Қишлоқ хўжалиги техникалари хариди ва бошқа харажатларга имтиёзлар берилмоқда

Хабарингиз бор, қишлоқ хўжалигини ривожлантириш ва ҳосилдорликни ошириш мақсадида кластер ва фермер хўжаликлари харид қилган қишлоқ хўжалиги техникалари учун субсидиялар ва имтиёзли кредитлар ажратилиши белгиланди.
Қишлоқ хўжалиги учун техника сотиб олишда кредит харажатларининг 10 фоиздан юқори қисми давлат томонидан қоплаб берилиши, 2021 йилдан бошлаб 3 йил давомида пахтани Жиззах, Қашқадарё, Сирдарё ва Тошкент вилоятларида машинада териш харажатининг 30 фоизи бюджетдан қоплаб берилиши шулар жумласидандир.

–Хорижий давлатларидан сотиб олинадиган қишлоқ хўжалиги техникалари, бутловчи ва эҳтиёт қисмлар божхона тўловларидан 3 йил муддатга озод этилди, –дейди Ўзбекистон фермер, деҳқон хўжаликлари ва томорқа ер эгалари кенгаши вакили Собит Рўзибоев. – Импорт қилинган техникаларга қўшилган қиймат солиғини 270 кунгача кечиктириб тўлаш, лазерли текислаш ускуналари ва дон уруғ сеялкаларини харид қилиш учун келгуси йилда 50 миллиард сўм субсидия ва божхона имтиёзлар бериш амалиётлари жорий этилиши белгилаб берилди.

Бу эса ёзни ёз, қишни қиш демай далаларда заҳмат чекаётган фермер ва деҳқонларимизга жуда катта имкониятлар яратади. Агротехник тадбирларни ўтказишда ерларни шудгорлаш, уруғларни сифатли ерга қадаш, дастлабки ишлов бериш ва етиштирилган маҳсулотларни ўз вақтида йиғиб-териб олишда қишлоқ хўжалиги техникалари муҳим аҳамият касб этади.

Фермер ва кластерларга пахта ҳамда ғалланинг энг ҳосилдор навларини импорт қилиш ва мустақил жойлаштиришга рухсат берилиши, сув тежовчи технологияларни жорий қилиш учун кредитлар, тижорат банклари томонидан камида 5 йилга ҳамда субсидия ажратиш тизими ҳам такомиллаштирилиши белгиланди.

Жумладан, биринчи йили субсидиянинг 50 фоизи берилиб, ҳосилдорлик ошиши ва ускуналарнинг ишлатилишига қараб, келгуси йили қолган 50 фоизи тўлаш амалиётининг жорий этилиши тўлов қобилиятини янада оширади.

З.Мирзабоева, ЎзА

https://uza.uz/uz/posts/qishloq-xozhaligi-texnikalari-xaridi-va-boshqa-xarazhatlarga-imtiyozlar-berilmoqda_316920

Фермер аёллар учун тренинглар

«Марказий Осиё мамлакатлари университетларининг экстеншн марказлари минтақавий тармоғида тажриба алмашинуви ва агробизнес ҳамда қишлоқ хўжалигини юритиш амалиётида аёл-фермерларни билим ва кўникмаларини яхшилаш» лойиҳаси доирасида семинар-тренинг бўлиб ўтди.
Унда Марказий Осиё ва Жанубий Кавказ қишлоқ хўжалиги илмий-тадқиқот ташкилотлари ассоциацияси (CACAARI) Ўзбекистон Республикаси Қишлоқ хўжалиги вазирлиги, Халқаро сув ресурсларини бошқариш институти (IWMI), биодеҳқончилик халқаро маркази (ICBA), Бутунжаҳон сабзавотчилик маркази (World Veg), Тошкент давлат аграр университети вакиллари ва Сурхондарё вилояти фаолият юритаётган фермер хотин-қизлар иштирок этди.

Қишлоқ хўжалиги ва агробизнес амалиётида мулкдор хотин-қизлар учун нималарни билиш ва ўрганиш муҳимлиги, фермерлар хўжалигини юритиш ва агробизнес амалиётида қўлланилишини яхшилаш борасида фермер аёлларнинг малака ва билимлари оширилди.

Дуккакли экинларни етиштиришнинг инновацион технологиялари, қишлоқ хўжалиги ўсимликларини ҳимоя қилишда инновацион технологияларни қўллаш, Ўзбекистонда бошоқли дон экинларини етиштиришнинг инновацион технологиялари, сабзавот экинларини вегетатив пайвандлашнинг замонавий усуллари каби мавзудаги маърузалар кенг муҳокама қилинди.

