#14_yanvar
#Vatan_himoyachilari_kuni

✍Shahlo Hamidova
O‘zbekiston Yozuvchilar uyushmasi a'zosi

🎙Rohila Ro‘zimannopova
Muhammad Yusuf nomidagi ijod maktabining 8-sinf o‘quvchisi

👇Bizni kuzatishda davom eting
👉@ima_myim

O‘zbekiston Respublikasi Qurolli Kuchlari tashkil etilganining 32 yilligi va Vatan himoyachilari kuni munosabati bilan bayram tabrigi

Telegram | Facebook | Instagram | YouTube

#14_yanvar
#Vatan_himoyachilari_kuni

EL HIMOYАCHILARIGA

Bizni qoʻriqlaysiz, asraysiz bizni,
Tinchimaysiz, elim yashasin deb tinch.
Bedoru beorom tunlaringizni,
Tavof aylar bizning mehr va sogʻinch.

Jangovor onlarda oʻzni unutib,
Purviqor egalik haddin bilasiz.
Balolar kelsami koʻksingiz tutib,
Bizga osudalik hadya qilasiz.

Yogʻiy koʻringanda shersiz jonfido,
Sizga begonadur qoʻrqoq tuygʻular.
Vatan darvozasin chertolmay xatto
Ortga qaytmogʻi rost hamma qaygʻular.

Sizday posboni bor qoʻrgʻon mustahkam,
Nayranglar yiqilib oʻlar poyida.
Yov tugul, uning bir xashorati ham,
Dov topolmay qotib qolar joyida.

Bizni qoʻriqlaysiz, asraysiz bizni,
Sizni suyib turar dahlsiz sarxad.
Bedoru beorom tunlaringizni,
Tavof aylar bizning mehru muhabbat.

✍Zamira Roʻziyeva
Oʻzbekiston Yozuvchilar uyushmasi aʼzosi, shoira

Aziz yurtdoshlar! Hurmatli Maktabgacha va maktab ta’limi vazirligi tizimida munosib xizmat qilib kelayotgan yigitlar!

Sizlarni O‘zbekiston Respublikasi Qurolli Kuchlari tashkil etilganligining 32 yilligi hamda Vatan himoyachilari kuni munosabati bilan samimiy muborakbod etaman.

Faxr bilan ta’kidlash o‘rinliki, yurtimizda olib borilayotgan keng islohotlarni amalga oshirish, vatandoshlarimiz tinchligi va davlatimiz mustaqilligini mustahkamlashda sizlarning ham munosib o‘rningiz bor.
Ayniqsa, yoshlarni harbiy-vatanparvarlik ruhida tarbiyalashga qaratilgan ishlaringiz muhim ahamiyatga ega.

Katta mamnuniyat bilan ayta olamanki, sizlarning har biringiz o‘z oilangiz va yaqinlaringizning mustahkam qo‘rg‘oni, munosib suyanchisizlar.

Sizlar kabi o‘z Vatani va oilasini jondan sevuvchi mard o‘g‘lonlar, yurt himoyachilari bor ekan, bizning ko‘nglimiz xotirjam. Jasur va fidoyi Vatan himoyachilari — bizning chinakam faxrimizdir.

Barchangizga uzoq umr, oilangizga baxt-saodat, tinchlik-xotirjamlik tilayman.

Hilola Umarova,
Maktabgacha va maktab ta’limi vaziri

#Tabrik

XALQ VA ARMIYA BIR TANU BIR JON!

Ixtisoslashtirilgan ta’lim muassasalari agentligi jamoasi Vatanimiz himoyasi va rivoji uchun turli xil kasblarda xizmat qilayotgan O‘zbekiston o‘g‘lonlarini O‘zbekiston Respublikasi Qurolli kuchlari tashkil topganining 32 yilligi va Vatan himoyachilari kuni bilan samimiy qutlaydi.

Mamlakatimiz tinchligini saqlash yo‘lida amalga oshirayotgan fidokorona xizmatlaringizda muvaffaqiyat hamisha yor bo‘lsin! Sog‘lik-salomatlik, oilaviy xotirjamlik, sharafli faoliyatingizda ulkan zafarlar tilaymiz!

Bayramingiz muborak bo‘lsin!

Telegram | Facebook | Instagram | YouTube

YURT O‘G‘LONLARI

Sizda ulkan yurak, metin iroda,
Goh kòkda uchgaysiz, gohi sahroda.
Sarhadni qòriqlab yayov, piyoda,
Vatanning suyanch - el qòrģonlari,
Òzbekning pahlavon, ey òģlonlari!

Sergaksiz yoģiyni tutgan lochinim,
Qush tinsa tinar, lek sizda yòq tinim.
Siz-opam, singlimsiz, akamsiz, inim,
Sheryurak, burgutkòz dil dostonlari,
Òzbekning pahlavon, ey òģlonlari!

Siz Amir Temurdan sachragan uchqun,
Oringiz har nedan ortiqdir, ustun.
Tinch hayot aslida bayram siz uchun,
Tinchlik karvonining zòr sarbonlari,
Òzbekning pahlavon, ey òģlonlari!

Dunyo quchoģida mizģiydi olam,
Beshikda qiqirlar òģil- qiz- bolam.
Sadoqat kòksida ungan gul- lolam,
Siz borki, yurtimning tinch osmonlari,
Òzbekning pahlavon, ey òģlonlari.

Bu kun madhingizni baralla kuylay,
Sizga tongdan oppoq tilaklar tilay,
Bir kun xizmatingiz men òzim qilay,
Siz yayrang Vatanning shon- posbonlari,
Òzbekning pahlavon, mard òģlonlari!

