Mehnat bor joyda rizq va baraka boʻladi

Mamlakatimizda oilaviy tadbirkorlikni rivojlantirish, ayniqsa, aholining tomorqadan unumli foydalanishini qoʻllab-quvvatlashga qaratilayotgan alohida eʼtibor yuksak samaralar bermoqda.

Olot tumanida ham ana shunday eʼtibor samarasida tomorqadan unumli foydalanib, oilasi farovonligi, bozorlarimiz toʻkinligiga munosib hissa qoʻshayotgan tumandoshlarimiz koʻp. Xususan, "Xosaboʻyi" mahallasida istiqomat qiluvchi Jasurbek Navroʻzov ana shulardan biri. U toʻrt sotix yerda issiqxona tashkil etib, 1 ming 500 tup "Vedrona" navli bulgʻor qalampirlarini parvarishlamoqda. Jasurbek tomorqasida yetishtirilgan sara mahsulotlar bayram arafasida bozorga olib chiqadi.

Ushbu oila singari omilkorlik bilan ish koʻradigan, katta boʻlmasa-da moʻjazgina yer maydonidan samarali foydalanayotgan, issiqxona xoʻjaligini tashkil etib, undan yuqori hosil olib, bozorlarning toʻkinligiga, oziq-ovqat xavfsizligini taʼminlashga hissa qoʻshayotganlar soni tobora ortib bormoqda.

Jasurbek va uning oila aʼzolari tomonidan yetishtirilib, isteʼmolchiga tayyorlanayotgan mahsulot hisobiga oilaning farovonligi, dasturxonining toʻkinligi ortadi. Qolaversa, uning oila aʼzolari ham ishli, ham daromadli boʻlishdi.

— Avvallari mahalladagi 4-5 ta xonadondagina issiqxona bor edi, — deydi mahalla raisi Rahmatullo Boboyev. — Issiqxona tomorqada ekin yetishtirishga qaraganda ancha samarali ekanini, undan koʻproq daromad olish mumkinligini koʻrgan boshqa fuqarolar ham issiqxona qurishga qiziqib qoldi. Issiqxonasi bor odamlardan kerakli yoʻl-yoʻriq, maslahat olib, oʻzlari issiqxona tashkil etib faoliyatini yoʻlga qoʻya boshlashdi. Bugun mahallamizdagi koʻplab xonadonda issiqxona bor. Ularda pomidor, bodring, karam, bulgʻor qalampiri kabi sabzavotlar, limon va mandarin yetishtirilmoqda. Mahalla ahli juda mehnatkash. Ular nafaqat issiqxona ishi bilan mashgʻul, balki fermer xoʻjaliklari hamda klasterlarga tegishli dalalardan ikkinchi hosil uchun yer olib, dehqonchilik, chorvachilik bilan shugʻullanadi. Shundanmi, mahallamizda bekorchi odam kam, aksariyati ish bilan band.

— Mehnat qilgan odam hech qachon kam boʻlmaydi, — deydi Jasurbek Navroʻzov. — Buni oʻz hayotim misolida koʻryapman. Rossiya davlatida ishlab kelgach uyimizda tashkil etilgan 4 sotix issiqxonani ishga soldim. Issiqxonada dehqonchilik qila boshladik. Oldin asosan chorvachilik va parrandachilik bilan shugʻullanganmiz. Har yili birinchi ekinga bulgʻor qalampiri, ikkinchi ekinga pomidor ekamiz. Birgina bulgʻor qalampirining mavsumda oʻrtacha har bir koʻchatidan 1,5 kilogramm hosil olamiz, hozirda oʻrtacha hisobda bozorlarda 21 mingdan xarid qilishmoqda, bu degani 1 ming 500 tub koʻchatdan 2 ming 200 kilogramm hosildorlik ortidan 45 million soʻmdan ortiq daromad koʻzlayapmiz. Ekinlar tomchilatib sugʻoriladi, bu suvni tejash imkonini beradi. Tomorqachilik, chorvachilik, parrandachilikdan yaxshi daromad koʻrganimiz uchun uy qurdik, mashina oldik, toʻylar qildik. Mehnatning tagi rohat, deb shuni aytishadi.

Demakki, intilganga tole yor. Boqibegʻamlik davri esa oʻtganiga ancha boʻldi. Bugun izlangan imkon topadi. Tomorqa daromad manbai ekanligini chuqur anglagan yurtdoshlarimiz hayoti misolida ham buning isbotini koʻrib turibmiz. Shu bois, oilamiz dasturxonining toʻkinligi va rizqimiz butunligi uchun oʻzimiz harakat qilaylik.

https://t.iss.one/olottumani

🥦 Янгиариқ тумани “Чакир” маҳалла аҳолиси атрофидаги ижарага берилган ерлардан самарали фойдаланиб, “Бир контур – бир маҳсулот” тамойили асосида брокколи каромини етиштирмоқда

web / facebook / Instagram / YouTube / twitter

"Nurafshon" telekanali "AgroUz" dasturi ijodkorlari O‘rta Chirchiq tumani "Do‘stlik" mahallasida qulupnaydan mo‘maygina daromad olayotgan Majid Mabusayev xonadonida bo‘ldi.

Majid bir necha yil oldin imtiyozli kredit asosida issiqxona qurdirib, qulupnayni yerga ekardi. Bu yil mahallasida hokim yordamchisining tavsiyasi bilan 100 million so‘m imtiyozli kredit olib, gidroponika usulida qulupnay etishtirmoqda. Rejalashtirilgan daromaddagi raqamlar ham "juda chiroyli".

O‘rta Chirchiq tumani hokimligi Axborot xizmati

#tomorqachilik #tadbirkorlik #ortachirchiqda

Telegram | Facebook | Instagram | YouTube | www.ortachirchiq.uz | X | TikTok | ok.ru | Murojaat | Muhokama