Семинар-тренинг якунида фаол иштирокчиларга сертификатлар топширилди.

https://uza.uz/uz/posts/fermer-ayollar-uchun-treninglar_316916

Келгусида фермер ва кластерлар ҳамкорлиги қандай бўлади?

Мамлакатимизда қишлоқ хўжалигини ривожлантириш ва унинг рақобатбардошлигини ошириш аҳолининг 60 фоизидан ортиқ қисми яшаётган қишлоқларнинг фаровонлик даражасини юксалтиришда муҳим омил бўлмоқда.
Ҳозирда юртимизда 81 мингдан зиёд фермер хўжалиги фаолият юритмоқда. Ўтган даврда мамлакатимизда қишлоқ хўжалигини ривожлантириш, жумладан фермер хўжаликларига имтиёзлар жорий этиш бўйича қатор фармон ва қарорлар қабул қилинди. Улардан бири- Президентимизнинг 2018 йил 27 декабрда қабул қилинган «Пахта хом ашёсини етиштиришда томчилатиб суғориш технологияларидан кенг фойдаланиш учун қулай шарт-шароитлар яратишга оид кечиктириб бўлмайдиган чора-тадбирлар тўғрисида» ги қарори. Унга кўра, фермер хўжаликлари ва бошқа қишлоқ хўжалиги корхоналарига имтиёзлар жорий этилди. Натижада сўнги 3-4 йилда пахта, ғалла ва бошқа соҳаларда 681 минг гектардан зиёд майдонда томчилатиб суғориш тизими жорий этилди. Айниқса, пахтада томчилатиб суғоришни жорий этган фермер ва бошқа хўжаликларлар давлат бюджети маблағлари ҳисобидан ҳар гектарига 8 миллион сўмдан субсидия берилмоқда.

Вазирлар Маҳкамасининг ҳузуридаги Тадбиркорлик фаолиятини ривожлантиришни қўллаб-қувватлаш давлат жамғармаси маблағлари ҳисобидан пахта хомашёси ишлаб чиқарувчиларига томчилатиб суғориш тизимларини қуриш, реконструкция қилиш ва уларнинг бутловчи қисмларини сотиб олиш учун ажратиладиган кредитлар бўйича фоиз аражатмалари тижорат банклари томонидан белгиланган фоиз ставкасидан бир гектарга 20 млн.сўмдан ошмайдиган қисмининг 10 фоизли пункти миқдорида қоплаб берилмоқда. Қорақалпоғистон Республикаси ва Хоразм вилоятларида эса пахтада томчилатиб суғоришни жорий этгани учун гектарига 12 миллион сўмдан субсидия бериш жорий этилди.

Давлатимиз раҳбарининг «Пахтачилик соҳасида бозор томоилларини кенг жорий этиш чора-тадбирлари тўғрисида»ги ҳамда «Ғалла етиштириш, харид қилиш ва сотишга бозор томоилларини кенг жорий этиш чора-тадбирлари тўғрисида»ги қарорлари ҳам қишлоқ хўжалигида эркин рақобатни таъминлаб, бозор иқтисодиёти тамойилларини жорий этишда муҳим аҳамият касб этмоқда. Хусусан, пахта ва ғалла етиштиришда давлат буюртмаси, харид нархининг белгиланишини босқичма-босқич бекор қилиб, деҳқонларимиз меҳнатининг иқтисодий самарадорлиги ҳамда манфаатдорлиги ошишига эришилмоқда.

Айни вақтда қишлоқ хўжалигида кластерлар фаолияти самарадорлигини ошириш чора-тадбирлари кўрилмоқда. Келгуси беш йилда қишлоқ хўжалигида ҳосилдорликни камида 2 баробар кўтариш, хомашёни чуқур қайта ишлаш, соҳа экспортини 7 миллиард долларга етказиш, аҳоли бандлиги ва даромадларини янада ошириш шулар сирасидандир.

Кластерлар 5 мингдан ортиқ юқори унумли техника олиб келди, 126 минг гектар майдонда сув тежаш технологиялари жорий қилинди. Пахта ҳосилини молиялаштириш шудгор давридан, яъни октябрь ойидан бошланади. Бундан буён, кластерларга кредитлар 24 ой муддатга ажратилиб, унинг имтиёзли даври амалдаги 11 ойдан 18 ойгача узайтирилади. Бу тизимни жорий этишга бюджетдан 10 триллион сўм йўналтирилади. Шу мақсадда Қишлоқ хўжалиги жамғармасига йил якунига қадар қўшимча 100 миллион доллар ажратилади.

