Ўзбекистон Республикаси Президентининг 2025 йил 17 январдаги «Пахта хомашёсини етиштириш ва сотишда бозор механизмларини қўллашни изчил давом эттириш тўғисида»ги ПФ-7-сонли Фармонининг мазмун моҳиятини ҳудудларда тарғиб қилиш юзасидан вилоят фермерлар кенгаши раиси Қ.Ражабов томонидан Янгариқ туман ҳокимлиги биносида Хива ва Янгариқ туманларида фаолият юритаётган фермер хўжаликлари, кластер корхоналари иштирокида кўргазмали семинар ташкил қилинди.

Семинарда юқоридаги Фармоннинг мазмун-моҳияти, фермерлар олдига қўйилган устувор вазифалар тушунтириб ўтилди.

☑️ Форишлик сайловчиларнинг муаммо ва таклифлари ўрганилди

Олий Мажлис Қонунчилик палатаси депутатларидан таркиб топган ишчи гуруҳимиз Жиззах вилоятининг Фориш туманида бўлиб, камбағалликни қисқартириш ва аграр соҳадаги мавсумий ишларнинг боришини ўрганди.

Ўрганишларимиз давомида бир қатор МФЙ ва аҳоли хонадонларида бўлдик, тумандаги ихтисослаштирилган мактаб, қатор тадбиркорлик субъектлари, фермер хўжаликлари фаолияти билан танишилди.

Туманда маҳаллаларда томорқа ва уй хўжаликларидаги имкониятлардан самарали фойдаланиш, тадбиркорликни ривожлантириш, янги иш ўринларини яратиш ва камбағалликни қисқартириш бўйича олиб борилаётган ишлар ҳолати ўрганилди.

Аҳоли вакиллари билан самимий руҳда ўтган учрашувлар чоғида маҳалла фаоллари, ёшлар, бизнес вакиллари ўзларини ўйлантириб келаётган 10 дан ортиқ масалаларни ўртага ташлашди. Аксарият масалалар жойида бартараф этилди, вақт талаб қиладиганлари эса назоратга олинди.

Мазкур учрашувлар давомида қатор тиббиёт муассасалари фаолияти, уларда беморлар учун яратилган шароитлар, қулайликларни кўздан кечирилди.

“Basalt Uzbekistan” кластери фаолияти билан танишилганда бу ерда ишчи-ходимлар учун яратилган шароитлар кўздан кечирилди. Ҳудуд иқтисодиётида етакчи ўрин тутувчи ушбу корхонада 1300 нафар киши меҳнат қилмоқда. Мулоқотимиз давомида корхона фаолиятини янада кенгайтириш, маҳсулотлар турини кўпайтириш бўйича зарур тавсиялар берилди.

@a_xaitov