ГУНОҲИ КАБИРАНИНГ АДАДИ ТУРЛИЧА

Ҳадиси шарифларда келган умумий кабира гуноҳлар йигирмата бўлиб, уларнинг тўрттаси қалбга тегишлидир. Улар:

1) Аллоҳ таолога ширк келтириш.
2) Гуноҳ ишларда бардавом бўлиш.
3) Аллоҳ таолонинг раҳматидан ноумид бўлиш.
4) Аллоҳ таолонинг азобидан қўрқмаслик.

Яна тўрттаси тилга тегишли. Улар:
1) Ёлғон гувоҳлик бериш.
2) Покдомонларга туҳмат қилиш.
3) Ёлғондан қасам ичиш.
4) Сеҳр.

Учтаси қоринга тегишли. Улар:
1) Хамр ичиш.
2) Етимнинг молини ейиш.
3) Рибо молини ейиш.

Иккитаси фаржга тегишли:
1) Зино қилиши.
2) Ливота.

Бештаси қўлга тегишли: Улар:
1) Ноҳақдан одам ўлдириш.
2) Ўғрилик қилиш.
3) фарзандларини ўлдириш.
4) Йўлтўсарлик қилиш.
5) Омонат ва ўлжа молларига хиёнат қилиш.

Биттаси оёққа тегишли.
1) У урушдан қочишлик.

Яна бири бутун баданга тегишли.
1) У ота-онага оқ бўлиш.

Аллома Жалолиддин Даввоний раҳматуллоҳи алайҳ «Шарҳи Ақоиди Аздий»да ва Ибн Нужайм раҳматуллоҳи алайҳ «Баҳрур-роиқ»да бошқа кабира гуноҳларни ҳам қайд қиладилар. Ибн Аббос розияллоху анҳумо гуноҳи кабиралар етмишга яқин деганлар. Саид ибн Жубайр розияллоҳу анҳу уларни етти юзта деган эканлар.

"Мишкот ал-масобиҳ" китобидан.

Дўстларингизга ҳам улашинг!!!
•┈•┈•┈•❁imonuz❁•┈•┈•┈•

☪ imon.uz     👉 | @imonuz

#Видео

ЁМОН ГУМОНДАН САҚЛАНИНГ!

Меҳмонхон домла ЖАББОРОВ
Жиззах вилояти бош имом-хатиби

Яқинларингизга ҳам улашинг!
https://t.iss.one/+vJGwYpQGrmwzNWMy

"ЎША ҚАВМДАН БЎЛИБ ҚОЛИШДАН ҚЎРҚАМАН"...

Нақлдирки, имом Абу Ҳанифани бир дафъа ҳибс қилдилар. Золимлардан бири келиб: «Менга қаламни учлаб бергил!» – деди. (У кимса ўша қалам билан адолатсиз бир ҳукм ва ноҳақ бир буйруқ ёзиши мумкинлигидан) «Йўқ, учлаб бермайман!» – деди.

Ҳар қанча буюрса ҳам, фойда бермади. «Нечун учлаб бермайсан?» – деб сўради. Абу Ҳанифа айтди: «Аллоҳ таъоло (фаришталарига) айтадики: «Тўпланглар золимларни ва улар билан ҳамкорлик қилганларни… Ва уларни жаҳаннам йўлига элтинглар!» Бас, Ҳақ таъоло айтган ўша қавмдан бўлиб қолишдан қўрқурман».

"Тазкиратул-авлиё"дан.

Дўстларингизга ҳам улашинг!!!
•┈•┈•┈•❁imonuz❁•┈•┈•┈•

☪ imon.uz     👉 | @imonuz

БАЙТУЛМОЛГА ТОПШИР

Бир куни Умар (розияллоҳу анҳу) уйига келиб, хотинидан егулик сўради. Аёли озроқ ширинлик келтирди. Бунинг қаердан келганини сўраган эди, аёли:
– Кундалик озуқамиздан озроқ ун, ёғ ва асалдан тежаб қолиб, жамғариб қўйган эдим. Кўпайиб қолган экан, шуларни тайёрладим, – деб жавоб берди.
– Сен озуқамиздан тежаб қолган бўлсанг, кундалик егулигимиз камлик қилиб қолмадими? – сўради Умар (розияллоҳу анҳу).
– Йўқ.
– Ундай бўлса бу бизга ортиқчалик қилар экан. Демак, уни ейишга ҳақимиз йўқ. Тур!
Уни байтулмолга топшириб кел!

Бу ҳақда ҳофиз Иброҳим байт битган экан:
Халифа ўзи очдур, дунё оёқ остида,
Зоҳидлик мақомидур, Аллоҳ унинг дўсти-да!