Келгуси йилдан ип-калавани қайта ишлайдиган кластерларга кредит олишда пахта хомашёси ва толасини гаровга қўйиш амалиёти жорий этилади.

Ғаллачилик кластерлари ва фермерларга буғдойни бозор нархида тўлиқ эркин сотиш ҳуқуқи берилади. Бунда, кластер ва фермер хўжаликлари 3 йил давомида ҳар гектардан 2,5 тонна ғаллани биржа савдоларига чиқариши талаб этилади. Қолган ҳосилни эса, тўғридан-тўғри сотиш ҳуқуқи берилади.

Мева-сабзавотчилик кластерларига айланма маблағ учун, жамғарма ҳисобидан 1 йил муддатга 10 фоиздан кредит ресурслари ажратилади. Юртимизда 200 минг гектар паст ҳосилли пахта ва ғалла майдони қисқартирилиши режалаштирилган. Бу майдонлар аҳолига танлов асосида, узоқ муддатли ижарага берилади. Эҳтиёжманд оилаларга деҳқончилик сирларини ўргатиш ва кўмаклашиш учун 100 миллион сўмгача бўлган мева-сабзавотчилик лойиҳаларига «Ҳар бир оила – тадбиркор» дастури шартлари асосида кредит берилади.

Фермер ва кластерларни қўллаб-қувватлаш мақсадида, келгуси йилдан бошлаб, техника сотиб олиш бўйича кредитларнинг 10 фоиздан юқори қисми давлат томонидан қоплаб берилиши белгиланди. Шунингдек, импорт қилинадиган техника, бутловчи ва эҳтиёт қисмлар божхона тўловларидан 3 йил муддатга озод этилади. Натижада кластер ва фермерлар техникани 35 фоизгача арзон харид қилиш имкониятига эга бўлади.

Шу тариқа фермер ва кластер корхоналарига юқоридаги имтиёзларнинг берилиши мамлакатимизда қишлоқ хўжалигининг янада ривожланишига ҳамда маҳсулотларимизнинг қайта ишланиб ички бозорларимизни арзонлаштиришга ва тайёр маҳсулотларимизнинг экспорт қилиш имконияти янада кенгайишига хизмат қилади.

З.Алламурадов
Ўзбекистон фермер, деҳқон хўжаликлари ва томорқа ер эгалари кенгаши бўлим бошлиғи
https://uza.uz/uz/posts/kelgusida-fermer-va-klasterlar-hamkorligi-qanday-boladi_316954?q=%2Fposts%2Fkelgusida-fermer-va-klasterlar-hamkorligi-qanday-boladi_316954

​Ерлари тортиб олинаётган фермерлар ҳақида бир неча постлар ва мақолалар чиққанди.

Ушбу масала юзасидан Ўзбекистон фермер, деҳқон хўжаликлари ва томорқа ер эгалари кенгаши Қорақалпоғистон Республикаси Вазирлар Кенгаши ва вилоят ҳокимликларига туман (шаҳар) ҳокимликлари томонидан фермер хўжаликларининг ер участкаларини ижарага олиш шартномасини қонун ҳужжатларига зид равишда бекор қилиш ҳолатларига йўл қўймаслик чораларини кўриш юзасидан хат киритибди.

Аъзо бўлинг:
👉@bahodirahmedoff👈

Махсус репортаж: Ўзбекистон фермер, деҳқон хўжаликлари ва томорқа ер эгаларини Кенгаши ва Фермер, деҳқон хўжаликлари ва томорқа ер эгаларини қўллаб қувватлаш Жамғармасининг амалий ишлари

Ўзбекистон фермер, деҳқон хўжаликлари ва томорқа ер эгаларини Кенгаши масъуллари томонидан ташкил этилган Арзонлаштирилган савдо ярмаркалари

Har bir yoshga bir gektar yer loyihasi bugunga kelib o'z samarasini bermoqda

Uzumchilikni rivojlantirishga qaratilgan e'tibor natijasida soha jadal sur'atlar bilan rivojlanmoqda

Хатирчи тумани аҳоли хонадонларида Узумчилик

Китоб ва Шаҳрисабз туманларидаги насос станциялари ҳақида.

Китоб туманида Ўзбекистон Республикаси Президентининг ПҚ-5200 Қарори ижросини таъминлаш мақсадида Узумчиликни ривожлантириш бўйича кўргазмали-амалий семинар ташкил этилди

Сирдарё туманида Томорқа хизмати ташкилотларини ривожланиши