O‘zLiDeP: Биргаликда очиқ жамият сари!

👉 https://uzlidep.uz/news-of-party/14133

➖Элликқалъа тумани маданият саройи очиқ майдонида “Ўзбекистон Республикаси Конституцияси тўғрисида”ги Конституциявий қонун лойиҳасининг мазмун-моҳиятига бағишланган тадбир ташкил этилди.

➖Учрашувда сўз олган партия вакиллари бугун барча саъй-ҳаракатлар инсон қадрини юксалтиришга қаратилгани, Бош қомусимизга киритиладиган жамики ўзгаришларнинг негизида Ўзбекистонда кечаётган ислоҳотлар моҳиятини белгиловчи “Инсон қадри учун” улуғвор ғояси мужассам эканини таъкидлашди.

➖Конституция лойиҳаси O'zLiDeP дастурий мақсадларига ҳамоҳанглиги, партия электоратининг хоҳишини тўла ифода этиши, халқимиз қалбидаги орзу-истакларни рўёбга чиқариши, шу боис уни ҳеч иккиланмасдан халқ Конституцияси деб аташ зарурлиги ҳақида ҳам фикрлар билдирилди.

➖Партия фаоллари, тадбиркор ва ишбилармонлар, фахрийлар, ёшлар ҳам сўзга чиқиб, халқимиз тақдири ва эртанги кунини белгилаб берадиган тарихий қонунга бефарқ бўлмасдан 30 апрелда бўлиб ўтадиган рефрендумда фаол иштирок этишга чақирдилар.

➖Тадбирдан сўнг партия вакиллари тумандаги тадбиркорлик субъектлари, фермер хўжаликлари ва маҳаллаларда бўлиб, ташвиқот тадбирларини давом эттиришмоқда.

#uzlidep #konstitutsiya #referendum

➖O'zLiDeP расмий канали ➖

Қишлоқ хўжалиги ривожи - озиқ-овқат хавфсизлиги гарови

Халқимизнинг турмуш фаровонлигини юксалтириш, озиқ-овқат хавфсизлигини ва аҳоли бандлигини таъминлаш, барқарор ривожланишга эришишда қишлоқ хўжалигининг ўрни жуда катта.

Бугун Поп туманининг барча сектор ҳудудларида озиқ-овқат маҳсулотларини кўпайтириш, баҳорги экин мавсумини самарали ташкил этиш чора-тадбирлари юзасидан сектор раҳбарлари бошчилигида семинарлар ташкил этилди.

Жорий йил Поп туманда 316 та фермер хўжаликлари томонидан 9915 гектарда пахта, 10277 гектар майдонда ғалла етиштирилади. Бундан ташқари 1579 гектарга - Соя, 4 гектарга - 5 минг туп узум, 5 гектарга - 30 кг ошқовоқ уруғи, 68 гектарга - 272 минг туп тут кўчатлари, 8 гектар ер майдонларига 40 минг туп терак кўчатлари экиш белгиланган бўлиб ҳозирда, режани амалга ошириш ва якунлаш ишлари жадаллашган.

Мулоқот давомида туман ҳокими Аъзамжон Султанов барча фермер хўжалиги раҳбарлари ва соҳага дахлдор масъулларга мавсумга алоҳида эътибор ва жонкуярлик билан ёндашишларини таъкидлади.