#ustozlar_ijodidan

***
Bahor kunlarida kuzning havosi,
Tanimni junjitar oqshomgi shamol.
Nega muncha gʻamgin nayning navosi,
Nega qalbim toʻla oʻkinch va malol?

Barglar orasiga tinmasdan sira
Oshno yulduzlardan toʻkiladi nur.
Bilmayman, qiynaydi qaysi xotira,
Titroq yulduz kabi muzlagan shuur.

Magʻlub bahodirning nayzasi misol
Maʼyus egiladi terak uchlari,
Barglar soyasida oʻynaydi behol
Uyqudagi qizning bedor tushlari.

Atrofimda yotar gʻarib bir viqor,
Bilmam, nega oʻchdi qalbim safosi?
Nima ham qilardim, na ilojim bor,
Bahor kunlarida kuzning havosi.

✍Abdulla Oripov
O‘zbekiston Qahramoni, xalq shoiri

👇Bizni kuzatishda davom eting!
👉@ima_myim

#Muhammad_Yusuf_70_yoshda

O‘zbek ayoli

✍Muhammad Yusuf
🎤Muhammad Yusuf

👇Bizni kuzatishda davom eting!
👉@ima_myim

#Muhammad_Yusuf_70_yoshda

Muhammadsiz kuylarim qoldi

🎤Yulduz Usmonova
O‘zbekiston xalq artisti

👇Bizni kuzatishda davom eting!
👉@ima_myim

#hayrli_tun

Muhammad Yusuf nomidagi ijod maktabi tuninggiz osuda o‘tishini tilab qoladi

👇Bizni kuzatishda davom eting!
👉@ima_myim

#Muhammad_Yusuf_70_yoshda

Muhammad Yusuf xotirasiga

Adirlarda lolaqizg‘aldoq,
Yig‘lab to‘kar yaproqlarini.
Qaldirg‘ochlar "Muhammad" deya,
Yashirolmas titroqlarini.

Rayhon esa hidlarin yoyib,
Shoirini topa olmay jim.
Turnalar ham sog‘inchdan yig‘lar,
Muhammadni ko‘rgan bormikin?

She‘rlarini aytayotganday,
Go‘yo mayin shabbodalar ham.
Tog‘da ohu shoirin izlar,
"Erka kiyik" ko‘zlarida nam.

Shoirini sog‘inmagan kim?
Har satrini kuylar irmoqlar.
Bugun "Turkman qiz"lar ham yig‘lab,
Shoir qani?- deya so‘roqlar.

Garchi bugun oramizda yo‘q,
She‘rlarida yashaydi shoir.
Gar qabriga borib qolsangiz,
Gul poyondoz to‘shaydi shoir.

Har satrida abadiy yashar,
O‘lmagaydir shoir tug‘yoni.
Asli ustoz Muhammad Yusuf
Andijonning erka o‘g‘loni!
  
✍Rohila Ro‘zimannopova
Muhammad Yusuf nomidagi ijod maktabi 8-sinf o‘quvchisi

👇Bizni kuzatishda davom eting!
👉@ima_myim

#Muhammad_Yusuf_70_yoshda

O'ZBEK HAQIDA BALLADA

Qiyosi yo'q uning mehri bir daryo,
O'xshasa o'ziga o'xshaydi O'zbek.
Boshqa millatlarni bilmadim, ammo,
Dunyoda bolam deb yashaydi O'zbek!

O'nta bo'lsa o'rni boshqa uningchun,
O'g'lim otashimdan yaralgan uchqun.
Qizim parilardan chehrasi gulgun,
Qoshlari qalam deb yashaydi O'zbek!

Bir qo'lda belanchak, bir qo'lda Qur'on,
Bir yelkada ketmon, birida iymon.
Barchaga barobar oftobsimon,
Yashnasin olam deb yashaydi O'zbek!

Bobolari qaysi yigitlardan kam,
Momolari hushro'y yuzdan oshsa ham.
Zurriyodlari bo'lsa bitta uyga jam,
To'shak yetmay to'nin to'shaydi O'zbek!

Ehtirom etganga ehromlari bor,
Kekkayganga bo'yin egmaydi zinhor.
Beshik to'la jajji islomlari bor,
Tosh o'tmas qo'rg'onga o'xshaydi O'zbek!

Qiyosin topdingmi aytgin Muhammad?
O'xshasa o'ziga o'xshaydi O'zbek.
Yomon she'r yozsang ham betingdan o'pib,
Kam bo'lma bolam deb yashaydi O'zbek!

