар – «Педагогикалық ғылымдар», «Инженерлік, өңдеу және құрылыс салалары» және «Жаратылыстану ғылымдары, математика және статистика».

Шекті балл өзгеріссіз қалды. Магистратураға түсетіндер 3,8 мың грантқа үміткер бола алады.

Емтихан 8 желтоқсанға дейін жалғасады, деп хабарлады Ұлттық тестілеу орталығы.

@informburo_bilim

🇰🇿🇷🇺Alikhan Bokeikhan University Иннополис университетімен және IT-технологияларды дамыту туралы келісімге қол қойды

⚜️ Абай облысының делегациясы құрамындағы Әлихан Бөкейхан университетінің басшылығы Татарстан Республикасына жасаған іс-сапары аясында Иннополис қаласына барды.

Иннополис – Қазан қаласы агломерациясы аумағында тұрғызылған заманауи қала. Онда Иннополис университеті мен «Иннополис» ерекше экономикалық аумағы бар. Мәскеу жанындағы Сколково және Новосібірдегі Кольцово аумақтарымен қатар, Ресейдегі IT технологияларды дамыту мақсатында тұрғызылған ғылыми-өндірістік аумақтардың бірі.

Сапар нәтижесінде Әлихан Бөкейхан университеті мен Abai IT-Valley Технокластері университеті Иннополис Университетімен ғылым мен IT технологияларды дамыту туралы келісімге қол қойды. Келісім бірлескен жобаларды жүзеге асыруды, жасанды интеллект пен робототехника саласындағы академиялық және ғылыми алмасуды, инновациялық аумақтарды құруда тәжірибесімен бөлісу ынтымақтастығын көздейді.

@informburo_bilim