✍Shahlo HAMIDOVA
Muhammad Yusuf nomidagi ijod maktabi o‘qituvchisi, O‘zbekiston Yozuvchilar uyushmasi a'zosi

#14_yanvar
#Vatan_himoyachilari_kuni

Aziz vatandoshlar!
Mard va jasur yurtimiz posbonlari, hurmatli ustoz-murabbiylar hamda dovyurak yoshlar!

Sizlarni, Oʼzbekiston Respublikasi Qurolli Kuchlari tashkil etilganining 32 yilligi va Vatan himoyachilari kuni munosabati bilan samimiy muborakbod etamiz.

Yangi O‘zbekistonimizning ravnaqi, sarhadlarimiz dahlsizligi yo‘lida ko‘rsatayotgan mislsiz xizmatlaringizni doimo qadrlaymiz.

Sizlarga sihat salomatlik, oilaviy xotirjamlik, ish va o‘qishlaringizda ulkan zafarlar yor bo‘lsin deymiz. Munavvar va saodatli kunlarimizga koʻz tegmasin!

Shohistaxon NURMATOVA
Muhammad Yusuf nomidagi ijod maktabi direktori

#14_yanvar
#Vatan_himoyachilari_kuni

POSBONLAR

Sizda orom qayda,
Sizda tin qayda.
Siz tóyib uxlagan bitta tun qayda.
El − yurt oromini asragan zotlar,
El mehri asrasin sizni har joyda!..

Sizni uchrataman tog'da, dalada,
Xizmatda hamisha − qorda, jalada.
Sizga sabot bersin, Sizga kuch bersin,
Buyuk zotlar ruhi shunday pallada...

Har kun oftob bilan sog' kórishib yuz,
Uydan omon chiqib, omon qaytingiz.
Rizqi ulug' bólsin, kóksi ulug' bólsin,
Xonadoningizu mamlakatingiz.

Yóllar ravon bólsin, yóllar oq bólsin,
Bahor maysalari kókchiroq bólsin.
Burchga sadoqatli ey fidoiylar,
Pokligingiz sizga kózmunchoq bólsin!..

Sizda orom qayda, sizga tin qayda,
Siz tóyib uxlagan bitta tun qayda.
El −yurt oromini asragan zotlar,
El mehri asrasin sizni har joyda.

✍Muhammad Yusuf
O‘zbekiston xalq shoiri

👇Bizni kuzatishda davom eting
👉@ima_myim

YIGITLARGA

Yigitlar xalqlarning maqtovi-koʻrki,
Naslning javhari, davlat tayanchi,
Yurtning obodligi, toʻylar sababi,
Elning gurkirashi, fayzi quvonchi…

Yigit omon boʻlsa, xavfu xatar yoʻq,
Qalqon bor: qalʼa but, qoʻrgʻon salomat,
Qizlar kulgusida avju daromad,
Chollar uyqusida jannat, farogʻat.

Yigitlik umrining bir koʻklamiga
Bir butun zamonni alishsang arzir.
Arzir, oʻz yigitning qadami uchun
Zamonlar, koʻklamlar boʻlsa muntazir.

Bir yigit hijroni baʼzan otaning
Bagʻrini, doʻstlarim, dogʻ-dogʻ oʻrtar…
Raso qomatingiz bizga asodir,
Ufuring, bogʻimiz boʻlsin muattar.

Siz, axir, oʻlimni yurtdan qochirib,
Hayotni poyidor qilgan askarsiz.
Siz, axir, ulugʻ yurt iqboli uchun
Jon tikkan erlarsiz, zotsiz, nafarsiz.

Laʼnati galalar yerdan suprildi,
Muqaddas va halol qoningiz bilan.
Yangi jahon uchun asos qoʻydingiz,
Oʻlimni bilmagan joningiz bilan.

Atomlar quvvati pok qalbingizda
Va sizdan kutadi taqdirin jahon:
Jahon, zamon, xalqlar, Vatan va davlat
Sizga tayanadi, sizdir posbon.

Gʻafur Gʻulom

#Muhammad_Yusuf_nomidagi_ijod_maktabi
#bolalar_adabiyoti

JO‘JA

Jo‘ja boqdim birtalay
Katta emas harqalay.

Dum-dumaloq ko’zlari,
Mayin sariq yuzlari.

Yosh boladay sho’x ekan,
Lek onasi yo‘q ekan.

Dadam bilan qaraymiz,
U yayrasa, yayraymiz.

Hali kuchga to’ladi,
Tovuq xola bo’ladi.

Har birini asrayman,
Kuzgacha men qarayman.

Jo’ja ulg’aygan chog’i,
Quradi tuxum tog’i.  

✍Mohlaroy ZAFARJONOVA
Muhammad Yusuf nomidagi ijod maktabining 11-sinf o‘quvchisi

#hayot_lavhalari

“Iste’dodsiz farzand bo‘lmaydi, e’tiborsiz ota-onalar bor, xolos”

✅ Iqtidorli rejissyor Shokir Xoliqovning ushbu g‘oya ostida yaratilgan “Iste'dod" ijtimoiy roligida hayotimizning kundalik bir lavhasi katta mahorat bilan ochib berilgan.

➖ Film ijodkorlari ta’kidi bilan aytganda, har bir bolaning ichida o‘ziga xos iste’dod yashirin. Uni yuzaga chiqarish hamda rivojlantirish ota-onalarning farzandiga berayotgan e’tiboriga, daldasiga bog‘liq.

➖“Iste'dod" ijtimoiy roligi sizga ana shu haqiqatni ko‘rsatib beradi.

❗️Hurmatli ota-onalar, farzandlaringizning qiziqishlari va iste’dodiga befarq bo‘lmang!

Telegram | Facebook | Instagram | YouTube