✍Muhammad Yusuf
O‘zbekiston xalq shoiri

👇Bizni kuzatishda davom eting!
👉@ima_myim

#Muhammad_Yusuf_70_yoshda

O‘zbek haqida ballada

✍Muhammad Yusuf
O‘zbekiston xalq shoiri

🎤Ixtisoslashtirilgan ta'lim muassasalari agentligi tizimidagi Muhammad Yusuf nomidagi ijod maktabi va Andijon viloyatidagi ixtisoslashtirilgan maktab va maktab-internatlarining ma'naviy-ma'rifiy ishlar bo‘yicha direktor o‘rinbosarlari ishtirokida

👇Bizni kuzatishda davom eting!
👉@ima_myim

#Muhammad_Yusuf_70_yoshda

DIQQAT TANLOV

Muhammad Yusuf nomidagi ijod maktabi hamda O‘zbekiston Yozuvchilar uyushmasi Andijon viloyati bo‘limi tomonidan Ixtisoslashtirilgan ta'lim muassasalari agentligi tasarrufidagi prezident, ijod va ixtisoslashtirilgan maktab, maktab-internatilarining 7-11 sinf o‘quvchilari o‘rtasida O‘zbekiston xalq shoiri Muhammad Yusuf tavalludining 70 yilligi munosabati bilan “Ulug‘imsan, Vatanim” mavzusidagi ijodiy ishlar tanlovini e’lon qiladi.

Tanlov uch yo‘nalishda tashkil etiladi.
- “Vatanni Najmiddin Kubrodek seving” mavzusida shoir she’rlariga nazira bog'lash, 
- videorolik tayyorlash,
- shoir she’rlaridan tahliliy va publitsistik maqolalar, esse yozish.

Hakamlar tomonidan g‘olib deb topilgan eng sara ijodiy ishlar shoir tavalludining 70 yilligi munosabati bilan oʻtkaziladigan viloyat tadbiri arafasida taqdirlanadi.

Ijodiy ishlarni joriy yilning 15 aprel kuniga qadar @Durdona_Abdukarimxodjayeva telegram manziliga yuborishingiz so‘raladi.

👉@ima_myim

#Munosabat

📶 O‘zbekiston Respublikasi Prezidentining 2024-yil 1-aprel kuni qabul qilingan "Ijod maktablari faoliyatini yanada takomillashtirish chora-tadbirlari to‘g‘risida”gi qarori yuzasidan Muhammad Yusuf nomidagi ijod maktabi oʻqituvchisining fikri

Telegram | Facebook | Instagram | YouTube

O‘zbekiston Respublikasi Prezidentining "Muborak Ramazon hayitini nishonlash to‘g‘risida"gi qarori

Telegram | Facebook | Instagram | YouTube

#hayrli_tun

Muhammad Yusuf nomidagi ijod maktabi tuninggiz osuda o‘tishini tilab qoladi

👇Bizni kuzatishda davom eting!
👉@ima_myim

#Muhammad_Yusuf_70_yoshda

АNDIJONIM

Bogʼi shamol boʼylarida kezib yurdim,
Bobolarim pok ruhini sezib turdim.
Tuprogʼini kaftga olib koʼzga surdim,
Shoh pahlavon Bobur yurti Аndijonim.

Bunda yashar oʼz ahdiga vafodorlar,
Koʼzni olar loʼppi-loʼppi paxtazorlar.
Gul undirgan dalasidan ketmay qorlar,
Аziz bobodehqon yurti Аndijonim.

Jannatmakon soʼlim shahar gulzorlari,
Uchaman der Аsakaning tulporlari.
Mard elimning lochinlari, shunqorlari,
Qahramon Qobiljon yurti Аndijonim.

Bu oʼlkada Mohlaroyim izlari bor,
Parilarday qoramayiz qizlari bor.
Jamolidan oy uyalgan yuzlari bor, Tandir-tandir shirmoy yurti Аndijonim.

Bu makonni Xizr bobo qoʼllab yurar,
Xirmoniga pok nafasin yoʼllab yurar.
Tushida ham dalasini oʼylab yurar,
Osmon qadar imkon yurti Аndijonim.

✍Muhammad Yusuf
O‘zbekiston xalq shoiri

👇Bizni kuzatishda davom eting!
👉@ima_myim

#Muhammad_Yusuf_70_yoshda

ANDIJONIM

✍Muhammad Yusuf
O‘zbekiston xalq shoiri

🎤Muhammad Yusuf nomidagi ijod maktabi o‘qituvchilari ishtirokida

👇Bizni kuzatishda davom eting!
👉@ima_myim