🌿 Фермер, деҳқон хўжаликлари ва томорқа ер эгаларини қўллаб-қувватлаш Жамғармаси томонидан аҳоли ўз томорқасидан самарали фойдаланишига шароит яратиш мақсадида субсидия маблағлар ажратилиб, Пахтачи ва Иштихон туманларида артезиан қудуқлари қазилиб, фойдаланишга топширилди

Бу эса озиқ-овқат хавфсизлигини таъминлаш билан бир қаторда, бозорлар арзонлиги ва баракасини таъминлашига хизмат қилади

web / facebook / Instagram / YouTube / twitter

📍 Ўзбекистон фермер, деҳқон хўжаликлари ва томорқа ер эгалари кенгашининг республика ишчи гуруҳи томонидан:

- Каттақўрғон тумани “Ойижон” маҳалласида яшаб келаётган аҳоли томонидан катта ва кичик томорқа ҳамда иссиқҳоналарда асосан цитрус мевалари, кўкактлар, полиз ва тўқсонбости экинларини экиб келишади.

Томорқа ер эгалари билан мулоқотда, экинлар агротехникаси ва парваришига керакли тавсиялар берилиб, “Томорқа хизмати” корхоналари орқали талабгорларга амалий ёрдам кўрсатиб борилади.

web / facebook / Instagram / YouTube / twitter

🇺🇿 Ўзбекистон Респудликаси Президентининг 2024 йил 12 декабрдаги “Қишлоқ хўжалигини механизациялаш даражасини янада ошириш чора-тадбирлари тўғрисида”ги ПҚ-431-сон қарорига шарҳ

2025 йил 1 январдан, қишлоқ хўжалиги техникалари етказиб беришда амалдаги қонунчиликка мувофиқ қўлланиладиган имтиёзлар (субсидия, солиқ ва божхона имтиёзлари ва молиявий ёрдамлар) фақат маҳаллий ишлаб чиқарувчилар ва дилерлар орқали муомалага чиқариладиган қишлоқ хўжалиги техникаларига нисбатан татбиқ этилади.

2027 йил 1 январгача қуйидагилар божхона божидан ва утилизация йиғимидан озод қилинади:

- белгиланган талабларга жавоб берадиган пахта териш комбайнлари, ўзиюрар озуқа йиғувчи ва боғдорчилик комбайнлари, кўчат кўмиш ва очиш техникалари;

- маҳаллий ишлаб чиқарувчилар ва дилерлик хизмати томонидан хориждан олиб келинадиган янги пахта териш комбайнлари, ўзиюрар озуқа йиғувчи ва боғдорчилик комбайнлари, кўчат кўмиш ва очиш техникалари.


Ўзбекистон фермер, деҳқон хўжаликлари ва томорқа ер эгалари кенгаши бош мутахассиси Собит Рўзибоев

web / facebook / Instagram / YouTube / twitter

💧 2025 йилда сув таъминотини яхшилаш бўйича манзилли дастур тасдиқланди

Ўзбекистон Республикаси Президентининг 2020 йил 30 июндаги “Аҳоли томорқаларидан фойдаланиш самарадорлигини оширишнинг қўшимча чора-тадбирлари тўғрисида”ги ПҚ-4767 қарорининг 7-банди ҳамда Вазирлар Маҳкамасининг 2020 йил 24 февралдаги 109-сон қарорида сув таъминоти оғир ҳудудлардаги аҳоли томорқаларида қазиладиган қудуқларнинг манзилли дастурини шакллантириши белгиланган.

Шунга кўра, 2025 йилда бурғуланиб, ишга тушириладиган артезиан қудуқларни субсидиялашни ташкил этиш мақсадида Қорақалпоғистон Республикаси Вазирлар Кенгаши ва вилоятлар ҳокимликларининг таклифларига мувофиқ талабгорлар кесимида манзилли рўйхат шакллантирилди.

Мазкур манзилли рўйхат Ўзбекистон Республикаси Сув хўжалиги вазирлиги ва Ўзбекистон Маҳаллалари уюшмаси билан ҳамкорликда тасдиқланди.

web / facebook / Instagram / YouTube / twitter

🟢 Берунийлик фаҳрий нуроний “Намунали томорқачи” кўкрак нишони соҳиби Наримбетов Йўлдош ота қишлоқ хўжалиги ходимлари куни муносабати билан соҳадаги кўп йиллик тажрибаси, меҳнати ва изланувчанлиги инобатга олиб, “Қишлоқ хўжалиги фидоийси” кўкрак нишони билан ҳам тақдирланди.

web / facebook / Instagram / YouTube / twitter