Бир кун унинг аёли ширинлик қилди ҳозир,
Сўроқлади: “Бу қайдан бизларга келди, гапир?”

Аёл деди: “Ҳар куни егуликлардан тежаб
Жамғариб борган эдим, кўпайиб қолмиш, ажаб.

Шулардан ҳолва қилдим, сарфлаб маҳоратим,
Сиз севган таомларни тайёр қилиш одатим”.

Умар деди: “Тежасанг камайдими егулик?
Уйимизда бўлдими очлик деган кўргулик?

“Йўқ, ҳаммаси жойида”, жавоб қайтарди аёл.
Умар дер: “Ундай бўлса, сўзларимга қулоқ сол.

Ўша ортиб қолгани эҳтиёждан ташқари,
Уни олиб йўлга туш тезда байтулмол сари”

“Расулуллоҳ соллаллоҳу алайҳи ва саллам ҳаётидан лавҳалар” китобидан.

Дўстларингизга ҳам улашинг!!!
•┈•┈•┈•❁imonuz❁•┈•┈•┈•

☪ imon.uz     👉 | @imonuz

#Видео

ЗУЛҲИЖЖА ОЙИНИНГ ФАЗИЛАТИ

Меҳмонхон домла ЖАББОРОВ
Жиззах вилояти бош имом-хатиби

Яқинларингизга ҳам улашинг!
https://t.iss.one/+vJGwYpQGrmwzNWMy

Зикр қилувчиларнинг ўтирган жойи жаннатнинг боғларидир.

Расулуллоҳ соллаллоҳу алайҳи васаллам: «Аллоҳнинг шундай фаришталари борки, улар ер юзидаги зикр мажлисларига тушиб, жаннат боғларида ҳузурланишади», дедилар. «Жаннат боғлари қаерда?» деб сўрашган эди, Расулуллоҳ соллаллоҳу алайҳи васаллам шундай дедилар: «Зикр мажлисларида. Аллоҳнинг зикри билан у ёқ-бу ёққа юринг. Бир-бирингизга Аллоҳни эслатинг. Ким ўзининг Аллоҳ ҳузуридаги мартабасини билмоқчи бўлса, ўзининг ҳузурида Аллоҳнинг мартабаси қандай эканига қарасин. Зеро, банда ўзининг ҳузурида Аллоҳ таолони қай мартабага қўйса, Аллоҳ таоло ҳам уни Ўзининг ҳузурида шу мартабага қўяди»

(Имом Ибн Абу Дунё ривояти).

Дўстларингизга ҳам улашинг!!!
•┈•┈•┈•❁imonuz❁•┈•┈•┈•

☪ imon.uz     👉 | @imonuz

ҲАРОМ ЛУҚМА

Абу Бакр (розияллоҳу анҳу)нинг ғуломи бир куни егулик олиб келди. Абу Бакр (розияллоҳу анҳу) ўша таомдан бир луқма еди.
– Кечаси билан мени сўрабсиз, нега сўраган эдингиз? – савол берди ғулом.
– Очлик сабабидан сўраган эдим. Бу таомни қаердан олиб келдинг? – сўради Абу Бакр (рози яллоҳу анҳу).
– Мен жоҳилият даврида бир кишига фол очар эдим. Бироқ ўзим асли фолбин эмаслигимдан ва фол очишни яхши эплай олмаганимдан уни алдар эдим. Бугун ўша кишини кўриб қолган эдим, мана шу сиз еяётган таомни берди.
Шу заҳоти Абу Бакр (розияллоҳу анҳу) қўлини ҳалқумига тиқиб, еган луқмасини қусди.
Бунинг боисини сўраган эди:
– Аллоҳга қасамки, агар шу луқма жоним билан қўшилиб чиқса ҳам чиқармай қўймас эдим!
Мен Расулуллоҳ (соллаллоҳу алайҳи ва саллам)нинг: “Ҳаромдан ўсган тан дўзахга лойиқдир”, деганларини эшитганман. Мен шу луқма билан танамга ҳаром аралашиб қолишидан қўрқдим, – деб жавоб берди.

“Расулуллоҳ соллаллоҳу алайҳи ва саллам ҳаётидан лавҳалар” китобидан.

Дўстларингизга ҳам улашинг!!!
•┈•┈•┈•❁imonuz❁•┈•┈•┈•

☪ imon.uz     👉 | @imonuz

Ҳаж симпозиумида Ўзбекистон делегацияси фаол иштирок этиб, манфаатли мулоқотлар ўтказди

#hajning_mukofoti_jannat
#haj2024

Дўстларингизга ҳам улашинг!!!
•┈•┈•┈•❁imonuz❁•┈•┈•┈•

☪️ imon.uz     👉 | @imonuz