Maktab bog‘ining daromadi ta’lim dargohi obodonligiga yo‘naltirilmoqda

Joriy yilning erta bahoridan Vobkent tuman maktabgacha va maktab ta’limi bo‘limiga qarashli 42 ta ta’lim muassasasida ”Yashil makon” umummilliy loyihasi doirasida 30 ming tupga yaqin ko‘chat va qalamcha o‘tqazilib, parvarishlandi. Ayni kunda barcha umumta’lim maktablarini ko‘kalamzorlashtirish maqsadida mahalliy iqlimga mos tut, terak, tol, qayrag‘och va shuningdek, mevali daraxt ko‘chatlari hamda atirgul qalamchalari o‘tqazilib, ko‘kartirilmoqda.

Shu bilan birga, umumta’lim maktablarida yordamchi xo‘jaliklarni rivojlantirish, ta’lim dargohlaridagi bog‘-rog‘larni tartibga solib, hududni ko‘kalamzorlashtirish, turli mevalar bilan birga, ekin yerida sabzavot-poliz mahsulotlarini ekib yetishtirishga e’tibor qaratilmoqda.

Tumanning 9-sonli umumta’lim maktabida ham ayni paytda 494 nafar o‘quvchi ta’lim-tarbiya olayotgan bo‘lib, ilm maskanida talaygina ibratli ishlar amalga oshirilayotir. Jumladan, ikki yil burun maktab tomorqasida 2,5 sotixli issiqxona tashkil etilib, pomidor, bodring ko‘chatlari, shu qatorda turli ko‘katlar parvarishi yo‘lga qo‘yilgan.

Sidqidil qilingan mehnat tez orada o‘z samarasini berdi. Ekin mavsumida parvarishlangan pamidor hosilidan 10 million so‘m daromad olingan bo‘lsa, bu sarmoya issiqxona kamchiliklarini tuzatish barobarida 5 million so‘m maktab kutubxonasi uchun Shu kecha kunduzda qitob yarmarkasi o‘tkazilmoqda, yangi kitoblardan 150 dona kitob olish xaridiga sarflangan.

Bunda o‘quvchilar ustozlari ko‘magida maktab hovlisida 2 million so‘mga 150 tup mevali daraxt niholi ko‘chatini sotib olib o‘tqazganlar.

— Shu kunlarda botanika, biologiya, mehnat ta’limi fanlaridan tegishli amaliy mashg‘ulotlar issiqxonamizda o‘tkazilayotgani ham bejiz emas. Issiqxonada pishib yetilgan bodiring o‘quvchilarning jarayonda bevosita ishtirok etishi, ular qalbida tabiatga mehr, mehnatsevarlik tuyg‘ularini rivojlantirmoqda,—deydi maktabning biologiya fani o‘qituvchisi Rahmatov Hamid.

Darvoqe, bahor oyida maktab hududiga yuzga yaqin manzarali daraxt, 7 ming tupga yaqin terak qalamchasi va atirgul ko‘chatlari ekib parvarishlanayotgan bo‘lsa, bunda o‘quvchilarning bevosita xizmati bor-deydi biz bilan suhbatda maktab direktori D.Quliyeva.

Shuningdek, ko‘rkam manzara kasb etgan maktab bog‘i ham 30 sotix yer maydonini tashkil etadi. Ayni paytda bu bog‘da 7 turdagi o‘rik, gilos, nok, olma kabi daraxtlar parvarish qilinmoqda. O‘qituvchilar esa o‘quvchilarni boqqa olib chiqib, amaliyot darslarini o‘tishmoqda. Hozirda bu bog‘dagi aksar daraxtlar hosilga kirgan.

😎😎😎😎😎😎😎 ijtimoiy sahifalariga obuna bo‘ling

✅Telegram| 💬Facebook| 📹Youtube|🌍Web-sahifa