#ijod_bekati

Qaldirg‘ochlar

Har bahorda qaldirg‘ochlar
Hovlimizga qaytadi.
Biz keldik deb chug‘urlashib
Quyuq salom aytadi.

Bu qush - Alloh mo‘jizasi
Uvoq bersang olmaydi.
Birov qurgan uyga qo‘nib
Nomardlikni qilmaydi.

Mehnat qilib uy quradi,
Loyin tashib og‘zida.
Mehr nuri yog‘ib turar,
Marjon-marjon ko‘zida.

Farzandiga saboq berib,
Tarbiyalar kun-u tun.
Gar biror bir xavfni sezsa,
Qanotin tashlar mahzun.

Kel, qaldirg‘och, sen yayrab,
Musaffo osmonga uch.
Sen sadoqat ramzisan,
Mangu oshiyoning quch.

Ne’matjonova  Dilbaroy 
Muhammad Yusuf nomidagi 
ijod maktabining 10-sinf o‘quvchisi

👇Bizni kuzatishda davom eting!
👉@ima_myim